नाटकी उच्चारांमुळे ऐश्वर्या राय ट्रोल, Video पाहून युझर्स म्हणाले- ‘बोलतेस की कविता वाचतेस!’

मुंबई- प्रसिद्ध दिग्दर्शक मणिरत्न यांच्या ‘पोन्नियन सेल्वेन १’ सिनेमाचा दमदार ट्रेलर रिलीज झाला. चैन्नईमध्ये झालेल्या कार्यक्रमात ऐश्वर्यासह (Aishwarya Rai Bachchan) सिनेमाची संपूर्ण टीम सहभागी झाली होती. आपल्या सौंदर्यानं ऐश्वर्यानं उपस्थितांमध्ये स्वतःची छाप उमटवली. दाक्षिणात्य सुपरस्टार रजनीकांत यांना तिनं वाकून नमस्कार केल्यानंतर तिचं भरभरून कौतुक केलं गेलं. ऐश्वर्याचं हे वागणं चाहत्यांना खूप आवडलं. परंतु त्याबरोबर ऐश्वर्यानं कार्यक्रमात केलेल्या भाषणाचा व्हिडिओही सोशल मीडियावर व्हायरल झाला आहे. त्यावरून नेटकरी तिची टिंगल उडवत आहेत.

ऐश्वर्या बोलून गेली- करणमुळेच आलिया पुढे आली, Video Viral

‘पोन्नियन सेल्वेन १’ सिनेमाच्या ट्रेलर लाँच कार्यक्रमात ऐश्वर्या राय बच्चन (Aishwarya Rai Bachchan) हिनं मीडियाशीही संवाद साधला. त्यावेळी तिनं सिनेमात काम करतानाचा तिचा अनुभव सर्वांबरोबर शेअर केला. तिनं सांगितलं की मणिरत्न यांच्याबरोबर पुन्हा काम करणं हे तिच्यासाठी एक सुखद अनुभवच होता. या नवीन सिनेमाकडून तिला खूप साऱ्या अपेक्षा आहेत.

नेटकऱ्यांना आवडलं नाही ऐश्वर्याचं नाटकी बोलणं

ऐश्वर्याचा मीडियाशी संवाद साधतानाचा एक व्हिडिओ सोशल मीडियावर व्हायरल झाला आहे. त्यामध्ये ऐश्वर्याचे उच्चार ऐकून अनेकांनी तिची खिल्ली उडवली. तू बोलत आहेस की कविता वाचत आहेस, अशा कमेन्ट युझरनं केल्या आहेत. एकानं तर ही कायम इंग्रजीमध्येच का बोलते, असा प्रश्न विचारला.

विकीनं उचलला नाही फोन म्हणून कतरिनानं काढली खरडपट्टी, विचारलं कोणाशी बोलत होतास?

ऐश्वर्यानं उपस्थितांची जिंकली मनं

दरम्यान, ऐश्वर्याचे चाहते तिच्या अंदाजावर फिदा झाले आहेत. संपूर्ण कार्यक्रमात ऐश्वर्याची जादू होती. चाळीशी पार करूनही ऐश्वर्याचं सौंदर्य जराही कमी झालेलं नसल्याच्या कमेन्ट चाहत्यांनी केल्या आहेत.

सिनेमात आहेत दिग्गज कलाकर

‘पोन्नियन सेल्वन १’ सिनेमात ऐश्वर्या नंदिनी ही भूमिका साकारत आहे. याआधी तिनं हम दिल दे चुके सनम सिनेमात नंदिनी नावाची व्यक्तिरेखा साकारली होती. आता अनेक वर्षानंतर पुन्हा एकदा मोठ्या पडद्यावर ऐश्वर्या नंदिनी साकारत आहे. ‘पोन्नियन सेल्वन १’ हा सिनेमा वेगळ्या पठडीतील आहे. सिनेमात ऐश्वर्याशिवाय विक्रम, कार्ती, जयम रवी, ऐश्वर्या लक्ष्मी, शोभिता धूलिपाला, प्रभू, तृषा, विक्रम प्रभू, प्रकाश राज, रहमान, आर सरतकुमार आणि आर पार्थिबन हे कलाकार आहेत.

३० सप्टेंबरला सिनेमा होणार रिलीज, विक्रम वेधाशी आहे स्पर्धा

सिनेमा कल्कि कृष्णमूर्ती यांच्या पोन्नियन सेल्वेन १ या कादंबरीवर आधारीत आहे. हा सिनेमा दोन भागांत प्रदर्शित होणार आहे. पहिला भाग ३० सप्टेंबर रोजी प्रदर्शित होणार आहे. याच दिवशी सैफ अली खान, हृतिक रोशन यांचा विक्रम वेधा सिनेमा प्रदर्शित होत आहे. बॉक्स ऑफिसवर दोन्ही सिनेमांत तगडी स्पर्धा आहे. त्यातच विक्रम वेधा सिनेमावर बहिष्काराची चर्चा ट्विटरवर होत आहे.