Team India: भारतीय क्रिकेट चाहत्यांना धक्का, आणखी एक फास्ट बॉलर जखमी…

नवी दिल्ली: टीम इंडियाचे अनेक वेगवान गोलंदाज गेल्या काही काळापासून दुखापतीशी झुंज देत आहेत. अलीकडेच हर्षल पटेल आणि जसप्रीत बुमराह दुखापतीतून बरे होऊन संघात परतले आहेत. तर, उत्कृष्ट आणि अष्टपैलू खेळाडू रवींद्र जडेजा गुडघ्याच्या दुखापतीमुळे संघाबाहेर आहे. दरम्यान, भारतीय चाहत्यांसाठी आणखी एक वाईट बातमी समोर आली आहे. पुन्हा एक वेगवान गोलंदाज जखमी झाला आहे. हा खेळाडू त्याच्या घातक वेगवान गोलंदाजीसाठी ओळखला जातो.

भारतीय देशांतर्गत क्रिकेटमध्ये सध्या दुलीप ट्रॉफी खेळवली जात आहे. या स्पर्धेत उत्तर विभागाकडून खेळणारा वेगवान गोलंदाज नवदीप सैनी दुखापतग्रस्त झाला आहे. नवदीप सैनीला हॅमस्ट्रिंगमुळे सुरु सामन्यात गोलंदाजीतून माघार घ्यावी लागली. २९ वर्षीय वेगवान गोलंदाज नवदीप सैनीने या सामन्याच्या पहिल्या डावात केवळ ११.२ षटके टाकली आणि दुसऱ्या डावात तो गोलंदाजीसाठी आला नाही. वृत्तानुसार, नवदीप सैनी लवकरच एनसीएला रिपोर्ट करणार आहे.

हेही वाचा -गेल्या मार्चपासून टीममधून बाहेर, रोहित शर्मा आणि के एल राहुलच्या तोडीस तोड खेळाडूला संधी नाहीच

टीम इंडियात स्थान मिळत नाही

नवदीप सैनी डेथ ओव्हर्समध्ये अतिशय जबरदस्त गोलंदाजी करतो आणि तो खूप फायदेशीर ठरतो. पण, गेल्या बराच काळापासून त्याला टीम इंडियामध्ये स्थान मिळत नाहीये. नवदीप सैनी हा १४० किलोमीटरहून अधिक वेगाने गोलंदाजी करतो. नवदीप सैनी टीम इंडियासाठी तिन्ही फॉरमॅटमध्ये खेळला आहे.

हेही वाचा -फक्त १०-१२ बॉल्स खेळविण्यासाठी या खेळाडूला संघात घेऊ नका, गौतम गंभीर स्पष्टच बोलला

२०१९ मध्ये पदार्पण

नवदीप सैनीने २०१९ मध्ये वेस्ट इंडिज विरुद्ध वनडेमध्ये पदार्पण केले होते. T20 मध्येही त्याने या वर्षी वेस्ट इंडिज विरुद्धच्या सामन्यातून पदार्पण केले. आयपीएलमध्ये या खेळाडूने आपल्या गोलंदाजीचे कौशल्य दाखवले. पण, २०२१ पासून त्याला टीम इंडियाकडून एकही सामना खेळायला मिळालेला नाही. नवदीपने भारतीय संघासाठी २ कसोटी सामन्यात ४ बळी, ८ एकदिवसीय सामन्यात ६ विकेट आणि ११ टी-२० सामन्यात १३ बळी घेतले आहेत.