रणबीर- आलियासाठी मला फार खूप वाईट वाटलं, अयान मुखर्जीने बोलून दाखवली मनातली खंत

मुंबई- ‘ब्रह्मास्त्र’ सिनेमाच्या प्रमोशनसाठी रणबीर कपूर, आलिया भट्ट आणि अयान मुखर्जी यांनी पायाला भिंगरी बांधली आहे. देशभरात हे त्रिकूट सिनेमाच्या प्रमोशनसाठी फिरत आहे. प्रमोशनसाठी काही दिवसांपूर्वी हे तिघेही उज्जैनला पोहोचले. आता उज्जैनला गेल्यावर महाकाल मंदिरात दर्शनाचं तर नियोजन होणारच ना. पण अयान मुखर्जीसोबत असलेल्या रणबीर आणि आलियाला महाकाल मंदिरात जाण्यासाठी हिंदू संघटनांनी प्रवेश नाकारला आणि फक्त अयानलाच परवानगी दिली. परिस्थितीचे गांभीर्य ओळखून अयान एकटाच मंदिरात गेला.

भार्गवी चिरमुलेचा नवीन लुक पाहिलात का? अभिनेत्रीच्या नव्या अंदाजाची होतेय चर्चा

आता दिल्लीतील प्रमोशन दौऱ्यात महाकाल मंदिर प्रवेश वादावर अयानने आपली प्रतिक्रिया दिली आहे. रणबीर आणि आलियाला मंदिरप्रवेश नाकारल्याचं मला खूप वाईट वाटलं असं म्हणत अयान याने त्याच्या मनातील खंत व्यक्त केली आहे. खरंतर उज्जैनच्या महाकाल मंदिरात जाताना अयाननेच रणबीर आणि आलियाला मंदिरात येऊ नका, मी एकटाच जाईन असा सल्ला दिला होता त्यामागेही कारण होते जे अयानने सांगितलं.

ब्रह्मास्त्र सिनेमाच्या प्रदर्शनाची तारीख जवळ येईल तसा वाद उफाळून येत आहे. या सिनेमाभोवतीही बॉयकॉटचा विळखा पडत आहे. रोज सोशल मीडियावर बॉयकॉटचा ट्रेंड वाढत आहे. तर दुसरीकडे अयान, रणबीर आणि आलिया यांचा प्रमोशन दौरा जोरदार सुरू आहे. याचदरम्यान उज्जैनच्या महाकाल मंदिरात सिनेमाच्या यशासाठी आशीर्वाद घेण्यासाठी अयान, रणबीर आणि आलिया पोहोचले तेव्हा रणबीर आणि आलियाला अडवडण्यात आलं. बजरंग दलाच्या कार्यकर्त्यांनी रणबीर आणि आलियाला मंदिरात जाण्याला विरोध केला.

आदेश बांदेकरांच्या बाप्पाच्या विसर्जनाची सगळीकडे चर्चा, हा Video चुकवू नका!

माझे सिनेमे आवडत नसतील तर बघू नका असं आलिया एका मुलाखतीत म्हणाली होती त्याचा समाजात राग आहे. तर आम्ही पेशावर आहोत त्यामुळे मला गोमांस आवडतं असं एका मुलाखतीत रणबीरने सांगितल्याने त्याच्यावर रोष आहे. या कारणामुळेच रणबीर आणि आलिया यांना महाकाल मंदिरात जाण्यापासून रोखण्यात आलं होतं.

गोमांस खाण्याबाबतचं विधान रणबीरने ११ वर्षापूर्वी केलं होतं, आता ब्रह्मास्त्रच्या रिलीजआधी हा जुना व्हिडिओ सोशलमीडियावर व्हायरल होत आहे. मी आवडत नसेन तर माझे सिनेमे का बघता असं म्हणणाऱ्या आलियावर प्रेक्षकांशी उध्दटपणे बोलल्याचा आरोप केला जात आहे. याचा एकत्रित परिणाम ब्रह्मास्त्र बायकॉट ट्रेंडवर होत आहे. गेल्या काही दिवसात कलाकारांकडून केली जाणारी वादग्रस्त विधानं त्यांच्या नव्या सिनेमाच्या बॉयकॉटसाठी कारणीभूत ठरत असल्याचं चित्र आहे. या कात्रीत सापडलेल्या ब्रह्मास्त्र सिनेमाच्या प्रमोशनदरम्यान रणबीर आणि आलिया यांनाही फटका बसत आहे.

उज्जैनमध्ये महाकाल मंदिरात प्रवेश बंदीवरून झालेल्या प्रकारावर अयान मुखर्जी काय प्रतिक्रिया देतो याकडे प्रेक्षकांचं लक्ष लागलं होतं. दिल्लीतील पत्रकार परिषदेनंतर अयानने यावरील मौन सोडलं. तो म्हणाला, रणबीर आणि आलिया यांना मंदिर प्रवेश दिला नाही याचं मला खूप वाईट वाटलं. त्या दोघांनाही मंदिरात यायचं होतं, पण तेथील विरोधाची तीव्रता बघून मी त्यांना न येण्याचा सल्ला दिला. ब्रह्मास्त्र रिलीज होण्यापूर्वी मी या मंदिरात येण्याचा संकल्प केला होता. आलिया सध्या प्रेग्नंट आहे, त्यामुळे मला तिचीही काळजी होती. पण मला अजूनही असं वाटतं की रणबीर- आलिया यांना मंदिरात प्रवेश द्यायला हवा होता.

बहुचर्चित ब्रह्मास्त्र ९ सप्टेंबरला रिलीज होणार आहे. रणबीर आणि आलिया यांचा हा एकत्रित पहिलाच सिनेमा आहे. त्यांच्यासोबत अमिताभ बच्चन, मौनी रॉय, नागा चैतन्य यांच्याही भूमिका आहेत. तर पाहुणे कलाकार म्हणून शाहरूख खान आणि दीपिका पादुकोण यांचीही नावं चर्चेत आहेत.