पूजाने आयुष्याच्या सुरुवातीपासून खूप संघर्ष पाहिला. तिच्या कुटुंबाची आर्थिक परिस्थिती चांगली नव्हती. अशा परिस्थितीत पूजाने अभ्यासासाठी ट्युशन घेतले. यानंतर तिने रिसेप्शनिस्टचे काम केले. दरम्यान, बायोटेक्नॉलॉजीच्या माध्यमातून तिला कॅनडामध्ये नोकरी मिळाली आणि ती निघून गेली. तिथून ती जर्मनीलाही गेली आणि तिथेही तिने काम केलं.
जर्मनीच्या विकासात आपण हातभार लावतोय हे तिथे नोकरी करताना तिच्या लक्षात आले. तिला भारतात येऊन आपल्या देशासाठी काहीतरी करायचे होते. त्यामुळे जर्मनीतील नोकरी सोडून देशात येऊन तिने यूपीएससीची तयारी सुरू केली.
पूजाला पहिल्याच प्रयत्नात अपयश आले. २०१८ मध्ये पूजाने यूपीएससी उत्तीर्ण केली. दुसऱ्याच प्रयत्नात ती आयपीएस झाली. २०२१ मध्ये तिने आयएएस विकल्प भारद्वाजसोबत लग्न केले. विकल्प हे २०१६ कॅडरचे अधिकारी आहेत.
थराडमध्ये पोस्टिंग असताना पूजाच्या कामाचे खूप कौतुक झाले. थराड हे भौगोलिकदृष्ट्या महत्त्वाचे ठिकाण आहे. त्याची एक सीमा पाकिस्तानची आणि दुसरी राजस्थानची आहे. हा परिसर जुगाराचा अड्डाही मानला जातो. पूजाने या परिसरातून कोट्यवधी रुपयांची दारू जप्त केली आहे.