अयान मुखर्जीने शेअर केला ब्रह्मास्त्रचा नवीन प्रोमो, तो पाहून प्रेक्षक म्हणाले- कृपा करून आता बस करा

मुंबई- सिनेमाकडे प्रेक्षकांना खेचून घेण्यासाठी सुरुवात चुकवू नका आणि शेवट सांगू नका असं म्हटलं जातं. सिनेमाच्या प्रमोशनमध्येही कलाकार शेवट काय पण स्टोरीही कळू न देण्याची काळजी घेतात. गेल्या पाच वर्षापासून उत्सुकता शिगेला पोहोचलेल्या ब्रह्मास्त्र सिनेमाला पडद्यावर येण्यासाठी आता फक्त तीन दिवस उरले आहेत. पोस्टर, टीझरपासून गाणी रिलीज करत प्रमोशन जोरदार करणाऱ्या दिग्दर्शक अयान मुखर्जीने नुकताच एक नवा प्रोमो सोशल मीडियावर शेअर केला आहे. पण हाच प्रोमो बघून प्रेक्षकांनी चक्क डोक्यालाच हात लावला आहे.

महाकाल मंदिरात नतमस्तक झाला ‘ब्रह्मास्त्र’चा दिग्दर्शक; आलिया-रणबीरला नो एंट्री!

खरंतर सिनेमाचे प्रोमो बघायला प्रेक्षकांना खूप आवडतं. प्रेक्षकांचा याच आवडीचा विचार करून सिनेमाच्या प्रमोशनमध्ये प्रोमो तयार करण्यासाठी निर्माते खास मेहनत घेत असतात. पण ब्रह्मास्त्रच्या नवा प्रोमो बघून, आता बस करा असा सूर प्रेक्षकांना लावला आहे. प्रोमोमध्ये सिनेमातील महत्वाचे सीन, गाण्याची झलक दाखवली जाते.

थोडक्यात २.३० तासांच्या सिनेमात प्रेक्षकांना काय पाहायला मिळेल हे सांगताना उत्सुकता ताणून धरली जाते. पण इथे ब्रह्मास्त्रच्या नव्या सिनेमात मात्र अगदी सिनेमाचा शेवटही समजेल असं दिसताच प्रेक्षकांनी अयान मुखर्जीला ट्रोल करायला सुरुवात केली आहे. लोकांचं म्हणणं आहे की प्रोमोच्या नादात सगळा सिनेमाच इन्स्टाग्रामवर रिलीज करणार का?

आधी चेहरा झाला खराब आता पुन्हा बिघडली २८ वर्षीय प्रसिद्ध गायकाची तब्येत

ब्रह्मास्त्र सिनेमाच्या नव्या प्रोमोचा व्हिडिओ दिग्दर्शक अयान मुखर्जी याने शेअर केलाआहे. यावर एका नेटकऱ्याने लिहिलं आहे की , प्रोमो रिलीज करण्याची उत्सुकता चांगलीच आहे पण प्रोमोमध्ये सगळच दाखवू नका की प्रेक्षक थिएटरमध्ये येणारच नाही. दुसऱ्या एकाने लिहिलं की सिनेमासाठी थोडे तरी सीन्स ठेवा, सगळंच प्रोमोमध्ये दाखवू नका. अजून एकाने लिहिले की, जर सिनेमा रिलीज होईपर्यंत प्रोमो दाखवण्याची इतकीच हौस असेल तर गाण्यांचे प्रोमो बनवा. ब्रह्मास्त्रच्या सध्याच्या नव्या प्रोमोमध्ये सिनेमाच्या कथेविषयी सगळंच कळलं असल्याने प्रेक्षक नाराज झाले आहेत.

नेटकऱ्यांच्या कमेंट वाचून अयान म्हणाला की, सध्या शेअर होणाऱ्या प्रोमोपेक्षाही या सिनेमात खूप गोष्टी नव्याने पाहता येतील, त्यामुळे प्रेक्षकांनी काळजी करू नये. मान्य आहे की या सिनेमातील बऱ्याच गोष्टी प्रोमोमध्ये आऊट झाल्या आहेत पण असा एक हुकमी एक्का आहे जो थिएटरमध्ये दिसणार आहे. थ्रीडी इफेक्टही प्रेक्षकांसाठी ट्रीट आहे. त्यामुळे हा सिनेमा आमच्यासाठी जितका खास आहे तितकाच तो प्रेक्षकांसाठीही असेल.