विश्वचषक सुरु असतानाच सौरव गांगुली होणार आयसीसीचे अध्यक्ष, जाणून घ्या कसा होणार मोठा गेम

नवी दिल्ली : भारताचे माजी कर्णधार सौरव गांगुली यांना आता आयसीसीच्या अध्यक्षपदाचे वेध लागलेले आहेत. विश्वचषक सुरु असताना गांगुली हे आयसीसीचे अध्यक्ष असू शकतात. पण त्यासाठी नेमकं काय करावं लागेल, याची संपूर्ण प्रक्रीया काही दिवसांतच सुरु होणार आहे.

सध्याच्या घडीला सौरव गांगुली हे बीसीसीआयचे अध्यक्ष आहेत. पण हे अध्यक्षपद आता जय शाह स्विकारणार असल्याचे चित्र दिसत आहे. कारण जय शहा यांना पंधरा राज्य संघटनांचा अध्यक्षपदासाठी पाठिंबा आहे. त्यामुळे पुढच्या कार्यकाळासाठी तेच अध्यक्ष बनतील, हे जवळपास स्पष्ट झाले आहे. त्याचबरोबर गांगुली आता थेट आयसीसीवर जाणार असल्याची चर्चा आहे. कारण येत्या काही दिवसांमध्ये आयसीसीचे अध्यक्षपद रिक्त होणार आहे.

सध्याच्या घडीला न्यूझीलंडचे ग्रेग बार्कले हे आयसीसीचे अध्यक्ष आहेत. बार्कले यांनी नोव्हेंबर २०२० साली आयसीसीचे अध्यक्षपद स्विकारले होता. बार्कले यांच्या अध्यक्षपदाचा काळ ऑक्टोबर २०२२ मध्ये संपुष्टात येणार आहे. ट्वेन्टी-२० विश्वचषकही याच कालावधीमध्ये आहे. त्यामुळे विश्वचषकापूर्वी आयसीसीच्या अध्यक्षपदासाठी निवडणूक घेण्यात येईल आणि सौरव गांगुली आयसीसीच्या अध्यक्षपदासाठी उभे राहतील. जर ही निवडणूक बिनविरोध झाली तर गांगुली हे आयसीसीच्या अध्यक्षपदार विराजमान होतील. पण जर गांगुली यांच्यासमोर जर कोणी उभे राहिले तर निवडणूक घेण्यात येईल. पण सध्याच्या घडीला तरी भारत ही क्रिकेटमधील महासत्ता आहे, त्यामुळे गांगुली यांच्याविरोधात कोणी उभे राहण्याची जोखीम घेणार नाही. पण जर कोणी उभं राहण्याचा प्रयत्न केला तरी गांगुली ही निवडणूक जिंकू शकतील. त्यामुळे गांगुली हे पुढचे आयसीसीचे अध्यक्ष होणार असल्याचे जवळपास स्पष्ट झाले आहे.

गांगुली जरी या ट्वेन्टी-२० विश्वचषकामध्ये आयसीसीचे अध्यक्ष होऊ शकले नाहीत तरी अजून एक पर्याय त्यांच्यासाठी खुला आहे. कारण २०२३ साली भारतामध्ये वनडे विश्वचषक खेळवण्यात येणार आहे, तेव्हा तर गांगुली हे नक्कीच आयसीसीचे अध्यक्ष असतील. कारण गांगुली नोव्हेंहर २०२२ मध्ये आयसीसीचे अध्यक्ष असतील आणि किमान ऑक्टोबर २०२४ पर्यंत ते या पदावर कायम राहतील. त्यामुळे २०२३ साली विश्वचषक सुरु असताना गांगुली हे आयसीसीचे अध्यक्ष नक्कीच असतील. त्यामुळे आता विश्वचषक हा आपल्या हातून सुपूर्द करण्याचे स्वप्न गांगुली यांचे पूर्ण होऊ शकते. त्यामुळे आता गांगुली हे आयसीसीच्या अध्यक्षपदासाठी कधी अर्ज करतात, याकडे आता सर्वांचे लक्ष लागलेले आहे.