या 6 कारणांमुळे होतो मेंदूचा ‘हा’ आजार, रुग्णाला जेवण चावण्याचा आणि गिळण्याचाही पडतो विसर

​वाढत वय

यूकेच्या नॅशनल हेल्थ सर्व्हिसच्या मते, अल्झायमर हा वृद्धापकाळातील आजार म्हणून पाहिला जातो. जेव्हा मन शरीराच्या इतर भागांसारखे दुर्बल होते. अशा परिस्थितीत जसजसे तुमचे वय वाढत जाते तसतसा अल्झायमरचा धोका वाढतो. 65 वर्षांच्या वयानंतर या आजाराचा धोका दर शेवटच्या 5 वर्षांनी दुप्पट होतो. मात्र, तरुणांनाही हा आजार होऊ शकतो.

जेंडर

हार्वर्डच्या मते, जर तुम्ही स्त्री असाल, तर तुम्हाला पुरुषांपेक्षा अल्झायमर होण्याची शक्यता जास्त असते. स्त्रिया पुरुषांपेक्षा जास्त काळ जगतात, ज्यामुळे त्यांना हा आजार होण्याची शक्यता जास्त असते.

​फॅमिलि हिस्ट्री

जर हा आजार तुमच्या कुटुंबातील डीएनएमध्ये चालू असेल तर तुम्हालाही त्याचा त्रास होण्याची दाट शक्यता आहे. मात्र, त्याचा धोका क्वचितच दिसून येतो. परंतु आपण त्याकडे दुर्लक्ष करू शकत नाही. त्यामुळे प्रत्येकाला आपल्या कुटुंबातील लोकांची आरोग्य इतिहास माहित असणे गरजेचे आहे.

​डाऊन सिंड्रोम

डाऊन सिंड्रोम असलेल्या लोकांना वयाच्या तिशीत किंवा चाळीशीत अल्झायमर हा आजार होऊ शकतो. याचे कारण असे की, डाउन सिंड्रोमला कारणीभूत असलेल्या अनुवांशिक बदलांमुळे मेंदूमध्ये कालांतराने अमायलोइड प्लेक्स तयार होतात, ज्यामुळे अल्झायमर होतो.

​डोक्याला झालेली एखादी गंभीर दुखापत

काही अभ्यासांनी अल्झायमर रोग आणि डोक्याला झालेली दुखापत यांच्यातील संबंध दर्शवतात. यामुळे, असे गृहीत धरले जाऊ शकते की ज्या लोकांना डोक्याला गंभीर दुखापत झाली आलाहे त्यांना अल्झायमर रोग होण्याचा धोका जास्त असू शकतो. मात्र यावर अद्याप अभ्यास सुरू आहे. त्यामुळे आपल्या शरीराची काळजी घेणे गरजेचे आहे.

​चुकीची जीवनशैली

उच्च कोलेस्टेरॉल आणि उच्च रक्तदाब हे प्रामुख्याने खराब जीवनशैलीचे परिणाम आहेत. तुम्हाला अल्झायमरचा रुग्ण बनवू शकतो. याशिवाय मधुमेह, लठ्ठपणा, धूम्रपान, मद्यपान, नैराश्य, एकटेपणा या गोष्टीही या आजाराचा धोका वाढवण्याचे काम करतात. त्यामुळे तुमची जीवनशैलीत योग्य आहार आणि व्यायामाची नितांत गरज आहे.

टीप : हा लेख फक्त सामान्य माहितीसाठी आहे. हा कोणत्याही प्रकारचा पर्याय असू शकत नाही. अधिक तपशीलांसाठी नेहमी आपल्या तज्ञांशी संपर्क साधावा.