ज्या मैदानातून स्ट्रेचरवरुन नेलं, तिथेच केला मोठा पराक्रम; पंड्याची भावनिक पोस्ट

दुबई, 29 ऑगस्ट: भारत आणि पाकिस्तान संघातल्या रविवारी झालेल्या महामुकाबल्याचा हीरो ठरला तो अष्टपैलू हार्दिक पंड्या. तीन विकेट्स आणि नाबाद 33 धावा अशी कामगिरी करत हार्दिक पंड्यानं भारताला दिमाखात जिंकून दिलं. आशिया चषकात पाकिस्तानविरुद्ध ही हार्दिकची आणखी एक मोठी कामगिरी ठरली. पण 2018 सालच्या आशिया चषकात पाकिस्तानविरुद्धच हार्दिकला एका मोठ्या दुखापतीला सामोरं जावं लागलं होतं. ही दुखापत त्याच्या कारकीर्दीतला एक मोठा अडथळा बनली होती.

काय घडलं होतं त्या सामन्यात?

19 सप्टेंबर 2018 साली झालेल्या दुबईतल्या त्या सामन्यात हार्दिक गोलंदाजी करताना मैदानातच कोसळला. दुखापत इतकी गंभीर होती की त्याला उठणंही मुश्किल झालं होतं. स्ट्रेचरवरुन त्याला मैदानाबाहेर न्यावं लागलं. हार्दिकचं करीअर संपणार की काय अशी परिस्थिती होती. पण बऱ्याच महिन्यांनी हार्दिक त्या दुखापतीतून सावरला. आणि त्यानं मैदानात कमबॅक केलं.

The comeback is greater than the setback pic.twitter.com/KlnD4GZ4ZO

— hardik pandya (@hardikpandya7) August 29, 2022

हार्दिककडून ट्विटरवर पोस्ट

ट्विटरवर आज एक पोस्ट केली. त्यात त्यानं 2018 सालचा स्ट्रेचरवरुन नेतानाचा फोटो आणि कालच्या सामन्यानंतरचा फोटो एकत्र पोस्ट केला आहे. दरम्यान या कमबॅकसाठी हार्दिकनं टीम इंडियाचे माजी फिजिओ नितीन पटेल आणि सध्याचे स्ट्रेन्थ अँड कन्डिशनिंग कोच सोहम देसाई यांचे आभार मानले आहेत. याचं श्रेय हार्दिकनं या दोघांना दिलं आहे.

Published by:Siddhesh Kanase

First published: August 29, 2022, 16:57 IST