Holi 2023: होळी खेळल्यानंतर केसांची लागतेय वाट? सुरक्षित ठेवण्यासाठी करा हे सोपे उपाय आणि राखा केसांची निगा

​ऑरगॅनिक आणि हर्बल रंग वापरा​

होळीसाठी पाण्यात सहज विरघळणारे, ऑरगॅनिक व हर्बल रंग वापरा. सोनेरी, चंदेरी यासारखे इंडस्ट्रीयल व मेटॅलिक रंग अजिबात घेऊ नका, वापरू नका. या रंगांमध्ये डाय असतात, ज्यामुळे ऍलर्जी होऊ शकतात. होळी खेळायला जाण्याच्या एक दिवस आधी केस धुणे टाळा.
केस धुतल्यावर केसाखालील त्वचा आणि केसांमधील आवश्यक तेले निघून जातात, अशावेळी केसांखालील त्वचेमध्ये अधिक पाणी आणि रंग शोषले जाण्याची शक्यता असते, साहजिकच यामुळे त्वचेचे व केसाचे नुकसान होण्याची शक्यता दुणावते.

​केसांना लावा भरपूर तेल​

रंग खेळायला घराबाहेर पडण्याच्या किमान एक तास आधी केसांना भरपूर तेल लावा. जर तुम्हाला तेलाची ऍलर्जी असेल किंवा तेल वापरू नका असे तुम्हाला सांगितलेले असेल तर लीव्ह-इन कंडिशनरचा एक जाडसर थर आणि त्याला हीट प्रोटेक्शन स्प्रे लावा. रंग हे वॉटर-बेस्ड असल्याने तेल त्यांना त्वचेमध्ये शोषले जाण्यापासून रोखते, साहजिकच नंतर रंग धुतले जाणे सोपे बनते.

(वाचा – या कडू पदार्थापासून तयार केलेला हर्बल चहा, नसांमधून कोलेस्ट्रॉल करेल गायब)

​केस मोकळे सोडून रंग खेळू नका​

सिनेमांमध्ये नायक-नायिका केस मोकळे सोडून होळी खेळताना दाखवतात पण तुम्ही ते अजिबात मनावर घेऊ नका. होळी खेळताना केसांचा सैलसर अंबाडा किंवा पोनीटेल बांधून त्यावर ओढणी, टोपी किंवा स्कार्फ असे काहीतरी बांधणे आवश्यक आहे. तुमचे केस सुरक्षित ठेवण्याचा हा एक सर्वोत्तम मार्ग आहे आणि त्यामुळे तुमचा एकूण पेहराव देखील अजून जास्त खुलून दिसू शकतो.

(वाचा – ५ गोष्टींचा कराल वापर तर त्वरीत कोसळेल कोलेस्ट्रॉल, घरच्या घरी मिळेल उत्तम रिझल्ट)

​उन्हाच्या संपर्कात अधिक येऊ नका​

पाणी, ऊन, रंगांमधील हानिकारक रसायने यांच्या संपर्कात आल्यास केसांमध्ये गुंता होतो, अशा केसांचे रंगांमुळे व उष्णतेमुळे अजून जास्त नुकसान होऊ शकते. कोरडी त्वचा, कोरडे, निस्तेज केस, केसांची टोके दुभंगणे हे केस सुरक्षित न ठेवता होणारे हानिकारक परिणाम आहेत. सणासुदीच्या काळात सूर्याच्या कडक उन्हाच्या संपर्कात येणे टाळा, भरपूर पाणी प्या.

(वाचा – ‘Period Panty’ मासिक पाळीत वापरण्याचं प्रमाण का वाढलंय, कसा करावा वापर जाणून घेणे गरजेचे)

​होळी खेळल्यावर रूंद फणीने विंचरा केस​

होळी खेळून झाली की लगेचच रुंद दातांच्या ब्रश किंवा फणीने केस विंचरा, त्यामुळे केस धुण्याच्या आधी त्यामधील सुका रंग निघून जाईल. पॅराबेन आणि सल्फेट नसलेल्या सौम्य शाम्पूने केस धुवा. शक्यतो थंड पाण्याचा वापर करा. हेअर मास्कचा एक जाड थर कंडिशनर म्हणून लावा, दहा मिनिटे तो तसाच ठेवून केस धुवा.

(वाचा – डायबिटीसच्या रूग्णांनी व्हाईट ब्रेड खाणे अयोग्य? काय होते नुकसान घ्या जाणून)

​केस धुतल्यावर करा कोरडे​

धुवून झाल्यानंतर केस टॉवेलने पुसून कोरडे करा, लीव्ह-इन कंडिशनर लावा, त्यावर हीट प्रोटेक्शन स्प्रे लावून फक्त एअर ड्राय करा. हेअर ड्रायरचा हीट एन्ड वापरू नका, त्यामुळे केसांचा कोरडेपणा वाढेल.

​डीप कंडिशनिंग करा​

होळीचे रंग आणि डाय हे केसांचे सर्वात जास्त नुकसान करतात, त्यामुळे होळी खेळून झाल्यावर डीप कंडिशनिंग नक्की करा. केस धुण्याच्या काही तास आधी केसांवर तेल लावा, होळीनंतर पुढचे काही आठवडे चांगला डीप कंडिशनिंग मास्क वापरत रहा, असे केल्यास तुमच्या केसांमध्ये मॉइश्चर परत येईल व ते पुन्हा सुदृढ होतील.

​लगेच सलॉनमध्ये जाऊ नका​

आपल्यापैकी अनेकजण केस कलर करणे, हायलाईट करणे, स्ट्रेटन किंवा सॉफ्टन करणे अशा रासायनिक प्रक्रिया करतात, तर तुम्हा सर्वांसाठी या टिप्स उपयुक्त ठरतील. पण तुम्हाला अजून जास्त काळजी घेतली पाहिजे. जर तुमच्या केसांचा रंग बदलला आहे किंवा केस कोरडे झाले आहेत तर लगेच सलोनमध्ये जाऊ नका. त्यामुळे तुमच्या केसांचे अजून जास्त नुकसान होईल.

या छोट्या टिप्स तुमच्यासाठी बहुमोल ठरतील. केसांच्या खालच्या त्वचेवर खूप खाज येत असेल किंवा अस्वस्थ वाटत असेल तर जवळच्या डर्मेटोलॉजिस्टकडे किंवा मल्टी-डिसिप्लिनरी दृष्टिकोन व पूर्णकालीन डेडिकेटेड डॉक्टर्स असलेल्या कोणत्याही टर्शरी केयर हॉस्पिटलमध्ये जा.