एक क्षणही न दवडता मी आजोबांना घरी येण्याची विनंती केली अन्, तेजस्विनी पंडितची पोस्ट नक्की वाचा

मुंबई : आपल्या सौंदर्यानं आणि सहजसुंदर अभिनयानं अभिनेत्री तेजस्विनी पंडित हिनं मनोरंजन विश्वामध्ये स्वतःचं असं वेगळं स्थान निर्माण केलं आहे. मालिका, सिनेमा, वेबसीरिज अशा विविध माध्यमांत तेजस्विनी सहजपणं वावरत आहे. तिचा अभिनय प्रेक्षकांनाही आवडत असल्यानं ते देखील तिच्यावर भरभरून प्रेम करतात. तेजस्विनीला अभिनयाचं बाळकडू तिच्या आईकडून म्हणजे ज्येष्ठ अभिनेत्री ज्योती पंडित यांच्याकडून मिळालं.

Video :आजही पूजाला विसरू शकले नाहीत डाॅ.अमोल कोल्हे,दोघांच्या नात्याबद्दल भावुक झाला अभिनेता

तेजस्विनी अभिनयाबरोबरच सोशल मीडियावरदेखील खूप सक्रिय असते. तिच्या वेगवेगळ्या अंदाजातील फोटो, व्हिडिओ ती सातत्याने शेअर करते. तसंच तिच्या कामाबद्दलची माहिती देखील चाहत्यांना पोस्टद्वारे देत असते. आता अभिनेत्रीने एक नेहमीपेक्षा वेगळी पोस्ट इन्स्टाग्रामवर शेअर केली आहे. ही पोस्ट तेजस्विनीनं तिच्या आईच्या वाढदिवसानिमित्तानं लिहिली. तेजस्विनीच्या अतिशय भावुक आणि श्रद्धेनं भारावलेली पोस्टवर अनेक नेटकऱ्यांनी भरभरून कमेन्ट केल्या आहेत.

तेजस्विनीची पोस्ट

तेजस्विनीनं तिच्या इन्स्टापोस्टमध्ये लिहिलं आहे की, ‘माझी आई स्वामी समर्थांची वर्षानुवर्षे भक्ती करते. नितांत प्रेम तिचं त्यांच्यावर. (मी पण स्वामींना प्रेमानं आजोबा म्हणते) योगायोगानं आईचा वाढदिवसही जवळ आला होता. वाटलं बाकी वेगळं काहीतरी देण्यापेक्षा तिला स्वामींची सुबक मूर्ती द्यावी. माझा शोध सुरू झाला आणि मग अनेक अनुभव येऊ लागले. एका गुरुवारी अचानक भावानं स्वामींची अक्कलकोटहून आणलेली फोटो फ्रेम दिली.

झलक दखला जा : तू तुझ्या आयुष्याचा सुलतान आहेस, माधुरी दीक्षितनं गश्मीरचं केलं कौतुक!

गुरूपौर्णिमेच्या दिवशी माझ्या ओळखीतल्या गुरुजींनी संक्षिप्त गुरूचरित्र दिलं, असे अनेक अनुभव येऊ लागले ‘डोळ्यात भरेल’ अशी मूर्ती शोधत होते (बस हिच असं वाटणं माझ्यासाठी खूप महत्त्वाचं आहे) अनेकांनी शोधायला मदतही केली. मग शेवटी ते म्हणतात ना वेळ आल्याशिवाय काहीच होत नाही. इन्स्टाग्रामवर पाहत असताना स्वामी भक्त केदार शिंदे दादाच्या एका फोटोमधली मूर्ती पाहिली आणि लगेच त्याला फोन केला. ही मूर्ती कुठून घेतलीस अशी विचारणार केली. त्यानंतर त्यानं लगेचच एक नंबर पाठवला.

त्यांच्याकडे स्वामींच्या एक से एक मूर्ती पाहायला मिळाल्या. कलाकार हा फक्त मूर्ती बनवत नाही तर त्याच्यात जीव भरतो, यावर ठाम विश्वास बसला. स्वामींचं हे रूप पाहिल्यावर एक क्षणही न दवडता मी आजोबांना घरी या अशी विनंती केली आणि मनात अनन्य श्रद्धा असणार्‍या कोणालाच स्वामी नाराज करत नाहीत. अखेर आईच्या वाढदिवसाला आजोबांनी विनंती ऐकली आणि घरी आले. प्रचंड ऊर्जा देतात ते आम्हाला. रोज आमच्याकडे बघतात आणि म्हणतात, ‘भिऊ नकोस मी तुझ्या पाठीशी आहे.’

दलेर मेहंदीला दोन महिन्यात कोर्टाचा दिलासा, २ वर्षांची शिक्षा माफ

तेजस्विनीनं आपल्या आईला वाढदिवसानिमित्त दिलेली भेट सर्वांनाच प्रचंड पसंत पडली आहे. त्याबद्दल सोशल मीडियावरील अनेक नेटकऱ्यांनी तेजस्विनीचं प्रचंड कौतुक केलं आहे. तेजस्विनीच्या अनेक सहकलाकारांनीही कॉमेन्ट करत तेजस्विनीच्या कल्पकतेला दाद दिली आहे.