वैभव मांगले यांनी अचानक सोडलं नाटक, म्हणाले- ‘नाटकाला जाल आणि तुमचा भ्रमनिरास होईल’

मुंबई : रत्नाकर मतकरी यांचं अलबत्या गलबत्या हे बालनाट्य खूप लोकप्रिय आहे. त्यातली चिंची चेटकीण एकच धमाल उडवून देते. छोट्यांमध्ये तर ही चेटकीण लाडकी आहे. सुरुवातीला तिला घाबरणारी बच्चे मंडळी नंतर नाटक संपल्यानंतर चेटकिणीला येऊन भेटायचे. इतकी ती प्रिय आहे.

रत्नाकर मतकरींनी हे नाटक रंगभूमीवर आणलं तेव्हा या नाटकात चेटकिणीची भूमिका दिलीप प्रभावळकर करत असत. बरीच वर्ष त्यांनी ही व्यक्तिरेखा साकारली होती. अलिकडे काही वर्षांपूर्वी चिन्मय मांडलेकरनं हे नाटक दिग्दर्शित करण्याचं ठरवलं तेव्हा वैभव मांगले चेटकिणीच्या भूमिकेत गेले. त्यांची ही चिंची चेटकीण बालगोपालांबरोबर मोठ्यांनाही आवडली. नाटकाचे खूप प्रयोग झाले.

आई कुठे काय करते : प्रेमाचं राहू दे बाजूला, आशुतोषच्या बेतलं जीवावर!

आज अभिनेते वैभव मांगले यांनी सोशल मीडियावर एक पोस्ट शेअर करत सगळ्यांना धक्काच दिलाय. त्यांनी लिहिलं आहे, ‘ प्रिय रसिक प्रेक्षक आणि बालमित्रांनो मैत्रिणींनो, मी चिंची चेटकिणीचं काम सोडलं आहे . तरी जाहिरातीतला फोटो माझा आहे असे वाटून कदाचित माझी चेटकीण पाहायला याल आणि भ्रमनिरास होईल. तर सांगायचा मुद्दा हा आहे की “ती मी नव्हेच !!”

या पोस्टवर प्रचंड प्रतिक्रिया आल्या आहेत. अनेकांनी हळहळ व्यक्त केलीय. नेटकरी म्हणतात, ‘नाटक बघण्याची मजा गेली. आता दुसरी चेटकीण नको.’ आणखी एक जण लिहितात, ‘वैभव सर काही पात्र अजरामर असतात. जो कलाकार ती साकारत असतात ती त्याची असतात. उद्या जर कोणी चार्लीसारखं काम करून दाखवतो तर लोक विश्वास ठेवतील का? चेटकीण फक्त आणि फक्त एकच होती आणि राहणार.’

‘तारक मेहता’ कार्यक्रमात दिशा वकानीच ‘दयाबेन’ म्हणून येणार!

आणखी एक जण म्हणतोय, ‘दादा, खरंच तुझ्यासारखी चिंची चेटकीण कोणी पण करू शकणार नाही. खूप वाईट झाले. लहान मुलांचा भ्रमनिरस होणार आता.
नवीन छान नाटक घेऊन ये.’ वैभव मांगले यांचे चाहते हळहळतायत. आता या निर्णयामागे नक्की काय कारण आहे, ते अजून कळलं नाही.