ऐन गणपतीत कुशल बद्रिकेच्या तोंडचा घासच कोणी काढून घेतला? हा Video पाहिलात तर कळेल!

मुंबई : अभिनेता कुशल बद्रिके नेहमीच सोशल मीडियावर अॅक्टिव असतो. अनेक गमतीशीर पोस्ट तो शेअर करत असतो. कधी मित्रांबरोबरचे व्हिडिओ, तर कधी पत्नी-मुलाबरोबरचे व्हिडिओ तो पोस्ट करत असतो. आताही त्यानं एक मजेशीर व्हिडिओ पोस्ट केलाय.

‘वर्षा’बंगल्याविषयी पहिल्यापासूनच जाम कुतूहल वाटत आलयं…प्राजक्ता माळीची पोस्ट चर्चेत

कुशल बद्रिके विजू मानेच्या घरी आलाय. गणपतीला. त्यावेळी विजू माने त्याला अॅलेक्साबद्दल सांगतो. तो म्हणतो, बाप्पा आहे तर जेवून जा. हे बघ हे एक यंत्र आहे. ही अॅलेक्सा. हिला जे सांगू ते ती करते. गाणं लाव म्हटलं लावते, जी माहिती हवी ती देते. त्यावर कुशल म्हणतो, बरं झालं तुम्ही हिला घेतलं. घरात एक तरी बाई हवीच तुमचं ऐकणारी. हे बोलत असतानाच विजू मानेची पत्नी तिथे जेवणाची दोन ताटं घेऊन पोहोचते. ती सगळा संवाद ऐकते आणि ती ताटं घेऊन निघून जाते.

विजू माने म्हणतो, आता काही जेवण मिळणार नाही. मग तो पत्नीला हाक मारत आत निघून जातो. असा हा गमतीशार व्हिडिओ आहे. चाहत्यांची याला खूप पसंती मिळाली आहे.

कितीही सिनेमे होऊ देत फ्लाॅप,अक्षय कुमारचं कधीच होणार नाही नुकसान, एकूण

कुशल नेहमीच हटके पोस्ट शेअर करत असतो. गुरुपौर्णिमेच्या दिवशीही चुका याच आपल्या गुरू अशी पोस्ट शेअर केली होती. त्यानं लिहिलं होतं, ‘माणूस म्हटलं की “चुका” होतातच !! आणि आपल्या “चुकाच” आपल्याला कसं “चुकायचं नाही” ते शिकवतात. मला कधी कधी वाटतं माणसाने ‘चुकत’ राहायला हवं. “चुकून” चालता चालता एखाद्याच्या पायाला पाय लागायला हवा, बोलता बोलता “चुकून” एखादी शिवी हासडायला हवी, नवीन घातलेल्या एखाद्या पांढऱ्या शुभ्र कपड्यावर “चुकून” चहा सांडायला हवा, चुकून एखाद्याच्या प्रेमात पडायला हवं. (अर्थात ती आपल्याला “चूक” वाटत नसली तरीही….)