राजस्थानमध्ये वऱ्हाडाची बस नदीत कोसळून ९ जण ठार

राजस्थानमध्ये वऱ्हाडाची बस नदीत कोसळून ९ जण ठार

राजस्थानमध्ये वऱ्हाडाची बस नदीत कोसळून ९ जण ठार


कोटा : राजस्थानच्या कोटा जिल्ह्यात लग्नाच्या वऱ्हाडाला घेऊन जाणारी मोटार रविवारी पहाटे चंबळ नदीत कोसळून झालेल्या अपघातात नवऱ्यामुलासह ९ जण ठार झाले. चालकाला पेंग आल्याने त्याचे वाहनावरील नियंत्रण सुटल्यामुळे हा अपघात घडल्याचे पोलिसांनी सांगितले.

 सवाई माधोपूर जिल्ह्यातील चौथ का बरवाडा खेडय़ातील हे वऱ्हाडी मध्यरात्री अडीच वाजताच्या सुमारास मध्यप्रदेशातील उज्जैन येथे लग्न समारंभासाठी निघाले. इतर वऱ्हाडय़ांना घेऊन जाणारी एक बसही त्यांच्यासोबत होती. पहाटे साडेपाचच्या सुमारास, चालकाला पेंग आल्यामुळे त्याचे वाहनावरील नियंत्रण सुटले आणि नयापुरा पोलीस ठाण्याच्या हद्दीत पुलावरून चंबळ नदीत कोसळली, अशी माहिती पोलीस अधीक्षक केसर सिंह शेखावत यांनी दिली.

या अपघाताबाबत माहिती मिळाल्यानंतर बचावकार्य हाती घेण्यात आले. अपघातग्रस्त मोटार पाण्यात सात ते आठ फूट खोल बुडाली होती. सुरुवातीला ७ मृतदेह बाहेर काढण्यात आले आणि दोन मृतदेह नंतर हाती लागले.

लोकसभेचे अध्यक्ष आणि कोटा- बुंदीचे खासदार ओम बिर्ला व मुख्यमंत्री अशोक गहलोत यांनी अपघातातील जीवहानीबद्दल दु:ख व्यक्त केले आहे. राज्य सरकारने मृतांच्या कुटुंबीयांना प्रत्येकी १ लाख रुपये, तर ज्या कुटुंबातील दोन किंवा त्याहून अधिक सदस्य अपघातात मरण पावले आहेत, त्यांना ५ लाख रुपयांची भरपाई जाहीर केली आहे.

हेही वाचा :  शिवजयंतीनिमित्त बाईक रॅली काढणाऱ्या भाजपा आमदार श्वेता महालेंवर गुन्हा दाखल; म्हणाल्या “आम्हाला कोणी गुन्हेगार…”

The post राजस्थानमध्ये वऱ्हाडाची बस नदीत कोसळून ९ जण ठार appeared first on Loksatta.

Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …