तीन लग्नानंतरही एकटेच आहेत लकी अली, खासगी आयुष्यात सतत येत राहिलं वादळ

मुंबई- ९० च्या दशकापासून आपल्या आवाजाच्या जोरावर लाखो लोकांच्या मनावर राज्य करणारे गायक लकी अली आज ६४ वर्षांचे झाले. १९ सप्टेंबर १९५८ रोजी मुंबईत जन्मलेल्या लकी यांचे खरे नाव मकसूद महमूद अली आहे, ज्यांनी सिनेसृष्टीला एकाहून एक हिट गाणी दिली. याच कारणामुळे ९० च्या दशकात गायकाचं नाव सर्वांच्या ओठांवर होतं. त्यांची आतापर्यंतची सिनेकारकिर्द जेवढी अप्रतिम राहिली तेवढंच त्यांचं खासगी आयुष्य अडचणींनी भरलेलं राहिलं. लकी अली यांनी आतापर्यंत तीन लग्न केली, पण एकही लग्न टिकलं नाही. यानंतर त्यांनी एकटं आयुष्य जगण्याचा निर्णय घेतला. आज जाणून घेऊया त्यांच्या वैयक्तिक आयुष्यातील फारशा माहीत नसलेल्या गोष्टींबद्दल.

अभिनेत्री मेगन जेन मॅकक्लेरीच्या प्रेमात पडले

लकी अलीच्या पहिल्या पत्नीचे नाव मेगन जेन आहे. दोघे YMCAमध्ये शिकत असताना दोघांची भेट झाली. याचकाळात लकी यांनी एका अल्बमद्वारे गायक म्हणून सिनेसृष्टीत प्रवेश केला. या अल्बममध्ये मेघन अभिनेत्री-मॉडेल म्हणून दिसली होती आणि एकत्र काम करताना लकी अली आणि मेगन जवळ आले. एका मुलाखतीत लकी यांनी सांगितले होते की त्यांनी मेगन बुधवारी भारतात परतली, गुरुवारी प्रपोज केले आणि शुक्रवारी दोघांनी लग्न केले. मात्र, काही काळानंतर दोघे वेगळे झाले. मेगन या न्यूझीलंडच्या रहिवासी होत्या.

लग्नाचे फुकट व्हिडिओ टाकण्यापेक्षा…ओटीटी वेडिंगवर पहिल्यांदाच बोलली सोनाली कुलकर्णी

तेव्हा पारशी महिलेने धरला हात

लकी अलीच्या आयुष्यात येणार्‍या दुसऱ्या महिलेचे नाव होते अनहिता. त्या पारशी होत्या. दोघांनीही आपल्या नात्याबद्दल कुठेच वाच्यता केली नाही. त्यानंतर दोघांनी लग्न केले. अनाहिता आणि लकी यांना दोन मुलं आहेत. मात्र, लकी अली यांचं हे नातंही टिकलं नाही. एका मुलाखतीत सांगितले होतं की, त्यांनी अनाहितासोबत बराच काळ घालवला. मी तिच्याशी लग्न करेन असं कधीच वाटलं नव्हतं.

आशा भोसलेंची ‘जनाई’सोबत डिनर डेट; अभिनेत्रींनाही टक्कर देतेय त्यांची ग्लॅमरस नात

यानंतर लकी अली यांच्या आयुष्यात माजी मिस इंडिया केट एलिझाबेथ हलम आली. २००९ मध्ये दोघांची भेट झाली आणि काही काळानंतर दोघांनी बंगळुरूमध्ये कोर्टात लग्न केले. इतकेच नाही तर केटने आपला धर्म बदलून लकीसाठी अलीशा अली असे नवीन नाव ठेवले. मात्र, पहिल्या दोन लग्नांप्रमाणेच लकी यांचं तिसरं लग्नही लवकरच मोडलं.