उर्मिला मातोंडकरचं ८ वर्षांनी मराठी सिनेमात कमबॅक,श्रेयस तळपदेबरोबर रंगणार जुगलबंदी!

मुंबई : अभिनेत्री उर्मिला मातोंडकर अनेक वर्ष सिनेमात दिसलीच नाही. काही काळ ती राजकारणातही आली होती. पण तिच्या चाहत्यांची प्रतीक्षा आता संपली आहे. कालच उर्मिलाच्या मराठी सिनेमाची घोषणा झाली. २०१४ मध्ये उर्मिलाचा आजोबा हा मराठी सिनेमा खूप गाजला होता. आता ती पुन्हा मराठी सिनेमात भूमिका करायला सज्ज झाली आहे.

एक क्षणही न दवडता मी आजोबांना घरी येण्याची विनंती केली अन्

हिंदीमध्ये अनेक सुपरहिट चित्रपटांचं लेखन आणि निर्मिती करणाऱ्या परितोष पेंटर यांच्या कॅलिडोस्कोप सिनेमा अॅण्ड पिक्चर्स प्रॉडक्शन्स तसंच राजेशकुमार मोहंती यांच्या एस. आर एन्टरप्रायजर्स या दोन मोठ्या निर्मिती संस्थांनी आपल्या आगामी सिनेमांची घोषणा केली. हे सात मराठी सिनेमे आहेत. त्यातल्या ती मी नव्हेच या मराठी सिनेमात उर्मिला मातोंडकर, श्रेयस तळपदे आणि निनाद कामत यांच्या भूमिका आहेत. परितोष पेंटरनं याचं लेखन केलं आहे.

उर्मिला मातोंडकर खूप खूश आहे. ती म्हणाली, ‘मला पारितोषनं स्क्रीप्ट ऐकवली. शिवाय श्रेयससारखा हुशार अभिनेता माझ्या सोबत आहे. हे सगळं पाहिल्यावर मी नाही म्हणूच शकले नाही.’ आजोबा सिनेमानंतर उर्मिला पुन्हा एकदा मराठी सिनेमात येणार म्हटल्यावर चाहतेही आनंदात आहेत. यावेळी परितोष पेंटर म्हणाले, ‘मराठी माझी मातृभाषा आहे. तेव्हा त्यात काम करायला मला नेहमीच आवडतं.’

झलक दिखला जा : तू तुझ्या आयुष्याचा सुलतान आहेस, माधुरी दीक्षितनं गश्मीरचं केलं कौतुक!

उर्मिला सध्या ‘डान्स इंडिया डान्स- सुपर मॉम्स’ या कार्यक्रमात परीक्षकाच्या भूमिकेत दिसत आहे. अभिनेत्री दहा वर्षांनी पुन्हा एकदा रिॲलिटी शोमध्ये परीक्षकाच्या खुर्चीत बसली आहे. याबाबत तिचा अनुभव विचारला असता उर्मिला म्हणते की, ‘कुठलीही भारतीय स्त्री जन्माला आल्यापासून मुलगी, बहीण, पत्नी, सून, आई अशा विविध जबाबदाऱ्या निभावत असते. हे सगळं करताना तिचे विचार, स्वप्नं, अपेक्षा, आकांक्षा हरवून जातं. तिच्या स्वप्नांना पंख देण्याचं काम ‘डान्स इंडिया डान्स-सुपर मॉम्स’ हा मंच करतंय. अशा कार्यक्रमाचा मी भाग असल्याचा मला आनंद आहे.’