बाबरने भारताच्या जखमेवर बोट ठेवलं, रवी शास्त्रींनी एका वाक्यात बोलती केली बंद; पाहा video

दुबई: यंदा सुरू असलेल्या आशिया कप २०२२ मध्ये पाकिस्तानचा संघ अंतिम फेरीच्या सामन्यासाठी पात्र ठरला आहे. तो सुपर फोर संघांच्या गुणतालिकेत दुसऱ्या क्रमांकावर आहे तर श्रीलंका प्रथम क्रमांकावर आहे. सोबतच सुपर फोरमधील २ सामन्यांमध्ये भारताचा पराभव झाल्याने भारत तिसऱ्या क्रमांकावर आहे. बुधवारी अफगाणिस्तान विरुद्ध पाकिस्तान सामना झाला, या सामन्यात पाकिस्तानच्या संघाने विजय मिळवला आहे. पाकिस्तानच्या गोलंदाजाने अनपेक्षित अशी फलंदाजी करत संघाला विजय मिळवून दिला.

नसीम शाहने अफगाणिस्तानविरुद्ध लागोपाठ दोन षटकार ठोकून अफगाणिस्तानकडून विजय हिरावून घेतला आहे. सामन्यानंतरच्या प्रेझेंटेशनमध्ये रवी शास्त्रीच्या हातात माईक होता, तर समोर पाकिस्तानचा कर्णधार बाबर आझम होता. यादरम्यान बाबर आझमने नसीम शाहच्या षटकारांची तुलना केली. यावर लगेचच भारताचे माजी क्रिकेटपटू आणि माजी प्रशिक्षक रवी शास्त्री यांनी चोख प्रत्युत्तर दिले. या क्षणाचा व्हिडिओ चांगलाच व्हायरल होत आहे.

आता चमत्कारही वाचवू शकत नाही! फायनल गाठण्याचे टीम इंडियाचे सर्व दरवाजे झाले बंद

जावेद मियांदादने १९८७ मध्ये भारताचा माजी वेगवान गोलंदाज चेतन शर्माला शेवटच्या चेंडूवर षटकार ठोकून पाकिस्तानला विजय मिळवून दिला होता. आजही पाकिस्तान त्याचा उल्लेख करण्यापासून मागे हटत नाही. नसीमचे लागोपाठ षटकार दीर्घकाळ स्मरणात राहतील, कारण १९ वर्षीय तरुणाने ४ चेंडूत नाबाद १४ धावांची खेळी करत पाकिस्तानला आशिया चषक स्पर्धेच्या अंतिम फेरीत नेले.

एका प्रयोगाने भारताच्या स्वप्नांचा केला चुराडा; पराभवासाठी रोहित की राहुल, कोण जबाबदार?

यानंतर कर्णधार बाबर आझमही त्याच्या बाकीच्या सहकाऱ्यांप्रमाणेच उत्साहित झाला. भारताचे माजी अष्टपैलू खेळाडू आणि मुख्य प्रशिक्षक रवी शास्त्री यांनी त्याला सामन्याबद्दल विचारले तेव्हा तो म्हणाला, “खरे सांगायचे तर ड्रेसिंग रूममध्ये खूप तणावाचे वातावरण होते. गेल्या काही सामन्यांप्रमाणे आम्ही भागीदारी रचू शकलो नाही, पण नसीमने ज्या पद्धतीने सामना पूर्ण केले ते आश्चर्यकारक होते.’

तो म्हणाला- मला वाटले की हे क्रिकेट आहे आणि मी नसीमला अशी फलंदाजी करताना पाहिले, त्यामुळे माझा थोडा विश्वास बसला. मला जावेद मियांदादच्या शारजाहमधील षटकाराची आठवण झाली. बाबरने मियांदाद कनेक्शनचा उल्लेख करताच शास्त्री, जे त्यांच्या आवेगासाठी प्रसिद्ध होता, त्यांनी उत्तर दिले – त्या दिवशी मी इथे होतो. आठवण करून दिल्याबद्दल धन्यवाद.

३६ वर्षांनंतर पुन्हा तेच घडलं…, पाकिस्तानच्या एका षट्कारने भारताला केले स्पर्धेबाहेर

शास्त्री व्यतिरिक्त, आणखी एक माजी क्रिकेटर ब्रॉडकास्टर बनला, जो त्या दिवशी शारजाहमध्ये उपस्थित होता आणि अंतिम अकरा खेळाडूंमध्ये होता. तो वसीम अक्रम आहे. नसीमला खेळताना पाहण्याचा अनुभव सांगण्यासाठी त्याने एक शानदार ट्विट केले- काय खेळ आहे… या वयात इतका खळबळजनक शेवट मी पाहू शकत नाही! मुला, तरुण नसीम शाहचा किती छान षटकार… जावेद मियांदादने शेवटच्या चेंडूवर षटकार मारला तेव्हा मी संघाचा भाग होतो… ३६ वर्षांनंतर आज शेवटच्या षटकात दोन षटकार दिसले… खळबळजनक गोष्ट.