उज्जैनच्या महाकाल मंदिरात नतमस्तक झाला ‘ब्रह्मास्त्र’चा दिग्दर्शक; पण आलिया-रणबीरला नो एंट्री!

मुंबई: रणबीर कपूर, आलिया भट्ट, अमिताभ बच्चन, नागार्जुन, मौनी रॉय अशी तगडी स्टारकास्ट असणाऱ्या दिग्दर्सक अयान मुखर्जीच्या ‘ब्रह्मास्त्र’ (Brahmastra) सिनेमाची गेल्या काही दिवसांपासून विशेष चर्चा सुरू आहे. येत्या ०९ सप्टेंबरला हा सिनेमा प्रदर्शित होणार आहे. दरदिवशी हा सिनेमा बॉयकॉट करण्याचे नवनवे कारण ट्रोल आर्मीकडून शोधले जात आहे. या सिनेमाचा निर्माता करण जोहर, दिग्दर्शक अयान मुखर्जी तसंच यातील कलाकार यांच्यासाठी सध्या काहीसे वाईट दिवस सुरू आहेत, असं म्हटलं तरी वावगं ठरणार नाही. ट्विटरवर #BoycottBrahmastra चा ट्रेंड अधिक आक्रमकरिक्या शेअर केला जातो आहे.

हे वाचा-महाकालचे दर्शन न घेताच परतले आलिया-रणबीर; अभिनेत्याचं ‘बीफ प्रेम’ भोवलं

या सर्वांदरम्यान अयान, आलिया आणि रणबीर यांनी उज्जैनच्या महाकाल मंदिरात जाण्याचा निर्णय घेतला होता आणि त्यानंतर मोठा गदारोळ माजला. त्यांना मोठ्या विरोधाचा सामना करावा लागला. याचा परिणाम असा झाला की रणबीर आणि आलियाला महाकाल मंदिरात पाऊलही ठेवता आले नाही. त्यामुळे अयानने एकट्यानेच महाकाल मंदिरात जाऊन दर्शन घेतले. त्याने इन्स्टाग्रामवर महाकाल मंदिरातील फोटो शेअर केला आहे.

हे वाचा-सुष्मिता सेनच्या लेकीचा वाढदिवस, पार्टीमध्ये पोहोचले अभिनेत्रीचे दोन एक्स बॉयफ्रेंड

अयान हा फोटो शेअर करताना भक्तीभावात रंगल्याचं पाहायला मिळतं आहे. त्याने असं म्हटलं की, ‘आज महाकालेश्वर मंदिरात दर्शन घेऊन खूप आनंदी आणि ऊर्जापूर्ण वाटत आहे. खूप सुंदर दर्शन मिळाले. ब्रह्मास्त्र चित्रपटाच्या निर्मितीचा प्रवास पूर्ण करण्यासाठी आणि आमच्या रिलीजसाठी सर्व सकारात्मक ऊर्जा आणि आशीर्वाद मिळवण्यासाठी याठिकाणी यायचे होते.’ अयानने एकट्यानेच महाकालेश्वर मंदिरात दर्शन घेतल्याने हा फोटो चर्चेचा विषय बनला आहे.

अयान मुखर्जीने विधीवत केली पूजा

ट्विटरवर अयान मुखर्जीचा असाही व्हिडिओ समोर आला आहे, ज्यात तो महाकाल मंदिरात आहे. याठिकाणी पुजाऱ्यांच्या मदतीने तो विधीवत पूजा करताना दिसतो आहे.

रणबीर आलियाला नो एंट्री!

अयान एकटाच नव्हे तर रणबीर आणि आलिया यांच्यासोबत उज्जैनमध्ये महाकालच्या दर्शनासाठी गेला होता. पण काही हिंदू संघटनांच्या विरोधामुळे रणबीर-आलियाला याठिकाणी मंदिरात प्रवेश दिला गेला नाही. त्यांना दर्शन न घेताच परतावे लागले. याचं कारण म्हणजे रणबीरचा ११ वर्षांपूर्वाचा एक व्हिडिओ. ज्यात तो बीफ आवडण्याविषयी भाष्य करतो आहे. त्यामुळे बजरंग दलाच्या कार्यकर्त्यांसह विविध हिंदू संघटनांनी त्याला हिंदुविरोधी म्हटले आहे.

याशिवाय रणबीरची पत्नी आणि अभिनेत्री आलिया भट्ट हिनेही काही दिवसांपूर्वी असे म्हटले होते की, ज्या लोकांना आवडत नाहीत त्यांनी चित्रपट पाहायला जाऊ नये. याशिवाय करण जोहरवर गेल्या काही वर्षांपासून नेपोटिझम या विषयावरुन टीका होतेय आहे. या सर्व कारणांमुळे ‘ब्रह्मास्त्र’वर बहिष्कार घालण्याची मागणी होतेय. याचाच परिणाम म्हणून आलिया-रणबीरला मंदिरात प्रवेश नाकारण्यात आला. याठिकाणी पोलीस बंदोबस्तही वाढवण्यात आला होता.