Distance आणि Online पदवींना नियमित मान्यता, यूजीसीच्या निर्णयाने लाखो विद्यार्थ्यांना दिलासा

UGC decision: विद्यापीठ अनुदान आयोगाने (University grant Commission, UGC) शिक्षण घेणाऱ्या लाखो आणि करोडो विद्यार्थ्यांना मोठा दिलासा दिला आहे. विद्यापीठ अनुदान आयोगाने जाहीर केलेल्या नोटिफिकेशननुसार, आता पारंपारिक पदवींच्या बरोबरीने दूरस्थ आणि ऑनलाइन शिक्षणाच्या पदवींना मान्यता दिली जाणार आहे.

ODL प्रोग्राम रेग्युलेशन २२ अंतर्गत निर्णय
मान्यताप्राप्त संस्थांमधून दूरस्थ आणि ऑनलाइन शिक्षणाद्वारे प्राप्त केलेली पदवी ही पारंपारिक पद्धतीने प्रदान केलेल्या पदवीच्या बरोबरीनेच गणली जाईल. हा निर्णय यूजीसी (ओपन अँड डिस्टन्स लर्निंग प्रोग्राम्स आणि ऑनलाइन प्रोग्राम्स रेग्युलेशन २०२०) च्या नियम २२ नुसार घेण्यात आला आहे.

दूरस्थ शिक्षण किंवा ऑनलाइन पदवी ही पारंपारिक पदवीच्या समकक्ष
विद्यापीठ अनुदान आयोगाच्या (UGC) २०१४ च्या अधिकृत अधिसूचनेनुसार पदवी, पदव्युत्तर स्तरावरील पदव्या आणि उच्च शिक्षण संस्थांद्वारे मुक्त आणि दूरस्थ शिक्षण किंवा ऑनलाइन माध्यमातून घेतलेला पदव्युत्तर डिप्लोमा, संबंधित पदवी आणि पोस्ट ग्रॅज्युएट डिप्लोमाच्या पारंपारिक पद्धतीद्वारे ऑफर केलेले पदवीधर डिप्लोमा, संबंधित पदवी आणि पदव्युत्तर पदविका समतुल्य मानले जातील.

Irrigation Department Job: राज्याच्या पाटबंधारे विभागात भरती, जाणून घ्या तपशील
शिक्षकांच्या बदल्यांसंदर्भात नवे धोरण येणार? शिक्षणमंत्र्यांनी दिले संकेत
यूजीसीकडून बनावट विद्यापीठांची यादी जाहीर
युनिव्हर्सिटी ग्रँट्स कमिशनने नुकतीच बनावट विद्यापीठांची यादी जाहीर केली. सध्या देशभरातील सर्व विद्यापीठांमध्ये एकीकडे प्रवेश प्रक्रिया सुरू असताना यूजीसीने २१ विद्यापीठे बनावट (Fake University List) म्हणून घोषित केली आहेत. यादी जाहीर करण्यासोबतच यूजीसीने विद्यार्थ्यांना या संस्थांमध्ये प्रवेश न घेण्याचा इशाराही दिला आहे. विद्यार्थ्यांनी यापैकी कोणत्याही विद्यापीठात प्रवेश घेतल्यास त्यांची पदवी स्वीकारली जाणार नाही.

स्वयंभू विद्यापीठांना पदव्या देण्याचा अधिकार नाही
विद्यापीठ अनुदान आयोगाने (UGC) बनावट आणि स्वयंभू घोषित केलेल्या विद्यापीठात दिल्ली आणि उत्तर प्रदेशमध्ये सर्वाधिक संस्था आहेत. बनावट घोषित केलेल्या या विद्यापीठांना कोणत्याही प्रकारचे पदवी अभ्यासक्रम चालविण्यास, त्यात प्रवेश घेण्याची आणि परीक्षेनंतर पदव्या देण्याची परवानगी नाही.

BMC Recruitment: मुंबई पालिकेत विविध पदांवर भरती, ‘येथे’ पाठवा अर्ज