बाॅलिवूडनं नाही दाखवलं यश, ‘बाहुबली’च्या सुपरस्टार शिवगामीनं व्यक्त केली खंत

मुंबई : आपल्या करिअरमध्ये एकापेक्षा एक सरस सिनेमे देणारी राम्या कृष्णन (Ramya Krishnan Birthday) बाहुबली सिनेमातल्या शिवगामी व्यक्तिरेखेसाठी प्रसिद्ध आहे. राम्यानं तामिळ, तेलुगू, कन्नड आणि मल्याळम सिनेमात काम केलंय. ती स्वत:ला मात्र तेलुगू स्टार मानते. तिनं मोठ्या कलाकारांबरोबर हिंदी सिनेमातही काम केलं आहे. पण तिथे फारसं यश नाही मिळालं.

राम्यानं केलं अनेक हिंदी सिनेमांत काम
राम्यानं ‘दयावान’, ‘परंपरा’, ‘खलनायक’, ‘चाहत’, ‘बनारसी बाबू’ आणि ‘बड़े मियां छोटे मियां’ या हिंदी सिनेमांत काम केलं होतं. या सिनेमातल्या तिच्या अभिनयाचं कौतुक तर नक्कीच झालं. पण बाॅलिवूडमध्ये प्रमुख भूमिका कधीच मिळाली नाही. नुकतीच राम्यानं लायगर सिनेमात विजय देवरकोंडाच्या आईची भूमिका साकारली होती. पण हा सिनेमा बाॅक्स ऑफिसवर आपटला.

नवा गडी नवं राज्य: आनंदी मुलांना शिकवतेय रामरक्षा, अस्वस्थ झाली रमा

‘बाॅलिवूडमध्ये स्ट्रगल करण्याची हिंमत नव्हती’
नुकत्याच एका इंटरव्ह्यूमध्ये राम्या म्हणाली, ‘बाॅलिवूडमध्ये माझा कुठलाच सिनेमा फारसा यशस्वी झाला नाही. खरं तर मी तेलुगू सिनेमात स्टार होते. पण साऊथ इंडस्ट्री सोडून बाॅलिवूडमध्ये स्ट्रगल करण्याची हिंमत काही झाली नाही. मला सगळं सोडणं सोपं नव्हतं. तुम्हाला कुठल्या फिल्म इंडस्ट्रीत काम करायचं असेल तर तुमच्याकडे यशस्वी सिनेमा हवा. माझ्याकडे हिंदी सिनेमा नव्हता. मग तेलुगूमध्येच मी खूश होते.’

राम्या कृष्णनचे पुढचे प्रोजेक्ट
राम्या आता रजनीकांतबरोबर जेलर सिनेमात प्रमुख भूमिकेत असेल. क्वीन वेब सीरिजच्या दुसऱ्या सीझनमध्येही राम्या आहे. राम्याची व्यक्तिरेखा जयललिता यांच्यावर आधारित आहे.

ब्रह्मास्त्रच्या प्रमोशनसाठी राजामौली यांना दिले १० कोटी? काय आहे सत्य

वयाच्या १४ वर्षांपासून राम्या कृष्णन काम करतेय. वेल्लई मनासू हातिचा १९८४ मध्ये आलेला पहिला सिनेमा. त्यानंतर तिनं मागे वळून पाहिलंच नाही.