लोकप्रिय अभिनेत्रीचे निधन; दोन वेळा पॅरालिसिसचा झटका; परिस्थितीशी झगडत गमावला जीव

मुंबई: इश्कबाज’ आणि ‘कुबूल है’ या एकेकाळी विशेष लोकप्रिय ठरलेल्या शोमधील अभिनेत्री निशी सिंग भादली (Nishi Singh Bhadli Death) यांचे रविवारी निधन झाले. अभिनेत्री गेल्या चार वर्षांपासून गंभीर आजाराशी झुंज देत होत्या. गेल्या वर्षभरातच त्यांना दोनदा पॅरालिसिसचा झटका आलेला. निशी सिंग भादली यांचे वय अवघे ४८ वर्षे होते. दोनच दिवसांपूर्वी १६ सप्टेंबरला अभिनेत्रीनेही वाढदिवसही साजरा केला. निशी यानी ‘तेनाली रामा’ या मालिकेतही महत्त्वाची भूमिका केली होती.

निशी जेव्हा आजाराशी झुंज देत होत्या, तेव्हा त्यांची आर्थिक परिस्थितीही अतिशय बिकट होती. दोन वर्षांपूर्वी त्यांच्या पतीने आजारपणाचा खर्च भागवण्यासाठी लोकांची मदतही मागितली होती. त्यांचे पती संजय सिंग भादली यांनी या वृत्ताची पुष्टी केली.

हे वाचा-विवाहित सुपरस्टारच्या प्रेमात वेड्या होत्या टीना मुनीम; ब्रेकअप करताना दिलं खास गिफ्ट

नवभारत टाइम्स ऑनलाइनशी बोलताना त्यांच्या पतीने असे म्हटले , ‘निशी चार वर्षांपासून आजारी होत्या. १३ फेब्रुवारी २०१९ रोजी त्यांना अर्धांगवायूचा पहिला झटका आला. यानंतर ३ फेब्रुवारी २०२२ रोजी दुसरा झटका आला. त्यानंतर २४ मे २०२२ रोजी तिसऱ्यांदा त्यांना अर्धांगवायूचा झटका आलेला. तेव्हापासून त्या रुग्णालयात दाखल होत्या. त्यानंतर २ सप्टेंबर रोजी त्यांना रुग्णालयातून डिस्चार्ज देण्यात आलेला. त्यानंतर सर्वकाही खूप छान चाललं होतं.’

त्यांचे पती पुढे सांगतात की, ‘शनिवारी सायंकाळी उशिरा त्यांची प्रकृती अचानक बिघडली. त्यानंतर रात्री एक वाजण्याच्या सुमारास आम्ही त्यांना कूपर रुग्णालयात नेले. तिला यापूर्वीही तिथे दाखल करण्यात आले होते. रविवारी दुपारी ३ वाजता त्यांनी अखेरचा श्वास घेतला.’ संजय यांनी पुढे सांगितले की, त्यांच्यावर सोमवारी अंत्यसंस्कार करण्यात येणार आहेत.

हे वाचा-अलीच्या मुलांना दिला जायचा त्रास; लेकीनं घटना सांगताच त्याला शोमध्ये कोसळलं रडू

आर्थिक परिस्थितीही बिकट

या काळात अभिनेत्रीची शारीरिक आणि आर्थिक अस्वस्था बिकट होती. काही वर्षांपूर्वी त्यांचे पती अभिनेते आणि लेखक संजय यांनीही निशी यांच्या उपचारासाठी मदतीची याचना केली होती. जेव्हा निशी यांना पहिला अर्धांगवायूचा झटका आलेला तेव्हा त्यानंतर त्यांनी या आजारातून सावरण्याचा प्रयत्न केला, मात्र त्यांना पुन्हा अर्धांगवायूचा झटका आला. या सर्व प्रकारानंतर त्यांची प्रकृती वाईट होत गेली.