सोनाली फोगाटच्या शेवटच्या सिनेमाचं पोस्टर मुलगी यशोधरानं केलं रिलीज,लेकीनं चाहत्यांना केली विनंती

मुंबई : हरियाणाची प्रसिद्ध अभिनेत्री आणि माॅडेल, भाजप नेत्या सोनाली फोगाट यांना २३ ऑगस्टला ड्रग्ज देऊन मारलं. सोनालीच्या चाहत्यांसाठी हा एक धक्काच होता. त्यानंतर दहा दिवसांनी सोनाली यांचं एक व्हिडिओ साँग रिलीज केलं. आता त्यांच्या आगामी प्रेरणा सिनेमाचं पोस्टर मुलगी यशोधराच्या हस्ते प्रदर्शित केलं.

काय आहे सिनेमात खास?
सोनाली फोगाट यांचा प्रेरणा हा एक मोटिव्हेशनल सिनेमा आहे. तो जम्मू-काश्मीरला शूट केला गेला. पोस्टर रिलीज वेळी मुलगी यशोधरानं मीडियाशी बातचीत केली. ती म्हणाली, मला आशा आहे की हा सिनेमा लोकांना आवडेल. यशोधरानं आपल्या आईच्या चाहत्यांना हा सिनेमा पाहण्याची विनंती केली आहे.

कितीही सिनेमे होऊ देत फ्लाॅप,अक्षय कुमारचं कधीच होणार नाही नुकसान, एकूण संपत्तीबद्दल इथे वाचा

सोनाली यांचं शेवटचं गाणं झालं हिट
सोनाली फोगाट यांच्या मृत्यूनंतर १० दिवसांनी त्यांचं ‘छोरी का नाम चले हरियाणे में’ हे व्हिडिओ साँग रिलीज झालं होतं. चाहत्यांना हे गाणं खूप आवडलं. युट्यूबवर लाखो व्ह्यूज मिळालेत. या गाण्यात सोनाली यांनी श्रद्धांजली वाहात न्याय द्या, असंही सांगितलं आहे.

भाजप नेत्या सोनाली फोगाट यांच्या मृत्यू प्रकरणात दिवसेंदिवस नवनवीन धक्कादायक गोष्टी पुढे येत आहेत. आता त्यांच्या मृत्यूपूर्वी नेमकं काय घडलं हे एका प्रत्यक्षदर्शीने उघड केलं आहे. ही व्यक्ती कर्ली क्लबमध्ये उपस्थित होती. त्या दिवशी सोनाली या त्या क्लबमधील डान्स पार्टीत होत्या. सोनाली (Sonali Phogat Death) आणि त्यांचे कर्मचारी नाचत होते. पण, त्यानंतर अचानक सोनाली यांची तब्येत बिघडू लागली. थोड्या वेळाने सोनाली यांना तेथून नेण्यात आले.

सोनाली फोगाट यांची हत्याच, पण सगळ्यांच्या डोक्यातला तो प्रश्न अद्याप अनुत्तरीतच

आजतक वृत्तवाहिनीने दिलेल्या माहितीनुसार, प्रत्यक्षदर्शीने सांगितलं की, सोनाली यांची तब्येत बिघडली तेव्हा एकच गोंधळ उडाला. तेथे गर्दी जमली होती. सगळे एकाच दिशेने जात होते. त्या सोनाली होत्या हे मी ओळखले होते. काहीजण सोनाली यांना बाथरुमच्या दिशेने घेऊन जात होते. पण, ती वेळ कामाची होती, त्यामुळे सगळेच व्यस्त होते. त्यामुळेच आम्ही प्रत्येक गोष्टीकडे लक्ष देऊ शकलो नाही. नंतर आम्हाला वाटले की जास्त हस्तक्षेप करायला नको.