लग्नानंतरची पहिली होळी अशी साजरी करणा-या जोडप्यांच्या आयुष्यात येते..!

होळी का साजरी करतात

अपप्रवृत्तीला नष्ट करून त्यावर विजय मिळवल्याचा आनंद म्हणून साजरा करण्यात येणा-या या उत्सवाला होळी म्हणतात. जे जे वाईट असेल ते सोडून नव्याच्या स्वागतासाठी सिद्ध होण्याचा हा सण. सृष्टी ही या काळात बदलत असते, वृक्ष आपली जीर्ण झालेली जुनी पाने त्यागून नवीन धारण करत असतात अनेक झाडांना मोहर आलेला असतो. अर्थातच जसं हा निसर्ग जुनं ते सारं मागे सोडून नव्याला आपलंसं करतो तसंच नात्यांमधील जुनी भांडणं, संकटं, समस्या होळीच्या ज्वालेत त्यागून नव्याचा स्वीकार करता आला पाहिजे.

(वाचा :- लग्नानंतर 6 महिने या 5 गोष्टींसाठी सर्वच लोक कुत्रा-मांजरासारखे भांडतात, जर पार्टनरला वाईट समजत असाल तर सावधान)​

रंगांचा व गोडव्याचा सण

होळी हा पुरणाचा गोडपणा, आपुलकी, आनंद आणि जीवनातील प्रेमाच्या रंगांचा सण आहे. होळीमध्ये लोक आपल्या नातेवाईक, मित्रमैत्रीण, शेजारी आणि जवळच्या व्यक्तींना भेट देतात. यावेळी एकमेकांना रंग लावून मिठी मारून आणि मिठाई भरवून तोंड गोड केले जाते. असे म्हणतात की होळीच्या दिवशी ज्या लोकांशी तुमची तक्रार आहे त्यांना मिठी मारून भेट दिल्याने जुनी भांडणे संपतात आणि नात्यातील जवळीकता वाढते.
(वाचा :- सावधान, हे 6 संकेत ओरडून सांगतात की तुम्ही करताय चुकीच्या व्यक्तीसोबत लग्न,एक निर्णय करतो आयुष्याची राखरांगोळी)

नवीन जोडप्याची होळी

नवीन लग्न झालेल्या प्रत्येक जोडप्याने होलिका दहन झाल्यानंतर एकत्र पुजा करण्यासाठी व होळीचा आशिर्वाद घेण्यासाठी जावे. गोडधोड पुरणपोळीचा नैवेद्य, अगरबत्ती आणि नारळाने होलिकेची पुजा करून नंतर तो नारळ होळीत अर्पण करत प्रार्थना करावी की आमच्या नात्यातील कटुता, भांडणं, गैरसमज, आरोग्याच्या तक्रारी सारं काही जळून खाक होऊदे आणि आनंद, स्वप्न, आशा-अपेक्षांची पुर्ती होऊन आमच्याही आयुष्यात या होळीचा उबदारपणा, रंगांची रंगसंगती व पुरणपोळीचा गोडवा नांदुदे.

(वाचा :- 9 महिने आधी घडलेल्या त्या भयंकर घटनेने आयुष्य उद्धवस्त झालं, ते 6 तास कठोर परीक्षा देऊनही शेवटी काळरात्र आलीच)​

एका रंगाची किंवा स्टाईलची कपडे

जर या वर्षी तुमचं नवीन नवीन लग्न झालं असेल व होळीच्या दिवशी इतरांपेक्षा वेगळं काहीतरी तुम्हाला दिसायचं असेल तर तुम्ही आणि तुमचा जोडीदार एका रंगाचे किंवा एका स्टाईलचे कपडे परिधान करू शकता. हा सण खास बनवण्यासाठी तुम्ही दोघेही पारंपरिक मॅचिंग आऊटफिट घालून सर्वांचे लक्ष वेधून घेऊ शकता. यावेळी खूप सारे फोटो क्लिक करून या सोनेरी आठवणी ह्रदयाच्या कप्प्यात जपून ठेऊ शकता. जेणेकरून पुढील अनेक वर्षे तुम्ही ते फोटो पाहून लग्नानंतरच्या पहिल्या होळीच्या आठवणी पुन्हा ताज्या करू शकता.
(वाचा :- भारतातील 299 वे अब्जोपती व 63,200 कोटीचे मालक Kp Singh वयाच्या 91 व्या वर्षी पडले प्रेमात, रोमहर्षक प्रेमकहाणी)​

पारंपारिक पदार्थ बनवा

पारंपरिक गोडधोडाच्या पदार्थांशिवाय होळीचा सण अपूर्ण आहे. हा सण आणखी खास बनवण्यासाठी या दिवशी तुम्ही दोघे एकत्र मिळून एखादा गोड पदार्थ किंवा पुरणपोळी बनवू शकता. कारण हा पदार्थ बनवताना काही काळ दोघांनाही एकत्र घालवता येईल व त्यासोबतच रोमांसचा गोडवा त्या पदार्थात उतरेल. किंवा नववधू आपल्या नव-यासाठी किंवा सासरच्या मंडळींसाठी अशी एखादी रेसिपी बनवू शकते जी त्यांच्या आवडीची असेल. यामुळे सासरी तिचं कौतुक होईल आणि नवराही खुश होईल. शेवटी काय.. आनंदाचा मार्ग पोटातून जातो ना..!
(वाचा :- प्रियकर व प्रेयसीलाच मानून बसलाय नवरा-बायको? हे 5 संकेत सांगतात तुमचा बाबू-शोना करणार नाही तुमच्याशी कधीच लग्न)​

एकमेकांना भेटवस्तू द्या

जोडीदाराला भेटवस्तू देऊन तुम्ही पहिली होळी अजूनच खास बनवू शकता. या निमित्ताने तुम्ही तुमच्या जोडीदाराच्या आवडीचे गिफ्टही देऊ शकता. एखाद्या अशा रंगाची साडी किंवा शर्ट जोडीदाराला गिफ्ट करा ज्याचा अर्थ थेट रंगाशी जोडला जातो. जसं की प्रेम व्यक्त करण्यासाठी आपण लाल रंगाचा वापर करतो तर काळजी व्यक्त करण्यासाठी किंवा मैत्री करण्यासाठी पिवळ्या रंगाचा वापर करतो. अशा पद्धतीचं गिफ्ट कायम तुम्हाला पहिल्या होळीची कनेक्ट करत राहिल.
(वाचा :- नव-याने या एका गोष्टीवर 3 वर्षात तब्बल एक करोड रूपये उधळले,त्यामागील किळसवाणं सत्य मी सासू-सास-यांपासून लपवलंय)​

एकमेकांना रंग लावा

होळीच्या दुस-या दिवशी रंगपंचमीची सकाळ खूप खास व रोमॅंटिक होऊ शकते. या दिवशी सकाळीच नवरा किंवा बायको अंघोळ करून बाहेर आल्यावर सफेद रंगाचे कपडे परिधान करून एकमेकांच्या गालांना अलगद हातांनी प्रेमाचा रंग लावा, बायकोच्या भांगात लाल रंग भरून तिला सौभाग्याचा अनमोल ठेवा गिफ्ट करा. यामुळे रंगपंचमी तर साजरी होईलच पण नात्यातील प्रेमाला मायेचा रंगही गवसेल.
(वाचा :- कपिल शर्मासारखा प्रसिद्ध कॉमेडियन का वळलाय या मार्गाला,जगाला हसवणारा व्यक्तीच का आणतोय बायकोच्या डोळ्यांत पाणी)​