लाल सिंग चड्ढानंतर ‘पठाण’ बॉयकॉट करण्याची केलेली मागणी; योगी आदित्यनाथ यांच्या गुरुबंधूंना जीवे मारण्याची धमकी

मुंबई: अभिनेता आमिर खानचा ‘लाल सिंग चड्ढा’ (Aamir Khan’s Laal Singh Chaddha) ११ ऑगस्ट रोजी प्रदर्शित झाला. मात्र सिनेमा रिलीज होण्यापूर्वची या सिनेमावर बहिष्कार टाकण्याची आणि देशभरात सिनेमाचे प्रदर्शन थांबवण्याची मागणी केलीजात होती. असे असूनही सिनेमा प्रदर्शित झाला आहे. आता शाहरुख खानचा आगामी सिनेमा प्रेक्षकांच्या निशाण्यावर आहे.

शाहरुख खानच्या आगामी ‘पठाण’ (Appeal to Boycott Shah Rukh Khan’s Pathan) या चित्रपटावर बहिष्कार टाकण्याबाबत सोशल मीडियावर पोस्ट शेअर केल्या जात आहे. शाहरुखच्या या चित्रपटावर बहिष्कार घालण्याची मागणी करणाऱ्यांमध्ये गुजरातच्या कच्छ साधू समाजाचे अध्यक्ष साधू देवनाथ यांचाही समावेश होता. साधू देवनाथ यांची दुसरी ओळख म्हणजे ते उत्तर प्रदेशचे मुख्यमंत्री योगी आदित्यनाथ यांचे गुरुबंधू आहेत. ज्या सनातनींनी या सिनेमावर बहिष्कार घालण्याची मागणी केली आहे, त्यापैकी एक साधू देवनाथ आहे. मात्र आता त्यांच्या या मागणीमुळे त्यांना जीवे मारण्याची धमकी मिळाल्याचा आरोप साधू देवनाथ यांनी केला आहे.

हे वाचा-आलियाच्या ‘डार्लिंग्ज’पेक्षा चर्चा शेफाली शाहच्या किसिंग सीनची; अभिनेत्रीही झाली शॉक

मुंडकं छाटलेल्या अवस्थेत व्हायरल केला जातोय फोटो- साधू देवनाथ

स्थानिक माध्यमांशी बोलताना साधू देवनाथ यांनी या धमकीविषयी माहिती दिली आहे. त्यांनी अशी प्रतिक्रिया दिली आहे की, ‘कोणत्या तरी सलीम अली नावाच्या व्यक्तीने माझे शिरच्छेद केलेल्या स्थितीतील पोस्टर ट्विटरवर शेअर केले आहे. तो शाहरुख खानच्या पीआर टीममधील आहे. ही प्रतिक्रिया गुरुवारी मी केलेल्या ट्वीटनंतर आली आहे, ज्यात मी सनातनींना आमिर खानच्या लाल सिंग चड्ढा या चित्रपटाप्रमाणे शाहरुखच्या ‘पठाण’ या नवीन चित्रपटावर बहिष्कार टाकण्याचे आवाहन केले होते.’

हे वाचा-नागा चैतन्य कारमध्ये गर्लफ्रेंडसह करत होता मेकआउट, अचानक पोलिसांनी पकडलं आणि…

‘मी चित्रपटांच्या विरोधात नाही’

‘लाल सिंग चड्ढा’ आणि ‘पठाण’वर बहिष्कार टाकण्याची मागणी करणाऱ्या साधू देवनाथ यांचे म्हणणे आहे की, ‘मी कोणत्याही चित्रपटाच्या विरोधात नाही, तर त्या कलाकारांच्या विरोधात आहे जे भारतीय फॅन फॉलोअर्सच्या जीवावर जगतात आणि आपल्या देशालाच शिव्या देतात.’