Career in HR: एचआर होण्यासाठी काय करायचं? जाणून घ्या सर्वकाही

How to Become HR Manager: कॉलेज सोडल्यानंतर पहिल्या नोकरीमध्ये तुम्हाला अनेक आव्हाने आणि संघर्षांना सामोरे जावे लागते. मग ते मुलाखतीशी संबंधित किंवा कामाशी संबंधित आव्हान असू शकते. एचआर बनावे अशी अनेक तरुणांची इच्छा असते. पण यासाठी काय करावे लागते? कोणते कोर्स असतात? वैगेरे असे अनेक प्रश्न तरुणांना असतात. अशा प्रश्नांची उत्तरे जाणन घेऊया.

मला ह्युमन डेव्हलपमेंटबाबत माहिती हवी आहे. मी सध्या मुंबई युनिव्हसिर्टीमधून एम.ए पार्ट दुसरा करत आहे.
– पर्णिका जाधव

तुम्हाला एचआरचा अभ्यास करण्यासाठी खालील पर्याय आहेत. यापैकी तुम्हाला शक्य असेल अशा कोर्सचा विचार करता येईल.
– MMS/PGDM/MBA [HR] हा दोन वर्षांचा पूर्ण वेळ कोर्स
– MHRDM हा दोन वर्षांचा कामाचा अनुभव असल्यास करू शकतो.
– एचआरमध्ये डिप्लोमा करू शकता.
– ह्युमन रिसोर्सेस मॅनेजमेण्ट आणि लेबर रिलेशन्स (HRM & LR) यामध्ये एम.ए करू शकतो.

मी बी.कॉम पूर्ण केलंय. मात्र, अद्याप मला नोकरी नाहीय. मी राज्य किंवा केंद सरकारच्या जॉब्जना प्राधान्य देईन. मला कम्प्युटर किं वा अन्य कुठल्या कोसेर्सची माहिती देऊ शकाल का?
– सोनाली जाधव
सरकारी नोकरी मिळवण्यासाठी तुम्हाला काही परीक्षा पास व्हाव्या लागतील. यूपीएसी, एमपीएसी, एसएससी, रेल्वे, बँका आणि अशा अनेक परीक्षा आहेत. या परीक्षांबाबतची सर्व माहिती विविध वृत्तपत्रांमधून प्रकाशित होत असते. या परीक्षांबरोबरच तुमचं संवादकौशल्य, कम्प्युटर नॉलेज (एमएचसीआयटीसारखे बेसिक कोर्स) वाढवायला हवं.

मी २८ वर्षांचा असून, सध्या एका बँकेत असिस्टंट मॅनेजर म्हणून काम करतो आहे. मी माझं ग्रॅज्युएशन फक्त पूर्ण केलेलं आहे. मला आता शिकायचं आहे. माझ्या क्षेत्राला पूरक असा कोणता कोर्स मी करू?
– अमित सावंत

तुम्हाला बँकिंग क्षेत्रातीलच करिअर करायचे असल्यास ‘इंडियन इन्स्टिट्युट ऑफ बँकिंग अॅण्ड फायनान्स’ तफेर् घेण्यात येणाऱ्या अनेक कोसेर्सची माहिती घेता येईल. यासाठी www.iibf.org ही वेबसाइट पाहू शकता.

Interview Tips: HR च्या प्रश्नांना ‘अशी’ उत्तरे देऊन मिळवा हमखास नोकरी आणि भरघोस पगार
मी गेल्या वर्षी बीएस्सी आयटी पूर्ण केलंय. मी डिस्टंन्स एमबीए करावं का? अशा एमबीएला व्हॅल्यू आहे का? असल्यास मी कोणत्या इन्स्टिट्युटमधून एमबीए करावं?

– काही अडचणींमुळे आपलं शिक्षण पूर्ण करू न शकलेल्या विद्यार्थ्यांसाठी डिस्टंन्स एज्युकेशन राबवलं जातं. तसंच, एखाद्या कोर्समधून तुम्हांला किती माहिती मिळते यावर तो कोर्स चांगला की वाईट ते ठरतं. तसंच, अशा एमबीए कोर्ससाठी प्रवेश घेताना DEC-AICTE-UGCकडून कोर्सला मान्यता मिळालेली आहे की नाही हे तपासून घ्या.

ऑनलाइन शिक्षणाचे असेही तोटे, विद्यार्थ्यांना जडले डोळ्यांचे आजार
मी २००६ मध्ये बी.कॉम झालो. मला एचआरमध्ये करिअर करायचं होतं. मात्र, काही कारणाने मी नोकरीला सुरुवात केली. सध्या एक्झिकेटिव्ह म्हणूनच काम करतो आहे. मला नोकरी सांभाळून एमबीए करता येईल का? मला पार्ट टाइम कोर्सची माहिती द्या.

– तुम्हाला दोन वर्षांच्या कामाचा अनुभव असल्याने तुम्ही MHRDMया तीन वर्षांच्या पार्ट टाइम मास्टर्स कोर्सला अॅडमिशन घेऊ शकता. मुंबई युनिव्हसिर्टीतर्फे हा कोर्स चालवला जातो. मात्र, सगळ्या बी स्कूल्समधून होणाऱ्या अॅडमिशन्स अकॅडेमिक इअरला म्हणजेच जूनपासून होत असल्याने तुम्हांला पुढच्या वर्षी संधी घ्यावी लागेल.

शाळा, महाविद्यालयातील तरुणाई अडकतेय ‘इलेक्ट्रॉनिक सिगरेट’च्या जाळ्यात