Raju Shrivastava यांच्याप्रमाणे कॉमेडी फील्डमध्ये करा करिअर, मिळेल खूप पैसा आणि प्रसिद्धी

Career in stand-up comedy: कॉमेडी किंग राजू श्रीवास्तव यांचे निधन झाले आहे. कॉमेडी फिल्डमधील ते एक नावाजलेलं व्यक्तीमत्व होतं. त्यांच्यामुळे विनोद घराघरामध्ये पोहोचला आणि लोकांनाही त्यांची मांडणी खूप आवडली. राजू श्रीवास्तव व्यतिरिक्त भारती सिंह, कपिल शर्मा सारखे बरेच लोक आहेत ज्यांनी विनोदात यशस्वी कारकीर्द केली. मराठीमध्ये चला हवा येऊ द्या, हास्यजत्रा सारखे कार्यक्रम देखील प्रेक्षकांनी डोक्यावर घेतले आहेत.

स्टँड-अप कॉमेडी हा एक करिअरचा पर्याय आहे. यासाठी तुम्हाला कोणती प्रवेश परीक्षा, लेखी परीक्षा द्यावी लागत नाही. पण तुमच्याकडील प्रतिभा कौशल्य हेच तुमचे करिअर घडवू शकते. आजकाल देशातील बरेच तरुण आहेत जे स्वत:च्या करिअरबाबत गंभीर आहेत. अनेकांना स्टॅंण्डअप कॉमेडीमध्ये करिअर करायचे आहे पण त्याची सुरुवात कुठून करायची याबद्दल माहिती नसते. या लेखात आपण त्याबद्दल जाणून घेऊया.

एकवेळ रडविणे सोपे असते पण लोकांना हसविणे खूप कठीण असते असे आपल्याकडे म्हटले जाते. स्टॅण्ड कॉमेडी करणाऱ्या व्यक्ती याही पुढे जाऊन तासन् तास सलग हसवत असतात. आपल्या आजुबाजूला अनेकांकडे हे कौशल्य असते. पण त्यांचा स्वत:वर विश्वास नसल्याने ते मागे राहतात. आपण यातील करिअरविषयी जाणून घेऊया.

Career Tips in Stand-up Comedy: या टिप्स करा फॉलो

व्यक्तीकडे अभिनयाचे अंग असणे गरजेचे आहे. एखादी व्यक्ती अनेकांची मिमिक्री करतात. त्यांच्या या कौशल्याने त्या समोरच्यांना पोटदुखीपर्यंत हसवू शकतात.

प्रत्येक स्टँड-अप कॉमेडियनला स्वतःची एक अनोखी शैली असणे खूप महत्वाचे आहे. जे इतरांच्या गोष्टींची कॉपी करतात ते जास्त काळापर्यंत टिकू शकत नाहीत. तसेच असे स्टॅण्डअप कॉमेडियन प्रेक्षकांना अजिबात आवडत नाही. त्यामुळे कॉमेडीसोबत स्वत:च्या लेखन आणि कौशल्यांकडे लक्ष द्यायला हवे.

एखादा व्यक्ती त्याच्या विनोद बुद्धीतून लोकांचे लक्ष कोणत्याही सामाजिक विषयाकडे वळवत असेल किंवा त्यातून सकारात्मक संदेश देत असेल तर तो त्याच्या कारकिर्दिमध्ये सर्वोच्च स्थानी पोहोचू शकतो.

यासाठी विनोदविरांना जुन्या विनोदांतून प्रेरणा घेता आली पाहिजे.

या फिल्डमध्ये करिअर करु इच्छिणाऱ्यांनी विनोदी शो पाहणे आणि कॉमेडीची चांगली पुस्तके वाचणे गरजेचे आहे.

विनोदातील टायमिंग हा महत्वाचा भाग आहे. हे कौशल्य ज्याला आले तो बाजी मारुन नेतो. त्यामुळे हे कौशल्य आत्मसात करण्याचा प्रयत्न करा.

स्टॅण्डअप कॉमेडी फिल्डमधील दिग्गज
१) राजू श्रीवास्तव
२)भारती सिंग
३) कपिल शर्मा
४) सुनील ग्रोव्हर
५) जॉनी लीव्हर
६)विजय ईश्वरलाल पवार (व्हीआयपी)
७)अली असगर
८)कृष्णा अभिषेक
९) सुदेश लेहरी
१९) किकू शार्डा

देशातील सर्वात प्रसिद्ध कॉमेडी शो
१) महान भारतीय हशा आव्हान
२)कपिल शर्मा शो
३) कपिलसह कॉमेडी नाईट्स
४) कॉमेडी नाईट्स लाइव्ह
५) कॉमेडी नाईट्स बचाओ

स्टॅण्डअप कॉमेडी करणाऱ्या व्यक्ती अनेक रिअॅलिटी शोसाठी ऑडिशन देऊ शकतात. अनेक सिनेमांमध्ये चांगली कॉमेडी करणाऱ्यांना मोठी संधी मिळते. स्वत:चे युट्यूब चॅनल्स काढूनही तुम्ही लाखो फॉलोअर्स मिळवू शकतो. देशात सुरु असलेल्या चुकीच्या घटनांवर सार्क्यास्टिक कॉमेडी करुन देखील खूप सारे फॉलोअर्स मिळविता येतात.