बोर्ड परीक्षा ऑफलाइन की ऑनलाइन? सुप्रीम कोर्टात उद्या सुनावणी

Board Exams 2022: देशभरातील इयत्ता दहावी, बारावीमध्ये शिकणाऱ्या कोट्यवधी विद्यार्थ्यांसाठी मोठी बातमी आहे. ऑफलाइन परीक्षा (ऑफलाइन बोर्ड परीक्षा 2022) रद्द करण्याच्या याचिकेवर देशाचे सर्वोच्च न्यायालय बुधवारी म्हणजेच २३ फेब्रुवारी २०२२ रोजी सुनावणी घेणार आहे. सेंट्रल बोर्ड ऑफ सेकंडरी एज्युकेशन (CBSE) आणि इतर अनेक बोर्डांद्वारे घेण्यात येणाऱ्या इयत्ता १०वी आणि १२वीच्या ऑफलाइन परीक्षा रद्द करण्याच्या याचिकेवर सुनावणी करण्यास सर्वोच्च न्यायालयाने सहमती दर्शवली आहे. त्यानंतर आता उद्या, बुधवार, २३ फेब्रुवारी रोजी या याचिकेवर न्यायमूर्ती ए.एम.खानविलकर यांच्या खंडपीठासमोर सुनावणी होणार आहे. त्याचवेळी एएनआयने यासंदर्भात एक ट्विटही केले आहे. त्यानुसार, सर्व राज्य मंडळे, सीबीएसई, आयसीएसई आणि नॅशनल इन्स्टिट्यूट ऑफ ओपन स्कूलिंगद्वारे घेण्यात येणाऱ्या दहावी आणि बारावीच्या ऑफलाइन परीक्षा रद्द करण्याच्या याचिकेवर सर्वोच्च न्यायालयात उद्या सुनावणी होणार आहे.

केंद्रीय माध्यमिक शिक्षण मंडळाने (CBSE) १० वी आणि १२ वीच्या टर्म २ च्या परीक्षेच्या तारखा जाहीर केल्या आहेत. टर्म २ च्या परीक्षा २६ एप्रिलपासून होणार आहेत. दरम्यान, कौन्सिल फॉर द इंडियन स्कूल सर्टिफिकेट एक्झामिनेशन्स (CISCE) एप्रिलच्या शेवटच्या आठवड्यात ICSE दहावी आणि ISC म्हणजेच बारावीच्या परीक्षा घेण्याची शक्यता आहे. CISCE ने सांगितले आहे की, सविस्तर वेळापत्रक, CISCE लवकरच प्रसिद्ध केले जाईल.

हेही वाचा :  मुंबई महारोजगार मेळावा, तब्बल ८ हजार ६०८ पदे भरणार

१५ राज्यांतील विद्यार्थ्यांनी सर्वोच्च न्यायालयात ही याचिका दाखल केली आहे, ज्यामध्ये विद्यार्थ्यांनी CBSE, CISCE या राज्य मंडळांना कोविडमुळे ऑफलाइन पद्धतीने परीक्षा न घेण्याचे निर्देश द्यावेत, अशी विनंती न्यायालयाला केली आहे. अनुभा श्रीवास्तव सहाय यांनी ही याचिका दाखल केली आहे. त्यांनी बोर्ड परीक्षांचे मूल्यांकन वैकल्पिक पद्धतीने करण्याची मागणी केली आहे आणि यासंबंधी सीबीएसई, आयसीएससी, एनआयओस या बोर्डांनी वैकल्पित मोडवर आधारित मूल्यांकनाची मागणी केली आहे.

बोर्ड परीक्षांंसंबंधी याचिकेवर सुनावणीस सर्वोच्च न्यायालय सहमत

Source link

About Admin

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

कर्मचारी भविष्य निर्वाह निधी संघटना अंतर्गत विविध पदांची भरती

Employees Provident Fund Organisation Invites Application From 2859 Eligible Candidates For Social Security Assistant & …

भारतीय कृषी विमा कंपनी अंतर्गत मॅनेजमेंट ट्रेनी पदांची भरती

Agriculture Insurance Company of India Limited Invites Application From 40 Eligible Candidates For Management Trainee …