नव्या वर्षाचे हे 3 हेल्थ रिझोल्यूशन कधीच पूर्ण होणार नाहीत, ऋजुता दिवेकरने सांगितली यामागची कारणे

​मी ठराविक गोष्ट पूर्णपणे बंद करेन

मी पूर्णपणे बंद करेन… अशा पद्धतीचा संकल्प अजिबातच करू नका. म्हणजे मी पूर्णपणे भात बंद करेन किंवा मी पूर्णपणे साखर बंद करेन. कारण तुम्ही जो संकल्प केलाय जो अगदी तुमच्या कालच्या वागणुकीपेक्षा वेगळा आहे. त्यामुळे असा टोकाचा निर्णय किंवा संकल्प करू नका. कोणतीही गोष्ट पूर्णपणे बंद करण्यापेक्षा ती हळूहळू स्विकारण्याचा प्रयत्न करा. जसे की, बाहेरचे अन्न टाळून पूर्णपणे घरचा हेल्दी आहार सुरू करा.

(वाचा – ऋजुता दिवेकरने सांगितले 5 एनर्जी बूस्टर फूड, इम्युनिटी पॉवरसाठी सगळ्यात बेस्ट)

मी दररोज व्यायाम करेन

मी दररोज व्यायाम करेन किंवा चालायला जाईन… हा विचारच सद्यस्थितीला धरून नसेल तर तो कसा पूर्ण होईल. जर तुमचं शेड्युल अतिशय कामांनी व्यस्त असेल तर तुम्ही वर्कआऊट आणि व्यायाम कसा करू शकाल. तुम्हालाही माहित आहे की, हे शक्य नाही. अशावेळी तुम्ही तुमच्या आठवड्याच शेड्युल करायला हवा. आठवड्यातून तीन दिवस तुम्ही वर्कआऊटला द्या. कधी तरी फक्त चाला. पण तुम्ही हट्ट केलात तर ते अजिबातच होणार नाही.

(वाचा – मुंबईतील गृहिणीने अगदी घरगुती जेवणाच्या मदतीने ५ महिन्यात तब्बल ४० किलो वजन केलं कमी)

ऋजुता दिवेकरने सांगितल्या टिप्स

​वेट लॉस सेट करू नका..

वजन कमी करणे हा काही सट्टा बाजार नाही. त्यामुळे आकड्यांच्या मागे न लागता सुदृढ आरोग्याकडे लक्ष द्या. पूर्णपणे आहार टाळून वजन कमी करणे हा काही पर्याय नाही. अशावेळी वजन कमी करताना एक एक टप्पा गाठत जा. २० ते २५ किलो वजन कमी करण्याचा आकडा गाठण्याचा अट्टाहास करू नका. मेहनत, परिश्रमचंचचा हट्ट ठेवा पण वजन कमी करण्याचा नको. सातत्य ठेवणे महत्वाचं आहे.

(वाचा – Winter Food For Weight Loss: जिमला न जाता अगदी घरबसल्या खा हे ५ पदार्थ, वजनात आपोआप दिसेल फरक))