रंग माझा वेगळा : दीपावर एकापाठोपाठ संकटं, कशी वाचवणार सौंदर्या इनामदार तिला?

मुंबई : रंग माझा वेगळा मालिकेत सध्या वेगवान घडामोडी घडत आहेत. आयेशाच्या सांगण्यावरून शाळेतले मुख्याध्यापक दीपिका आणि कार्तिकी यांना शाळेतून काढण्याचा निर्णय घेतात. फी भरली नाही, म्हणून हे केलं जातंय. पैसे उभे करण्यासाठी दीपा पुढे सरसावते.

एका नाटक कंपनीकडून ती अॅडव्हान्स पैसे घेते. त्या बदल्यात तिला नाटकात काम करायचं असतं. पण निर्माता तिला स्वीमिंग काॅस्च्युम देतो. ती त्याच्या थोबाडीत मारून तिथून निघून येते. आता नाटक कंपनीतली माणसं पोलिसांना घेऊन दीपाच्या घरी येतात. आमच्याकडून पैसे घेतले, पण काम केलं नाही, म्हणून तिला घेऊन पोलीस स्टेशनमध्ये जातात.

Health Update- राजू श्रीवास्तव यांना मुंबईत आणण्याची तयारी सुरू?

हे सगळं आयेशा करत असते. दीपिका कार्तिककडे यावी म्हणून. अर्थात, यामागे तिचा स्वार्थ असतोच. कार्तिकला हवं ते केल्यामुळे तो तिच्याशी लग्न करेल असं तिला वाटत असतं. दीपिकाबद्दल तिला अजिबात प्रेम नसतं. तरीही ती हे उपदव्याप सुरू ठेवते.

इकडे दीपा त्या माणसाच्या थोबाडीत मारते, हा व्हिडिओ सौंदर्याला दाखवला जातो. तिला हा पाहून प्रश्न पडतो की दीपानं असं का केलं असावं. तिच्या मनात शंका निर्माण होतात. आता दीपिका कोणाकडे जाणार, दीपाची अजून किती ससेहोलपट होणार, कार्तिकला खरं काय ते कळून त्याचे डोळे उघडणार का, हे सगळं पुढील भागात पाहता येईल.

अमेरिकन मीडियाची RRRसाठी भविष्यवाणी, राम चरणचे चाहते झाले खूश

दीपाच्या घरी गणपतीचं आगमन झालं होतं. पूजा कोण करणार, या प्रश्नाला दोघी मुलीच उत्तर देतात. त्या म्हणतात आई आणि बाबा. आता दीपा-कार्तिककडे दुसरा पर्याय नसतो. मुलींना खूश ठेवण्यासाठी का होईन दोघं पूजेला तयार होतात. तिकडे आयेशाला हे कळल्यावर ती बराच आकांडतांडव करते. कार्तिक तिला समजावतो.