सिनेविश्वात धमाकेदार एण्ट्रीनंतर हृता दुर्गुळेने घेतला ब्रेक! सेकंड हनीमून एन्जॉय करतेय अभिनेत्री

मुंबई: ‘मन उडू उडू झालं’ मालिकेतून घराघरात पोहोचलेला चेहरा म्हणजे अभिनेत्री हृता दुर्गुळे (Hruta Durgule Instagram). अभिनेत्रीने ‘अनन्या’ आणि ‘टाइमपास ३’ या सिनेमातून तिच्या मराठी सिनेविश्वात पदार्पण केले. याशिवाय १२ सप्टेंबर रोजी तिच्या वाढदिवशी अभिनेत्रीने ‘कन्नी’ या सिनेमाची घोषणाही केली आहे. तसंच आता लवकरच ती महेश मांजरेकरांच्या ‘एका काळेचे मणी’ या वेब सीरिजमध्येही दिसणार आहे. त्यामुळे लागोपाठ प्रोजेक्ट्समध्ये व्यग्र असणाऱ्या हृताने कामातून काहीसा ब्रेक घेतला आहे आणि ती नवऱ्यासोबत सुट्टी एंजॉय करते आहे.

हे वाचा-Brahmastra चा विजय तर बॉयकॉट करणाऱ्यांची हार! या कारणांमुळे बॉक्स ऑफिसवर धमाका

१२ सप्टेंबर रोजी हृताचा वाढदिवस साजरा करण्यासाठी ती नवरा प्रतिक शाह याच्यासोबत फी फी आयलँड याठिकाणी पोहोचली आहे. तिने सोशल मीडियावर या सुट्टीदरम्याचे काही फोटो शेअर केले आहेत. अभिनेत्रीने तिच्या वाढदिवसाच्या ट्रीपचे एक रीलही शेअर केले होते.

आता तिने शेअर केलेले काही फोटो (Hruta Durgule Phi Phi Island Vacation Photo) व्हायरल होत आहेत. तिने शेअर केलेल्या फोटोमध्ये अभिनेत्रीने रंगीबेरंगी असा शॉर्ट ड्रेस परिधान केला असून त्यावर कमेंट्सचा पाऊस पडतो आहे. अभिनेत्रीच्या चाहत्यांनी तर यावर कमेंट्स केल्याच आहेत, याशिवाय तिच्या सहकलाकारांनीही हृताच्या लूकचं कौतुक केलं आहे.

हृता दुर्गुळे १८ मे रोजी प्रतिक शाहसोबत लग्नबंधनात अडकली. हनीमूनसाठी हृता आणि प्रतिक टर्कीमध्ये गेले होते. त्यांच्या या सुट्टीमधीलही विविध फोटो या जोडप्याने सोशल मीडियावर शेअर केलेले. आता पुन्हा एकदा ही जोडी त्यांचा ‘सेकंड हनीमून’ एन्जॉय करताना दिसते आहे. तिने इन्स्टास्टोरीमध्येही विविध फोटो शेअर केले आहेत.

हे वाचा-आयुष्मान खऱ्या आयुष्यातही बनलेला ‘विकी डोनर’; या कारणामुळे केले होते स्पर्म डोनेट

‘फुलपाखरू’, ‘मन उडू उडू झालं’, ‘दुर्वा’ या मराठी मालिकांतून लोकप्रियता मिळवत हृता ‘महाराष्ट्राची क्रश’ ठरली होती. त्यानंतर तिने रवी जाधव यांची निर्मिती असणाऱ्या ‘अनन्या’ सिनेमातून सिनेविश्वात पदार्पण केले. पहिला वहिला सिनेमा प्रदर्शित झाल्यानंतर काहीच दिवसात तिचा दुसरा सिनेमा ‘टाइमपास ३’ प्रदर्शित झाला होता, ज्याचे दिग्दर्शन रवी यांचे होते. महाराष्ट्रातील अनेक सिनेमागृहांमध्ये एकाच वेळी हृताचे दोन्ही सिनेमे लागले होते. या दोन्ही सिनेमांनी प्रेक्षकांचे मनोरंजन करण्यात यश मिळवले होते.