सूनबाई पाळणार सासूबाईंच्या सूचना, मृणाल कुलकर्णी-शिवानी करतायत एकत्र काम

मुंबई : अभिनेत्री मृणाल कुलकर्णी पुन्हा एकदा दिग्दर्शकाच्या खुर्चीत बसायला सज्ज झाल्या आहेत. लाइट, कॅमेरा, अॅक्शन अशा सूचना त्या इतरांना देणार तशा सूनबाईला पण देणार. हो, त्यांच्या सिनेमात अभिनेत्री शिवानी रांगोळेही आहे. फक्त महिलांसाठी या सिनेमाचं दिग्दर्शन मृणाल कुलकर्णी करत आहेत.

उर्मिला मातोंडकरचं ८ वर्षांनी मराठी सिनेमात कमबॅक,श्रेयस तळपदेबरोबर रंगणार जुगलबंदी!

परितोष पेंटर यांच्या कॅलिडोस्कोप सिनेमा अॅण्ड पिक्चर्स प्रॉडक्शन्स तसंच राजेशकुमार मोहंती यांच्या एस. आर एन्टरप्रायजर्स या दोन मोठ्या निर्मिती संस्थांनी आपल्या आगामी सिनेमांची घोषणा केली. त्यात फक्त महिलांसाठी या सिनेमात सई ताम्हणकर, प्रसाद ओक, वंदना गुप्ते, शिवानी रांगोळे यांच्या भूमिका आहेत. फक्त महिलांसाठी सिनेमा आहे सर्वांसाठी अशी कॅचलाइन सिनेमाची आहे.

मृणाल कुलकर्णी आणि शिवानी रांगोळे यांनी आपल्या इन्स्टा पेजवर या सिनेमाची पोस्ट शेअर केली आहे. मृणाल यांनी आधी प्रेम म्हणजे प्रेम म्हणजे प्रेम असतं, रमा माधव, ती आणि ती हे सिनेमे दिग्दर्शित केले आहेत. याआधी सासू-सुनेनं एका जाहिरातीतही एकत्र काम केलं होतं.

Video :आजही पूजाला विसरू शकले नाहीत डाॅ.अमोल कोल्हे,दोघांच्या नात्याबद्दल भावुक झाला अभिनेता

शिवानी रांगोळे आपल्या सासूच्या दिग्दर्शनाखाली काम करायला उत्सुक आहे. एका मुलाखतीत ती अभिनयाबद्दल म्हणाली, ‘तुम्ही रील्स किती चांगले करताय, तुमचे किती फॉलोअर्स आहेत, पोर्टफोलिओ किती महागडा केला आहे यावर कास्टिंग ठरत असेल, तर हा ट्रेंड मला तात्पुरता वाटतो. अंतिम: या इंडस्ट्रीत अभिनयच बोलतो आणि कलाकार म्हणून त्यावर तुम्ही किती लक्ष देता, त्यासाठी किती तालिम करता याला प्राधान्य आहे.’

सई ताम्हणकरची सिनेमात प्रमुख भूमिका आहे. ति ला यावर्षी मिळालेला सर्वोत्कृष्ट सहाय्यक अभिनेत्रीचा फिल्मफेअर पुरस्कार ‘मिमी’ या सिनेमासाठी मिळाला आहे. मिमीमध्ये सईने साकारलेल्या भूमिकेचं विशेष कौतुक झालं होतं. आता या भूमिकेसाठी मिळणारे पुरस्कार सईच्या याच कामाची पोचपावती आहेत. तिला हा पुरस्कार ‘मिमी’ या सिनेमातील ‘शमा’च्या (Sai Tamhankar Mimi) भूमिकेसाठी मिळाला. सईने मिमी या सिनेमात क्रिती सेनॉन (Kriti Sanon Mimi) अर्थात मिमीच्या मैत्रिणीची भूमिका साकारली आहे. तिच्यासह पंकज त्रिपाठी (Pankaj Tripathi) यांची देखील या सिनेमात महत्त्वाची भूमिका आहे.