नागा चैतन्य आणि सामंथाच्या घटस्फोटाबद्दल अखेर नागार्जुन बोललेच, ‘जे झालं त्याबद्दल…’

मुंबई : सुप्रसिद्ध अभिनेता नागा चैतन्य (Naga Chetanya) आणि अभिनेत्री सामंथा रुथ प्रभू (Samantha Ruth Prabhu) यांनी एकमेकांपासून विभक्त होत असल्याचं जाहीर केलं. त्यानंतर दोघांनीही आपापली आयुष्य स्वतंत्रपणं जगायला सुरुवात केली. या दोघांनी विभक्त होण्याच्या निर्णयाबद्दल नागाचे वडील आणि ज्येष्ठ अभिनेते नागार्जुन यांना विचारलं असता त्यांनी प्रतिक्रिया व्यक्त केली आहे.

या अभिनेत्रींनी सलमान खानसोबत काम करायला दिला स्पष्ट नकार

एका संकेतस्थळाला नागार्जुन यांनी दिलेल्या मुलाखतीमध्ये या दोघांच्या घटस्फोटाबद्दल प्रश्न विचारण्यात आला. त्याचं उत्तर देताना नागार्जुन यांनी सांगितलं की, ‘जे काही झालं ते अत्यंत दुर्देवी होतं आणि ते आता बदलता येणार नाही. जे काही झालं ते आम्ही विसरायचा प्रयत्न करत आहोत. आयुष्यातील काही गोष्टी आपल्या हाताबाहेर असतातत. आता आम्ही सर्वजण ही गोष्ट मागे सोडून पुढं जात आहोत. मला अपेक्षा आहे की बाकी सर्व लोकदेखील ही गोष्ट विसरून जातील.’

सामंथा रुथ प्रभू आणि नागा चैतन्य यांनी अनेक सिनेमांत एकत्र काम केलं आहे. या दोघांनी २००७ मध्ये एकमेकांशी लग्न केलं. दोघांमध्ये काही वर्षे आलबेल होतं. परंतु कालांतरानं दोघांच्या नात्यामध्ये तणाव येऊ लागला. त्यानंतर २०२१ मध्ये त्यांनी सोशल मीडियावरून एकमेकांपासून ते विभक्त होत असल्याचं जाहीर केलं. यामुळे दोघांच्या चाहत्यांना मोठा धक्का बसला होता.

असं कुठं असतंय व्हय…नव्यानं सुरू झालेल्या मराठी मालिकेला प्रेक्षकांनी केलं ट्रोल

घटस्फोटानंतर काही दिवसांनी सामंथानं लग्नात नेसलेली साडी नागा चैतन्यला परत दिल्याची बातमी आली होती. दरम्यान, घटस्फोटानंतर दोघांनीही नव्यानं आयुष्य जगायला सुरुवात केली आहे. इतकंच नाही तर नागा चैतन्य हा अभिनेत्री शोभिता धूलिपाला डेट करत असल्याच्या बातम्या आल्या आहेत. अनेक कार्यक्रमांमध्ये दोघंजण एकत्र दिसतात. लवकरच हे दोघंजण लग्न करणार असल्याचंही सांगितलं जात आहे. नागा आणि शोभितानं ‘मेजर’ सिनेमात एकत्र काम केलं. मात्र दोघांनीही त्यांच्या नात्याची कबुली दिलेली नाही.

नागाच्या रिलेशनबद्दल सामंथा अफवा पसरवत असल्याचा तिच्यावर आरोप करण्यात आला होता. सामंथानं तिच्यावर झालेल्या या आरोपांबद्दल एक प्रदीर्घ पोस्ट सोशल मीडियावर शेअर केली होती. त्यात तिनं लिहिलं होतं की, ‘मुलीच्या संदर्भातील अफवा कदाचित खरी असू शकेल. मुलासंदर्भात अफवा मुलीनं पसरवल्या असतील. मोठे व्हा. आता आपण आयुष्यात पुढं गेलो आहोत. तुम्हीदेखील आता आयुष्यात पुढं व्हा. स्वतःच्या कुटुंबानर आणि कामावर लक्ष द्या.’

करण जोहरच्या कॉफी विथ करण कार्यक्रमात सामंथा पाहुणी म्हणून सहभागी झाली होती. तिथंही नागाबरोबरच्या नात्यावर ती खुलेपणानं बोलली नाही. सामंथानं पुष्पा सिनेमात आयटम साँग केल्यामुळे ती खूपच चर्चेत आली आहे. लवकरच ती बॉलिवूडमध्ये पदार्पण करणार आहे.