पोट साफ न होणं, मुळव्याध, बद्धकोष्ठतेसाठी अमृत आहे हे 5 उपाय

गायीचं दूध

दूध हे नैसर्गिक लॅक्सेटिव्ह रेचक आहे आणि ते लहान मुलांपासून वृद्धांपर्यंत जवळजवळ प्रत्येकासाठी लाभदायक ठरते. गरोदर मातांसाठीही ते अमृत आहे. झोपण्याआधी फक्त एक ग्लास कोमट दुध पिण्याची गरज आहे. ज्यांना पित्ताचा त्रास आहे त्यांच्यासाठी हे सर्वोत्तम आहे. जर एकट्या दुधाने काम होत नसेल तर 1 चमचा गाईचे तूप एक ग्लास कोमट गाईच्या दुधासोबत घेतल्यास दीर्घकालीन बद्धकोष्ठता असलेल्या लोकांसाठी चांगले काम करते.

(वाचा :- Liver Cancer : तुमची ही एक चूक वाढवते तब्बल 75 टक्क्यांनी लिव्हर कॅन्सरचा धोका, करा हे उपाय, नाहीतर जीव धोक्यात)

गायीचं तूप

गाईचे तूप तुमचे चयापचय सुधारते. हे तुम्हाला शरीरात हेल्दी फॅट राखण्यास मदत करते जे जीवनसत्त्वे A, D, E आणि K सारख्या चरबी विरघळवणारी जीवनसत्त्वे शोषण्यासाठी आवश्यक आहे. म्हशीचे तूप वापरू नये कारण ते घट्ट असते आणि सर्वांनाच सुट होत नाही. ज्यांना वजन वाढवायचे आहे त्यांच्यासाठी म्हशीचे तूप चांगले आहे. गायीचे तूप सहज पचणारे असल्याने सर्वांसाठी उत्तम आहे. फक्त 1 चमचे गाईचे तूप झोपताना किंवा सकाळी रिकाम्या पोटी कोमट पाण्यासोबत घ्यावे.

(वाचा :- पाय सुन्न होतात, मुंग्या येतात व धारधार पिन टोचल्यासारख्या वेदना होतात? मग सावध व्हा, नाहीतर होतील भयंकर परिणाम)

रात्रभर भिजलेले मनुके

काळ्या मनुक्यामध्ये भरपूर फायबर असते, जे मल किंवा शौच कडक होण्यापासून प्रतिबंधित करते आणि ते सहज बाहेर पडण्याइतकं चिकट व मऊ करते. मनुका भिजवणे आवश्यक आहे कारण कोरडे पदार्थ तुमचा वात दोष वाढवतात आणि त्यामुळे जठराची म्हणजेच गॅस्ट्रिक समस्या निर्माण होऊ शकते. भिजवल्याने सर्वच पदार्थ पचायला सोपे जातात.

(वाचा :- चुकूनही करू नका ‘या’ 9 संकेत व लक्षणांकडे दुर्लक्ष, एक नाही तर संपूर्ण 5 प्रकारच्या कॅन्सरची असू शकते सुरूवात.!)

आवळा

आवळा एक अद्भुत रेचक आहे आणि सकाळी नियमितपणे सेवन केल्याने तुम्हाला अनेक आरोग्याच्या समस्यांपासून आराम मिळू शकतो. तुम्ही आवळा किंवा आवळ्याच्या पावडरचे सेवन करू शकता. सर्वात मोठी गोष्ट अशी आहे की आवळा वात, पित्त आणि कफ सर्व प्रवृत्तीच्या लोकांसाठी चांगले आहे.

(वाचा :- 24 तासांत किती वेळा जेवणं दीर्घायुष्यासाठी गरजेचं आहे? म्हातारपणात जागेला खिळायचं नसेल तर ऐका डॉक्टरांचा सल्ला..)

मेथीदाणे

एक चमचा मेथी दाणे रात्रभर भिजत ठेवा आणि सकाळी रिकाम्या पोटी खा. झोपताना एक चमचा मेथी पावडर कोमट पाण्यासोबत घेऊ शकता. जास्त वात आणि कफ असलेल्या लोकांसाठी हे उत्तम आहे. जास्त पित्त असलेल्या लोकांनी ते टाळावे.

(वाचा :- Fatty Liver Disease : झोपण्याशी संबंधित ही सवय वाढवते लिव्हर सडण्याचा धोका, ताबडतोब बदला नाहीतर होईल लिव्हर फेल)

टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक माहितीसाठी नेहमी आपल्या डॉक्टरांशी संपर्क साधावा.

मुळव्याध व बद्धकोष्ठतेचा उपाय आहेत हे 5 पदार्थ..!