तेजस्विनी पंडित घेऊन आलीय शापित कुटुंबाची कथा, टीझर पाहून अंगावर येईल काटा

मुंबई :प्लॅनेट मराठी ओटीटीवर निरनिराळ्या वेब सीरिज येत असतात. लवकरच अथांग ही सीरिज येत आहे. आज तिचा टीझर प्रदर्शित झालाय. याची निर्मिती अभिनेत्री तेजस्विनी पंडितनं संतोष खेरसोबत केली आहे. अथांगचं दिग्दर्शन जयंत पवार यांनी केलंय.

Video : आई शिकली प्रगती झाली, काॅलेजमधल्या थट्टेला काय उत्तर देते अरुंधती?

आज या वेब सीरिजचा टीझर समोर आलाय. तेजस्विनी पंडितनं तो तिच्या सोशल मीडियावर शेअर केला आहे. तिनं लिहिलं आहे, युगायुगांच्या वारुळातुनी
क्षणाक्षणांची रांग, मनामनांचे डोह काजळी, दरियाहून ‘अथांग’! अक्षय बर्दापूरकर प्रस्तुत, तेजस्विनी पंडित, संतोष खेर निर्मित ‘अथांग’मध्ये संदीप खरे, निवेदिता जोशी सराफ, भाग्यश्री मिलिंद, उर्मिला कोठारे, ऋतुजा बागवे, दीपक कदम, ओमप्रकाश शिंदे, केतकी नारायण, शशांक शेंडे, योगिनी चोक, रसिका वखारकर आणि धैर्य घोलप या कलाकारांची फौज झळकणार आहे.

‘अथांग’ चा रंजक व उत्कंठावर्धक टीझर पाहून वेब सिरीज पाहण्याची उत्सुकता आणखीनच वाढली आहे. वेब सीरिजचा टीझर पाहताना ‘अथांग’ वेब सिरीज हॉरर की थ्रिलर? असा प्रश्न पडतो. एका शापित कुटुंबाची कथा प्रेक्षकांना पाहायला मिळणार आहे. त्याचबरोबर एक तरल प्रेमकथाही पाहायला मिळेल.

अली फजल- रिचा चड्ढाच्या रिसेप्शनला जोडीनं गेले हृतिक- सबा

प्लॅनेट मराठी चे संस्थापक अक्षय बर्दापूरकर म्हणतात, ” आतापर्यंत प्लॅनेट मराठीनं अशा प्रकारच्या आशयाची निर्मिती केलेली नाही. प्रेक्षकांच्या आवडीनिवडी आणि मागणीनुसार आम्ही वेगवेगळ्या प्रकारच्या कार्यक्रमाची निर्मिती करतो. ‘अथांग’ ही त्यापैकीच एक आणि प्रेक्षकांना ती नक्कीच आवडेल.’

ते पुढे म्हणतात,’ तेजस्विनी पंडित उत्तम अभिनेत्री आणि माझी चांगली मैत्रीण आहे. प्लॅनेट मराठीच्या गाजलेल्या ‘अनुराधा’ आणि ‘रानबाजार’ या वेब सीरिजमध्ये तिनं जबरदस्त परफॉर्मंस दिलाय. उत्तम अभिनेत्रीसोबतच ती एक ताकदीची निर्मातीसुद्धा आहे. तिला आशयाची जाण असल्याने ही वेब सीरिज सर्वांचं लक्ष वेधून घेईल.” ‘अथांग’ लवकरच प्लॅनेट मराठी ओटीटीवर झळकणार आहे.