KBC 14 : अमिताभ बच्चन यांची ‘नोकरी’ धोक्यात आणणारी रजनी मिश्रा आहे तरी कोण?

मुंबई : कौन बनेगा करोडपती १४ शोची लोकप्रियता प्रचंड आहे. अनेक वर्ष या शोनं प्रेक्षकांच्या मनावर राज्य केलं. आताच्या एपिसोडमध्ये पश्चिम बंगालच्या दुर्गापूरची रजनी मिश्रा आली आहे. पण हाॅट सीटवर बसण्याआधी ती इतकी रडली की अमिताभ बच्चन यांना टिश्यू पेपर घेऊन उभं राहावं लागलं. रजनीनं बीएड केलंय आणि या शोमध्ये आल्यावर ती भारावून गेली खरी. पण ७५ लाख रुपयांच्या प्रश्नाचं उत्तर काही देऊ शकली नाही.

रजनी मिश्रानं पहिला टप्पा पार केला. ३ लाख २० हजाराच्या प्रश्नापर्यंत तिनं एकही लाइफ लाइन वापरली नाही. नंतर दुसऱ्या टप्प्यात तिला ५०-५० चा वापर करावा लागला. रजनीनं ६ लाख ४० हजार आणि १२ लाख ५० हजाराच्या प्रश्नाचं उत्तर इतकं जलद दिलं की बी पण हैराण झाले. त्यानंतर रजनीनं २५ लाख रुपयांचंही उत्तर दिलं. अमिताभ बच्चन खरोखर प्रभावित झाले, तिची हुशारी पाहून.

निरोप घेतो आता आम्हा आज्ञा असावी… बाप्पाच्या चरणी मराठमोळ्या कलाकारांचं साकडं

अमिताभ बच्चन म्हणाले, माझी नोकरी धोक्यात
बिग बी गमतीत रजनीला म्हणतात, तुमचा आवाका पाहून मलाच असुरक्षित वाटू लागलंय. ते म्हणाले, ‘तुमच्याकडे इतकी माहिती आहे की माझी नोकरी धोक्यात आली आहे.’ हे ऐकल्यावर सगळे हसायला लागले.

रजनी मिश्रा देऊ शकली नाही ७५ लाख रुपयांचं उत्तर
रजनीची फास्ट गाडी इथे थांबली. तिनं शेवटची लाइफ लाइन वापरली. एका फ्रेंडला व्हिडिओ काॅल केला. पण तिला मदत मिळू शकली नाही. मग तिनं गेममधून क्विट होण्याचा निर्णय घेतला. तिचं उत्तरही चुकणारच होतं. ती ५० लाख रुपये घेऊन गेली.

नवा गडी नवं राज्य : गर्दीत हरवलेली आनंदी सापडली, राघव-चिंगीचं वागणं पाहून रमाला

कोण आहे रजनी मिश्रा?
रजनी मिश्रा पश्चिम बंगालमध्ये दुर्गापूर इथे राहते. तिचं वय ३० वर्ष आहे. तिनं बीएड केलंय. आता पीएचडीचा अभ्यास करतेय. १७ वर्षांची असताना लग्न केलं. पती आणि सासरचा तिला पाठिंबा आहे.