Video: ‘बाहुबली’ अभिनेत्याची चाहत्यासोबत अशी वागणूक; सेल्फी मागताच…

मुंबई: तेलुगू चित्रपटांमधील स्टार अभिनेता राणा दग्गुबती ‘बाहुबली’ (Rana Daggubati) चित्रपटाने जगभरात प्रसिद्ध झाला. राणाने बॉलिवूडमध्येही काम केले आहे. दरम्यान अलीकडेच राणाचा एक व्हिडिओ (Rana Daggubati Video Viral) सोशल मीडियावर व्हायरल होत आहे. ज्यामध्ये या भल्लालदेवासोबत सेल्फी घेण्यासाठी एक चाहता प्रयत्न करताना दिसतोय, पण त्यावर राणाची प्रतिक्रिया कॅमेऱ्यात कैद झाली आहे. या व्हिडिओमध्ये राणा चाहत्याच्या हातातून मोबाइल खेचून घेताना दिसतो आहे.. राणाने त्याची पत्नी मिहिका बजाज आणि वडील डी सुरेश बाबू यांच्यासह प्रसिद्ध तिरुपती मंदिरात दर्शन घेतले. तेव्हा ही घटना घडली.

हे वाचा-माझ्यातल्या प्रेक्षकालाही तितकीच उत्सुकता, सुबोध भावे स्वत:च्याच सिनेमाबद्दल म्हणतोय बरंच काही

चाहत्याचा फोनच खेचला

या व्हिडिओमध्ये दिसते आहे की राणा देवस्थानच्या अधिकाऱ्यंसमवेत चालताना दिसतो आहे. त्याच्या पुढे चालणाऱ्या फोटोग्राफर्सनाही तो जागा देण्यासाठी सांगतो. त्यानंतर तो त्यांचे आभारही मानतो. या दरम्यान एक चाहता त्याच्यासोबत सेल्फी घेण्यासाठी धावत येतो. त्यावेळी राणा त्याचा फोनच खेचून घेतो. अर्थात तो हसत हसत त्याचा फोन परतही करतो. चो चाहताही यावेळी हसून राणाची प्रतिक्रिया स्विकारतो. मंदिरात कुणी सेल्फी घेऊ नये असा सल्लाही त्याने सांगितलं. इथे पाहा व्हिडिओ-

राणाच्या सिनेमाचे पोस्टर रिलिज

राणा सध्या त्याच्या ‘कब्जा’ या सिनेमामुळेही चर्चेत आहे. या चित्रपटाचे पोस्टर हल्लीच रिलीज करण्यात आले. हा १९४२ ते १९८४ या काळातील भारतातील सर्वात मोठ्या गँगस्टर्सवर आधारित पिरियड ड्रामा चित्रपट आहे. चित्रपटाची कथा एका स्वातंत्र्यसैनिकाच्या मुलाची कथा आहे जो नंतर अंडरवर्ल्डमध्ये प्रवेश करतो.

हे वाचा-पहिल्यांदाच घडलं असं काही! कोणत्याही संघाने जिंकला नाही ‘पुरुषोत्तम करंडक’

शेवटचा ‘विराटपर्वम’ सिनेमा झालेला फ्लॉप

राणा शेवटचे ‘विराटपर्वम’ या सिनेमात अभिनेत्री साई पल्लवीसोबत दिसला होता. हा सिनेमा बॉक्स ऑफिसवर सपशेल आपटला. आता तो लवकरच व्यंकटेशसोबत ‘रे डोनावन’ या प्रसिद्ध इंग्रजी मालिकेच्या हिंदी रुपांतरात दिसणार आहे. याशिवाय तो त्रिविक्रम श्रीनिवास दिग्दर्शित ‘हिरण्यकश्यप’ या चित्रपटात दिसणार आहे.