SPPU Job: सावित्रीबाई फुले पुणे विद्यापीठात विविध पदांची भरती, इच्छुकांची नोकरीसाठी फिल्डिंगला सुरुवात

यापूर्वी विद्यापीठाच्या कुलगुरूपदी डॉ. नितीन करमळकर यांची निवड करण्यात आली होती. डॉ. करमळकर विद्यापीठाच्या भूगर्भशास्त्र विभागाचे प्रमुख म्हणून काम पाहत होते. त्यांच्या नियुक्तीनंतर विद्यापीठातील विभागप्रमुखही कुलगुरूपदी विराजमान होऊ शकतो, असा विश्वास अनेक विभागप्रमुखांमध्ये जागृत झाला असून, यंदा त्याचेच प्रतिबिंब कुलगुरू निवडीच्या प्रक्रियेत दिसून येणार आहे. विद्यापीठाचा कारभार सध्या ज्यांच्या हातात आहे, असे काही शिक्षणतज्ज्ञही या पदाच्या शर्यतीत असल्याचे कळते. यामुळे विद्यापीठातील विभागप्रमुखांमध्येच या पदासाठीची मोठी चुरस पहायला मिळणार आहे.

विद्यापीठाच्या कुलगुरू निवड प्रक्रियेत कोणताही राजकीय हस्तक्षेप होत नाही, असे वारंवार सांगितले जाते. मात्र, ज्याचे सरकार त्याच सरकारच्या विचारांशी मिळते-जुळते घेणारा व्यक्ती कुलगुरूपदी विराजमान होतो, हा आतापर्यंतचा इतिहास आहे. यामुळे आता पुढील दोन महिन्यांमध्ये शिंदे गट आणि भाजप यांच्या विचारांशी सहमत असलेल्या एका व्यक्तीवर या पदाची जबाबदारी सोपवली जाण्याची शक्यता आहे. तसे झाल्यास सध्या विद्यापीठात कार्यरत असलेले अनेक इच्छुक उमेदवार भाजपशी जवळीक साधत असून, आपली कुलगुरूपदी वर्णी लागावी, यासाठी जोरदार फिल्डींग लावायला सुरुवात झाली आहे.

YCMU: पुनर्परीक्षार्थींसाठी शेवटची संधी

योग्य व्यक्तीचे नामांकन करण्याची संधी

विद्यापीठाच्या कुलगुरूपदासाठी एखादी व्यक्ती जर सक्षम असेल, तर त्या व्यक्तीचे नामांकन करण्याची संधीही जाहिरातीमध्ये देण्यात आली आहे. शिक्षण संस्थांना संबंधित व्यक्तीचे नामांकन कुलगुरूपदासाठी पाठवण्याची संधी देण्यात आली असून, अनेक संस्थांमधूनही या वेळी नामांकने येण्याची शक्यता आहे.

शंभरहून अधिक अर्ज येणार?

विद्यापीठातील अनेक विभागांच्या प्रमुखांची सेवा पुढे दोन ते तीन वर्षे शिल्लक आहे. अनेकांना अनुभवही गाढा आहे. या पार्श्वभूमीवर यंदा बहुतांश विभागाचे प्रमुख कुलगुरूपदासाठी अर्ज करण्याच्या तयारीत असून, यामुळेच यंदा शंभराहून अधिक अर्ज शोध समितीकडे प्राप्त होण्याची शक्यता व्यक्त केली जात आहे.

NEP ची अंमलबजावणी करण्यात सावित्रीबाई फुले पुणे विद्यापीठ आघाडीवर