लग्नासाठी लेटेस्ट महाराष्ट्रीयन नथीचा नखरा, मिरवा असा तोरा आणि दिसा ठसठशीत

अगदी पूर्वपरंपरागत नऊवारी साडी आणि त्यावर सोन्यात मढलेली मोत्याची नथ हे कॉम्बिनेशन म्हणजे महाराष्ट्रीयन मुलगी असंच डोळ्यासमोर येतं. पूर्वी नथीचे एकच डिझाईन दिसून यायचे. पण आता अनेक डिझाईन्समध्ये नथी दिसून येतात. सौंदर्यामध्ये भर घालणारा नथ हा दागिना आहे. महाराष्ट्रीयन लग्नात नथीशिवाय कोणतंच लग्न पूर्ण होत नाही. गेल्या काही वर्षांमध्ये नथीचे डिझाईन्सही बदलले आहेत पण सध्या ट्रेंड्स मध्ये असणाऱ्या नक्की कोणत्या नथ आहेत आणि तुम्ही जर लग्नासाठी काही नव्या डिझाईन्सचा विचार करत असाल तर कोणती नथ निवडायला हवी याची इत्यंभूत माहिती. केवळ सोन्यातच नाही तर अगदी ऑक्सिडाईज्ड नथींचाही आता ट्रेंड सुरू झाला आहे. अशाच काही नथींचे प्रकार आणि माहिती.

काशीबाई नथ

राणी काशीबाईच्या नावाने ही नथ प्रसिद्ध आहे. बाजीराव मस्तानी चित्रपटानंतर अशा नथीच्या डिझाईन्सना जोरदार मागणी असल्याचे दिसून येत आहे. अगदी ऐतिहासिक मालिकांमध्येही अशी नथ दिसून आली आहे. ही नथ अत्यंत भरगच्च अशून त्यावर मोती आणि खड्याचे कोंदण करण्यात आले आहे. तर ही अत्यंत आकर्षक असून थोडी मोठी असल्याने तुमच्या चेहऱ्याचे सौंदर्य यामध्ये अधिक उठावदार दिसते. नवरीसाठी अशी नथ वापरावी. नऊवारी साडीवर अशा डिझाईन्सची नथ सुंदर आणि आकर्षक दिसते. सहसा ब्राम्हणी लग्नांमध्ये अशा डिझाईन्सचा वापर करण्यात आलेला दिसून येतो. तसंच नवरीचा लुक यामध्ये अधिक उठावदार दिसण्यास मदत मिळते.

हेही वाचा :  Mhada Lottery 2023 : म्हाडाचं घर घेणाऱ्यांसाठी खुशखबर, 19 एप्रिल तारीख लक्षात ठेवा...

कोल्हापुरी नथ

कोल्हापुरी या नावातच एक ठसका आहे. कोल्हापुरी नथीचे डिझाईन हे महाराष्ट्रातील प्रसिद्ध अशा नथींपैकीच एक आहे. सातारा, कोल्हापूर येथील लग्नामध्ये अशा डिझाईन्सच्या नथ वापरण्यात येतात. अर्धगोल आकाराची ही नथ मोत्यांची गुंफण करून तयार करण्यात येते. तर यामध्ये एकसर वा दोन सर मोत्यांची गुंफण करण्यात आलेली असते. नथीच्या वरच्या भागावर खडा अथवा मोराचे डिझाईन कोरण्यात येते. याशिवाय कोल्हापुरी नथ ही नथडा या नावानेही ओळखण्यात येते. याशिवाय तुम्ही तुमच्या आवडीप्रमाणे ही कस्टमाईजही करून घेऊ शकता. अजूनही याची पारंपरिकता जपण्यात येते. त्यामुळे तुम्हाला पारंपरिक नथ निवडायची असेल तर या डिझाईन्सचा वापर नक्कीच करून घेऊ शकता.

(वाचा -रात्री झोपताना ब्रा घालून का झोपू नये, काय सांगतो रिसर्च)

मासोळी नथ

माशाच्या आकाराचे डिझाईन असल्यामुळे या नथीला मासोळी असे नाव देण्यात आले आहे. या डिझाईन्समध्ये नथीच्या खड्यांपेक्षा नथीसाठी वापरण्यात आलेला धातू हा जास्त दिसून येतो. ऑक्सिडाईज अथवा बेंटेक्स या धातूमध्ये ही नथ अधिक डिझाईन करण्यात येते. खणाच्या साड्या अथवा ऑक्सिडाईज्ड दागिने वापरता येणाऱ्या साड्यांसह अशा डिझाईनची नथ अधिक उठावदार दिसते. गुलाबी आणि हिरव्या रंगाच्या खड्यांचा यामध्ये अधिक वापर करण्यात येतो. तसंच या नथी नाकाला अगदी गोलाकार अशा फिट बसतात. त्यामुळे तुमचा चेहरा अधिक आकर्षक दिसतो.

