सोनाली फोगाट यांची हत्याच, पण सगळ्यांच्या डोक्यातला तो प्रश्न अद्याप अनुत्तरीतच

मुंबई: हरयाणातील भाजप नेत्या आणि अभिनेत्री सोनाली फोट यांचा मृत्यू हृदयविकाराच्या धक्क्यानं झाला नसून त्यांच्या दोन सहकाऱ्यांनी त्यांची हत्या केल्याचं आता समोर आलं आहे. असा आरोपही सोनालीचे बंधू रिंकू ढाका यांनी गोवा पोलिसांकडं केला होता. या आरोपानंतर फोगट यांच्या मृत्यू प्रकरणाचा बारकाईनं तपास सुरू करण्यात आला. या प्रकरणी अटक झालेल्या आरोपींची संख्या आता चारवर गेली आहे. पण असं असलं तरी सोनाली फोगाट यांची हत्या नेमका का करण्यात आली? या प्रश्नाचं उत्तर पोलिसांना अद्यापही मिळालं नाही.

बिग बॉसमध्ये जाणार? हार्दिक जोशीच्या उत्तरानं प्रेक्षक पडले बुचकळ्यात
सोनाली फोगाट यांनी मृत्यूपूर्वी आई, बहीण आणि मेहुणे यांच्याशी फोनवर बोलताना दोन सहकाऱ्यांविषयी तक्रार केली होती. तसंच त्यांच्या मृत्यूनंतर सीसीटीव्ही कॅमेरा, लॅपटॉप आदी वस्तू हरयाणातील त्यांच्या फार्म हाऊसमधून गायब झाल्याचं समोर आलं होतं.

काय घडलं होतं?
सोनाली यांना अस्वस्थ वाटू लागल्यानं अंजुना येथील सेंट अँथनी रुग्णालयात नेण्यात आलं. तिथंच त्यांचा मृत्यू झाला होता. फोगट यांचे कुटुंबीय मंगळवारी रात्री गोव्यात दाखल झाले होते.
Video- देख रहा है बिनोद, क्या बकवास कॅमियो है, शाहरुखला ब्रह्मास्त्रमध्ये पाहून चाहत्यांनी आपटलं डोकं
मुख्य आरोपी
सोनाली फोगट यांच्या हत्येप्रकरणी त्यांचे सहकारी सुधीर सागवान आणि सुखविंदर सिंह यांना याआधीच अटक झाली आहे. त्यानंतर ज्या रेस्टॉरंटमध्ये सोनाली पार्टी करत होत्या त्या रेस्टॉरंटच्या मालकाला तसेच एका अमली पदार्थ तस्कराला अटक करण्यात आली आहे.

त्या प्रश्नाचं उत्तर नाहीच
सुधीर सागवान आणि सुखविंदर सिंह यांनी सोनाली यांची हत्या केल्याचं समोर आलं असलं तरी त्यांनी ही हत्या का केली या प्रश्नाचं उत्तर अद्यापही मिळालं नाही.