टी 20 वर्ल्डकप साठी काहीही! द्रविडच्या एका शब्दावर BCCIने घेतला मोठा निर्णय

मुंबई: यंदा ऑक्टोबर महिन्यात ऑस्ट्रेलियामध्ये टी-२० विश्वचषक खेळवला जाणार आहे. या सामन्यांसाठी इतर देशांसहित भारतीय संघ देखील जाहीर झाला. भारतीय संघाला विश्वचषकापूर्वी ऑस्ट्रेलिया विरुद्ध टी-२० मालिका आणि साऊथ आफ्रिकेविरुद्ध वन डे मालिका खेळायची आहे. सध्या भारतीय संघ ऑस्ट्रेलिया विरुद्ध घरच्या मैदानावर तीन सामान्यांची टी-२० मालिका खेळत आहे. हे सामने भारतासाठी विश्वचषकाचा एका अर्थाने सराव समजले जात आहेत. मंगळवारी या तीन सामन्यांच्या मालिकेला सुरुवात झाली आणि या सामन्यात भारताला पराभव पत्करावा लागला. भारताची फलंदाजी बाजू सावरली असली तरी क्षेत्ररक्षण आणि गोलंदाजी बाजूची कामगिरी भारताच्या पराभवाचे कारण ठरले.

ऑस्ट्रेलियाने प्रथम नाणेफेक जिंकत गोलंदाजी स्वीकारली आणि भारताला फलंदाजीसाठी पाचारण केले. भारताची फलंदाजीची सुरुवात चांगली झाली नाही, पण नंतर सलामी जोडीतील केएल राहुल आणि मधल्या फळीत आलेल्या फलंदाजांनी भारताचा डाव सावरला आणि २०० पेक्षा अधिक धावा करत ऑस्ट्रेलियाला आव्हान दिले. ऑस्ट्रेलियाच्या संघाने सुरुवातीपासूनच दाणादाण सुरुवात केली. भारतीय संघाच्या गोलंदाजांनी विकेट घेत सामन्यात परत येत असल्याचे दाखवले पण खराब क्षेत्ररक्षण आणि अखेरच्या षटकांतील गोलंदाजी यामुळे ऑस्ट्रेलियाने सहज सामना जिंकला.

रोहित शर्माने पकडला कार्तिकचा गळा, LIVE सामन्यात असं घडलं तरी काय?

भारताच्या या पराभवामुळे संघाच्या विश्वचषकातील खेळीची फक्त खेळाडू आणि चाहत्यांनाच नाही तर प्रशिक्षकांनाही चिंता वाटू लागली आहे. यामुळेच भारतीय संघाचे प्रशिक्षक राहुल द्रविड यांनी टोकाचे पाऊल उचलले आहे. द्रविड यांनी संघाच्या सरावाबाबत एक महत्त्वाचा निर्णय घेत बीसीसीआयकडे संघाचे सराव सामने वाढवावेत, अशी मागणी केली आहे. संघाला तेथील परिस्थितीशी जुळवून घेत तेथील हवामान, खेळपट्टी या सर्व गोष्टी अंगवळणी पाडण्यासाठी संघाला नियोजित वेळेच्या एक आठवडा आधी ऑस्ट्रेलियाला रवाना करण्यात यावे. तर बीसीसीआयने देखील प्रशिक्षकांशी चर्चा करून निर्णय घेतला आहे.

ऑस्ट्रेलियाविरुद्धचा पराभव कोच द्रविड यांच्या जिव्हारी लागला; टी-२० वर्ल्डकपसाठी BCCIकडे केली ही मागणी

भारतीय संघ ५ ऑक्टोबरला ऑस्ट्रेलियासाठी रवाना होणार-बीसीसीआय

भारतीय क्रिकेट नियामक मंडळाने (बीसीसीआय) दक्षिण आफ्रिकेविरुद्ध ४ ऑक्टोबरला इंदूरमध्ये होणाऱ्या तिसऱ्या टी-२० सामन्यानंतरच ऑस्ट्रेलियाला पाठवण्याचा निर्णय घेतला आहे. बीसीसीआयच्या एका अधिकाऱ्याने सांगितले की, “आम्ही काही संघांशी चर्चा करत आहोत जे आयसीसीने आयोजित केलेल्या सराव सामन्यांव्यतिरिक्त आमच्यासोबत (भारत) सामने खेळतील.”

साऊथ आफ्रिकेविरुद्ध वन डे साठी नवा प्रशिक्षक?

ऑस्ट्रेलियाविरुद्धचा पराभव कोच द्रविड यांच्या जिव्हारी लागला; टी-२० वर्ल्डकपसाठी BCCIकडे केली ही मागणी

ऑस्ट्रेलिया मालिकेनंतर भारताला साऊथ आफ्रिकेविरुद्ध तीन दिवसांची टी २० मालिका आणि तीन दिवसीय वन डे मालिका देखील खेळली जाणार आहे. २८ ऑक्टोबर ते ४ सप्टेंबर दरम्यान खेळवली जाणारी टी-२० मालिका विश्वचषकाचा संघ खेळणार आहे. ही टी-२० मालिका झाल्यानंतर द्रविड आणि त्याच्या सहकार्‍यांसाह टी-२० विश्वचषकाचा संपूर्ण संघ ५ ऑक्टोबरला ऑस्ट्रेलियाचा दौरा करणार आहे. तर ६ ऑक्टोबर ते ११ ऑक्टोबर दरम्यान आफ्रिकेविरुद्ध होणार्‍या वन डे सामन्यासाठीचा भारतीय संघ व्हीव्हीएस लक्ष्मण यांचा प्रशिक्षित द्वितीय श्रेणीचा संघ असेल. मुख्य प्रशिक्षक राहुल द्रविड यांच्याशी चर्चा करून बीसीसीआयने हा निर्णय घेतला आहे.

टी-२० विश्वचषकासाठी भारताचे सराव सामने
१७ ऑक्टोबर – भारत विरुद्ध न्यूझीलंड
१८ ऑक्टोबर – भारत विरुद्ध ऑस्ट्रेलिया

IND vs AUS: पराभवात मिळाली भारताला आनंदाची बातमी, आता वर्ल्डकपसाठी या फलंदाजावर मोहर पक्की

T20 विश्वचषक २०२२ मधील भारताचे सामने
पहिला सामना – भारत विरुद्ध पाकिस्तान – २३ ऑक्टोबर (मेलबर्न)
दुसरा सामना – अ गटातील दुसर्‍या क्रमांकाचा संघ – २७ ऑक्टोबर (सिडनी)
तिसरा सामना – भारत विरुद्ध साऊथ आफ्रिका – ३० ऑक्टोबर (पर्थ)
चौथा सामना – भारत विरुद्ध बांग्लादेश – २ नोव्हेंबर (एडलेड)
पाचवा सामना – भारत विरुद्ध ब गटातील विजयी संघ – ६ नोव्हेंबर (मेलबर्न)