हेही वाचा :  Satyajit Tambe News: सत्यजित तांबे प्रकरणात धक्कादायक ट्विस्ट; उच्च शिक्षण घेतलेल्या डिग्रीवरच प्रश्नचिन्ह

(वाचा – अभिनेत्री तन्वी मुंडले ऊर्फ कावेरीचे वेड लावणारे लुक्स, चाहत्यांना केले घायाळ)

मराठा नथ

हे नाव वाचल्यावर मराठा नथ म्हणजे नक्की काय असा प्रश्न तुमच्या मनात निर्माण झाला असेल. पण तुम्ही हे डिझाईन्स बऱ्याच वेळा पाहिलेही असेल. मराठा नथ हे प्रसिद्ध डिझाईन आहे. ज्याना जड आणि पारंपरिक नथ घालण्याची आवड आहे त्यांच्यासाठी हा उत्तम पर्याय आहे. पूर्वी खूपच जड अशी ही नथ वापरण्यात यायची. पण आता त्यामाने याचे वजन कमी करण्यात आले आहे. गोलाकार बाकाचे असे या नथीचे डिझाईन तयार करण्यात आले आहे. तर नथीच्या ओठाकडच्या बाजूला मोत्यांपासून फुलं बनविण्यात येतात. तसंच वरच्या बाजूलाही मोत्याचे डिझाईन करण्यात येते. यामध्ये वेगवेगळे डिझाईन्स बनविण्यात येत असून महाराष्ट्रीयन लग्नात याचा वापर होतो.

(वाचा – दिवसेंदिवस होतेय अधिक तरूण, मलायकाचे २०२२ मधील सर्वाधिक व्हायरल फोटोज)

मोरणी नथ

पैठणीवर असणारा मोर जसा महिलांना प्रिय आहे तसंच नथीवर असणाऱ्या मोराचे डिझाईन्सदेखील महिलांना आकर्षकच वाटते. लहान आणि मोठा अशा दोन्ही आकाराच्या मोरांचे डिझाईन्स या नथींमध्ये दिसून येते. तसंच यावर अधिक कलाकुसरही करण्यात आलेली दिसून येते. यामध्ये हिऱ्यांचाही वापर करण्यात आलेला दिसून येतो. ज्यांना हिरे, मोती हे कॉम्बिनेशन आवडतं त्यांना हे डिझाईन नक्कीच आवडेल. तसंच ही नथ अत्यंत भरगच्च असून दिसायला अधिक आकर्षक आणि लक्षवेधी दिसते. त्यामुळे लग्न अथवा अन्य कोणत्याही समारंभात तुम्हाला मध्यवर्ती स्थान मिळवायचे असेल तर तुम्ही अशा मोरणी नथ डिझाईन्सचा वापर करून घ्या.

हेही वाचा :  अभिनेत्रीने घातलेल्या लांबसडक शर्टमधून दिसेनाशी झाली पॅंट, हॉट लुक असूनही लोक म्हणाले पॅंट घालायला विसरलीस की काय..?

नथीचा नखरा हा प्रत्येक महिलेला साजेसा दिसतो. लग्नसाठी लेटेस्ट ट्रेंडचा वापर जर तुम्ही करत असाल तर या लेटेस्ट नथींचा नक्की विचार करा आणि दिसा अधिक आकर्षक, मनमोहक आणि लक्षवेधी!

(फोटो क्रेडिटः Instagram)

Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

ठाणे पालिकेतील सफाई कर्मचारी महिलेचा मुलगा बनला अधिकारी, UPSC साठी ‘अशी’ केली तयारी

UPSC Success Story: आपल्या मुलाने चांगल शिक्षण घेऊन मोठा अधिकारी व्हावं असं प्रत्येक आईला वाटत …

चंद्र एकाच जागी स्थिरावणार; तब्बल इतक्या वर्षांनी आकाशात दिसणार भारावणारं दृश्य

Lunar Standstill : चंद्र… इथं पृथ्वीवर प्रेमाच्या आणाभाकांपासून खगोलीय घटनांपर्यंत महत्वाच्या भूमिकांमध्ये आणि रुपांमध्ये हा …