MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
साधारणपणे, लिव्हर या टाकाऊ पदार्थाचे रूपांतर युरिया नावाच्या दुसर्‍या टाकाऊ पदार्थात करते, जे लघवीद्वारे शरीराबाहेर फेकले जाते. अनकेदा जेव्हा लिव्हर याला साफ करू शकत नाही, तेव्हा ते रक्तात जमा होऊ लागते. रक्तातील त्याची पातळी वाढल्याने लिव्हरचे आजार जसे की, लिव्हर फेल होणे, किडनी फेल होणे आणि इतर अनेक आजारांचा धोका वाढतो. अमोनिया म्हणजे काय, रक्तातील अमोनिया वाढल्याची लक्षणे काय आहेत, रक्तातील अमोनिया वाढल्याने काय होते आणि तुम्ही ते कसे कमी करू शकता याच प्रश्नांची उत्तरे आज या लेखातून जाणून घेऊया. (फोटो सौजन्य :- iStock)
अमोनियाची नॉर्मल रेंज काय आहे?
क्लीव्हलँड क्लिनिकने दिलेल्या रिपोर्टनुसार, बालक, लहान मुले आणि प्रौढ व्यक्ती या प्रत्येकामध्ये अमोनियाची रेंज वेगवेगळी असते. चला जाणून घेऊया की वयोमानानुसार अमोनियाची रेंज नेमकी किती असायला हवी. तर मंडळी, एका महिन किंवा त्यापेक्षा जास्त वयाच्या बालकांमध्ये 50 मायक्रोमोल्स/लिटरपेक्षा कमी अमोनिया असावे. तर प्रौढ व्यक्तींमध्ये हेच प्रमाण 30 मायक्रोमोल्स/लिटरपेक्षा कमी असावे. जर यापेक्षा जास्त प्रमाणात अमोनिया असेल तर मात्र ही धोक्याची घंटा आहे.
(वाचा :- Blood Cleansing Foods : ही 5 लक्षणं सांगतात रक्त झालंय दुषित, विषारी घटकांचा कणन् कण बाहेर फेकतात हे 8 पदार्थ)
अमोनियाची लेव्हल वाढल्याची लक्षणे
लक्षात घ्या की अमोनियाची जास्त पातळी जीवघेणी आहे आणि अशावेळी त्वरित वैद्यकीय उपचारांची आवश्यकता असते. अमोनियाची पातळी वाढलेल्या व्यक्तीमध्ये पुढे नमूद केलेली लक्षणे दिसल्यास त्यांनी त्वरित डॉक्टरांशी चर्चा करून उपचार घेतले पाहिजेत.
- गोंधळ उडणे
- जास्त झोप येणे
- दिशाभूल होणे (अशी स्थिती ज्यामुळे वेळ, स्थळ आणि स्वत:च्या आयुष्याबाबत काहीच लक्षात न राहणे
- मूड बदलणे
- हात थरथरणे
- बेशुद्ध होणे
ही लक्षणे दिसल्यास डॉक्टरांचा सल्ला घ्या.
(वाचा :- पोट, मांडी, कंबरेची चरबी मेणासारखी वितळेल, खा हे 7 नॅच्युरल फॅट बर्नर पदार्थ, पोटात जाताच एक्स्ट्रा फॅट जाळतात)
रक्तातील अमोनिया लेव्हल वाढल्याचे तोटे
जर तुमचे शरीर अमोनियाला बाहेर काढू शकत नसेल तर ते तुमच्या रक्ताच्या नसांमध्ये जमा होऊ लागते. रक्तातील अमोनियाच्या उच्च पातळीमुळे अनेक गंभीर आरोग्याच्या समस्या उद्भवू शकतात. यामुळे ब्रेन डॅमेज होणं, कोमा, लिव्हरचे आजार, किडनी फेल होणे, अनुवांशिक रोग आणि मृत्यूही होऊ शकतो. म्हणूनच ही स्थिती गंभीरपणे घ्यावी त्याकडे अजिबात दुर्लक्ष करू नये. वेळीच उपचार घेऊन तुम्ही या स्थितीतून सहिसलामत बरे होऊ शकता.
(वाचा :- सावधान, फळांसोबत चुकूनही खाऊ नका हे 7 पदार्थ, पोटात बनते अ‍ॅसिडची भयंकर विषारी ज्वाला,किडनी होते कायमची निकामी)
अमोनिया लेव्हल वाढण्याची कारणे
अमोनिया लेव्हल वाढण्याचे सर्वात मोठे कारण म्हणजे लिव्हर फेल होणे. लिव्हर फेल झाल्याने अमोनिया शरीरातून बाहेर निघू शकत नाही. दुसरे प्रमुख कारण म्हणजे लिव्हरला होणारा रक्तप्रवाह अर्थात ब्लड फ्लो कमी होणे ज्यामुळे अमोनिया लिवहरपर्यंत पोहोचतच नाही आणि लिव्हरमधून बाहेर पडूच शकत नाही. तिसरे कारण हेपॅटिक एन्सेफॅलोपॅथी आहे ज्यामध्ये लिव्हर अमोनियावर योग्य प्रकारे प्रक्रिया करू शकत नाही. त्याचप्रमाणे Reye’s syndrome आणि किडनी फेल होणे ही देखील याची प्रमुख कारणे आहेत.
(वाचा :- TB Cough Symptoms: ज्याला तुम्ही सामान्य खोकला समजत आहात तो TB तर नाही ना? या 8 लक्षणांवरून झटक्यात ओळखा फरक.!)
शरीरातील अमोनियाचे प्रमाण कमी कसे करावे?
यासाठी प्रोबायोटिक्सयुक्त दह्याचा आहारात समावेश करावा जेणेकरून तुमची पचनक्रिया चांगली राहिल. दुसरे, जर तुम्हाला लाल मांस खाण्याची आवड असेल तर त्याऐवजी चिकनसारखे हलके मांस खाण्याचा प्रयत्न करा. तिसरे, फळे आणि भाज्या, कडधान्ये यांसारख्या वनस्पती-आधारित गोष्टी अधिक खाव्या ज्या सहज पचतात. चौथे, तुमच्या आहारात कोरड्या फळांचा समावेश करा, ज्यामुळे लिव्हरचे आरोग्य सुधारते. पाचवे, ब्रुसेल्स स्प्राउट्स, ब्रोकोली आणि मोहरी या हिरव्या भाज्या यांसारख्या क्रूसीफेरस भाज्यांचे नियमित सेवन करा कारण त्या फायबरचा चांगला स्रोत आहेत आणि लिव्हरची कार्यक्षमता वाढवतात.
(वाचा :- Foods For Cholesterol: घाणेरडं विषारी कोलेस्ट्रॉल झटक्यात शरीराबाहेर फेकलं जातं, हे 11 पदार्थ करतात रक्त शुद्ध)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा
