पंतप्रधान नरेंद्र मोदी यांची अशी असते दिनचर्या, 72 व्या वर्षी थक्क करणारा उत्साह

​मोदी योगाचे समर्थक

पीएम मोदी हे योगाचे समर्थक आहेत. ही बाब आता जगासमोर स्पष्ट झाली आहे. योग केवळ शारीरिकच नाही तर मानसिक आरोग्यासाठीही खूप महत्त्वाचा आहे. पंतप्रधान मोदी आपल्या दिवसाची सुरुवात मॉर्निंग वॉक आणि ध्यानाने करतात. यासोबतच योगासन, प्राणायाम आणि सूर्यनमस्कार हे त्याच्या दिनचर्येचा भाग आहेत. जे त्यांच्या फिटनेस आणि एनर्जीचे सर्वात मोठे रहस्य आहे.

​काय आहे नरेंद्र मोदीचा डाएट

नरेंद्र मोदी पंतप्रधान झाल्यापासून त्यांच्या आहाराची खूप चर्चा झाली. पीएम मोदी जेवणाबाबत खूप शिस्तीचे आहेत. महत्वाचं म्हणजे पंतप्रधान मोदी मसालेदार पदार्थांपासून दूर राहतात. गुजराती जेवण आणि खिचडी हा नरेंद्र मोदी यांचा आवडता पदार्थ आहे. यासोबतच रोजच्या आहारात दह्याचा समावेश होतो.

प्रसिद्ध झालेल्या बातमीनुसार, पीएम मोदींनी एका मुलाखतीत सांगितले की, ते त्यांच्या आहारात हिमाचल प्रदेशातील पराठे आणि मशरूमचाही समावेश करतात. हिमाचल प्रदेशातील मशरूममध्ये भरपूर गुणवत्ता आहे. त्यामुळे पीएम मोदी आपल्या आहारात याचा समावेश करतात. तसेच प्रंतप्रधान मोदी यांना हिमालयातील बेडू हे फळ देखील अतिशय आवडतं.

​पंतप्रधान नरेंद्र मोदींचा दिनक्रम

अभिनेता अक्षय कुमारच्या एका मुलाखतीत पंतप्रधान नरेंद्र मोदींनी एकदा सांगितले होते की, ते रात्री जवळ 3.5 तासांपेक्षा जास्त झोपत नाहीत. महत्वाचं म्हणजे त्यांच्या शरीराला याची सवय झाली आहे. महत्वाचे म्हणजे, पंतप्रधान नरेंद्र मोदी दररोज सकाळी 5 वाजता उठतात. त्यांच्या दिवसाची सुरुवात किमान 30 मिनिटे ते 45 मिनिटे योगासने करून होते. तसेच ते या दरम्यान ध्यानधारणा करतात. एवढ्या सकाळी उठून 9 च्या आधी मोदी यांचा नाश्ता पूर्ण होतो.

पंतप्रधान मोदींचा व्हिडीओ

​रिफ्लेक्सोलॉजी फुटपाथवर चालणे

पंतप्रधान नरेंद्र मोदी यांच्या फिटनेस शेड्युलमध्ये रिफ्लेक्सोलॉजी रोड (रिफ्लेक्सोलॉजी फूटपाथ) वर चालणे देखील समाविष्ट आहे. मोदींनी एक व्हिडिओ शेअर केला होता ज्यामध्ये ते रिफ्लेक्सोलॉजी फूटपाथवर अनवाणी चालताना दिसत होते. लोकांसाठी, रिफ्लेक्सोलॉजी फूटपाथची रचना वैज्ञानिक पद्धतीने अशा प्रकारे केली आहे की, ज्यामुळे पायांच्या तळव्यावरील एक्यूप्रेशर पॉइंट्सवर प्रेशर येते. यामुळे रक्तदाब कमी करणे, तणाव कमी करणे, उत्तेजित रिफ्लेक्स पॉइंट्स आणि महत्वाची उर्जा यासह अनेक आरोग्य फायदे होतात.

​मोदींचा आहार आणि घरगुती उपाय

पंतप्रधान नरेंद्र मोदी यांचा शाकाहारी आहार आहे. पंतप्रधानांनी एकदा एका मुलाखतीत खुलासा केला होता की जेव्हा जेव्हा त्यांना सर्दी होते तेव्हा ते दोन दिवस उपवास करतात, थंड पाण्याऐवजी कोमट पाणी पितात आणि मोहरीच्या तेलाचे काही थेंब गरम करून रात्री नाकात घालतात. या गोष्टी त्याला थंडीपासून बरे होण्यास मदत करतात.