तुफान आलंया! टी-२० वर्ल्ड कप जिंकण्यासाठी बुमराह सज्ज, VIDEO पाहून धडकी भरेल

मुंबई:टी २० विश्वचषक २०२२ येत्या ऑक्टोबर महिन्यात ऑस्ट्रेलियामध्ये खेळवले जाणार आहेत. या सामन्यांसाठी अनेक संघांनी आपले संघ जाहीर केले आहेत. खेळाडूंसोबतच क्रिकेट प्रेमीदेखील या सामन्यांसाठी तितकेच उत्साही आहेत. आशिया कपमधील भारताच्या अपयशानंतर आता भारतीय संघ कशी कामगिरी करणार, भारताची आगामी सामन्यांसाठी कशी रणनिती असेल याविषयी देखील जोरदार चर्चा सुरू आहे.

यासोबतच सध्या भारतीय चाहत्यांना थोडा दिलासा मिळाला आहे, कारण आशिया कपमध्ये दुखापतग्रस्त असणारे आणि महत्त्वाचे गोलंदाज संघाबाहेर होते. पण आता विश्वचषकासाठी हे खेळाडू संघामध्ये परतले आहेत. भारताचा महत्वाचा आणि वेगवान गोलंदाज जसप्रीत बुमराह आता पूर्णपणे तंदुरुस्त असून मैदानात परतण्यासाठी सज्ज आहे. दुखापत झाल्यानंतर बुमराह पुनर्वसनासाठी गेला होता आणि आता त्याने इंस्टाग्रामवर एक तुफानी व्हिडिओ शेअर केला आहे.

महेंद्र सिंह धोनीचे हे ३ स्टार प्लेअर…जिगरी मित्रासह ९ दिवसांत दोघांनी घेतली निवृत्ती

या व्हिडिओमध्ये बुमराह नेटमध्ये गोलंदाजीशिवाय जिममध्ये घाम गाळताना दिसत आहे. टीम इंडियाच्या या फास्ट बॉलरचा व्हिडीओ पाहून टी-२० वर्ल्ड कपमध्ये भारताच्या विरोधी टीम्सच्या अडचणी वाढल्या असतील.

इंग्लंड दौऱ्यात बुमराहला पाठीला दुखापत झाली होती, त्यामुळे तो आशिया कपमधूनही बाहेर पडला होता. मात्र, तंदुरुस्त झाल्यानंतर पुढील महिन्यात ऑस्ट्रेलियात सुरू होणाऱ्या टी-२० विश्वचषकासाठी १५ जणांच्या भारतीय संघात त्याचा समावेश करण्यात आला आहे. आयसीसीच्या या मोठ्या स्पर्धेत बुमराह टीम इंडियाच्या गोलंदाजीचे नेतृत्व करेल. त्याच्यासोबत हर्षल पटेलला संघात स्थान मिळाले आहे.

मुंबई इंडियन्समध्ये झाला मोठा बदल, महेला जयवर्धनेची जागा घेणार हा माजी खेळाडू

इंस्टाग्रामवर त्याचा व्हिडिओ शेअर करत बुमराहने लिहिले की, ‘आपण फक्त आपलं काम करत राहावं, आपल्याला जे हवं आहे ते नक्कीच मिळेल. आपण मेहनत केली तर आपल्याला हवं आहे ते आपण मिळवू शकतो.’

टी २० विश्वचषकात भारतीय संघाची गोलंदाजी बाजू

जसप्रीत बुमराह च्या अचूक यॉर्करची सर्वांनाच कल्पना आहे. सध्या जगातील तगड्या फलंदाजांनाही त्याचे यॉर्करचे चक्रव्यूह भेदता आलेले नाही. अशा परिस्थितीत जसप्रीत बुमराहचे टी २० मध्ये पुनरागमन झाल्याने टीम इंडियाच्या गोलंदाजीची ताकद आता दुप्पट झाली आहे. बुमराह व्यतिरिक्त भुवनेश्वर कुमार आणि अर्शदीप सिंग हे देखील संघातील आघाडीचे गोलंदाज असतील.

भुवनेश्वर कुमार टी-२० फॉरमॅटमध्ये टीम इंडियासाठी शानदार गोलंदाजी करत आहे. याशिवाय अर्शदीप सिंगने डेथ ओव्हर्समध्येही अप्रतिम कामगिरी केली आहे. त्याचबरोबर अष्टपैलू हार्दिक पंड्याही पूर्णपणे तंदुरुस्त असून तो संघासाठी चार षटके टाकण्यास सक्षम आहे.

हा सुधारणार नाही! आशिया कपनंतर पाक खेळाडूनं पुन्हा केली मारामारी, VIDEO व्हायरल

मात्र, टी-२० विश्वचषक डोळ्यासमोर ठेवून हार्दिकसह भुवनेश्वर कुमारलाही आगामी घरच्या मालिकेतून विश्रांती देण्यात आली आहे. कारण या मोठ्या स्पर्धेपूर्वी टीम इंडियाला दुखापतीचा कोणताही धोका पत्करायचा नाही.