प्राजक्ता माळीनं सांगितलं तिच्या आनंदी असण्याचं कारण, शेअर केलेल्या Photo वर चाहते खूश

मुंबई : अभिनेत्री प्राजक्ता माळीनं ती लंडनला जातेय, हे चाहत्यांना काही दिवसांपूर्वीच सांगितलं. त्यानंतर ती तिथून तिथले फोटोज शेअर करत असते. तिच्या फॅन्सचीही पसंती मिळतेय. आता अभिनेत्रीनं एक पोस्ट शेअर केली आहे.

या पोस्टमध्ये तिनं तिच्या सहकलाकारांबरोबरचे फोटो शेअर केले आहेत. संकर्षण कऱ्हाडे. वैभव तत्त्ववादी, आलोक राजवाडे, हृषिकेश जोशी यांच्या बरोबरचे फोटो आहेत. त्यावर तिनं लिहिलं आहे, ‘कॅमेऱ्याच्या समोर मला नेहमीच आनंद मिळतो. मी सारखी हसत राहते. त्यात अगदी वेडे सहकारी आणि दिग्दर्शक माझ्या भोवती आहेत. मला आनंदी राहायला अजून काय हवं?’

वैभव मांगले यांनी अचानक सोडलं नाटक, म्हणाले- ‘नाटकाला जाल आणि तुमचा भ्रमनिरास होईल’

लंडनला शूटिंग सुरू असलेला सिनेमा ऋषिकेश जोशी दिग्दर्शित करत आहे. तर प्राजक्ताबरोबर संकर्षण कऱ्हाडे, वैभव तत्त्ववादी, आलोक राजवाडे यांच्याही भूमिका आहेत. सिनेमाचं नाव अजून कळलं नाहीय.

हल्ली अनेक मराठी सिनेमांची शूटिंग भारताबाहेर व्हायला लागली आहेत. त्यामुळे कामानिमित्त मराठी कलाकारांची परदेशवारी व्हायला लागली आहे. बरेच मराठी कलाकार हे मध्यमवर्गातून पुढे आलेत. त्यामुळे आजही त्यांना परदेशात फिरण्याचं अप्रूप वाटतंच.

अभिनेत्री प्राजक्ता माळी सध्या लंडनला आहे. तिथे ती शूटिंग करतेय. नुकतीच तिनं पोस्ट शेअर करत म्हटलंय की हा तिचा १३ वा देश. ती लिहिते, ‘फिरायला मिळालेला इंग्लंड हा १३ वा देश. (खात्री आहे, फक्त मध्यमवर्गीयच असे बोटांवर देश मोजत असणार. एक आईबरोबरची दुबई ट्रिप सोडल्यास सगळ्या ट्रिप्स कामानिमित्त किंवा स्पाॅन्सर्ड होत्या, देवाचे किती म्हणून आभार मानू.)’

असं कुठं असतंय व्हय…नव्यानं सुरू झालेल्या मराठी मालिकेला प्रेक्षकांनी केलं ट्रोल

तिनं लिहिलं आहे, ‘जवळपास अर्धी मराठी इंडस्ट्री लंडनला येऊन फिल्म शूट करून गेली. मलाही हा अनुभव घ्यायचाच होता. सरतेशेवटी मी इथे आहे.’