मुंबई इंडियन्समध्ये झाला मोठा बदल, महेला जयवर्धनेची जागा घेणार हा माजी खेळाडू

मुंबई: साऊथ आफ्रिकेमध्ये २०२२-२३ मध्ये प्रथमच ‘SA20’ या टी २० टुर्नामेंटचं आयोजन करण्यात येणार आहे. या स्पर्धेचे हे पहिलेच वर्ष असून ऑगस्ट २०२२ मध्ये या लीगला SA20 हे नाव देण्यात आले. या टुर्नामेंटमध्ये ६ विविध संघ एकमेकांशी भिडणार आहेत. या संघांमध्ये इंडियन प्रिमियर लीगमधील मुंबई इंडियन्सचा एमआय केपटाऊन संघ देखील आहे. एमआय केपटाऊन संघाने आज १९ सप्टेंबर रोजी केपटाऊनमध्ये सुरू होणाऱ्या एस ए २० लीगमधील खेळाडूंच्या लिलावापूर्वी आपल्या प्रशिक्षक संघाची घोषणा केली.

आयपीएलमध्ये मुंबई इंडियन्सचे मुख्य प्रशिक्षक म्हणून महेला जयवर्धनेकडून पदभार स्वीकारण्यासाठी मार्क बाउचर आघाडीवर असल्याहे वृत्त होते. मंगळवारी, ESPNcricinfo ने वृत्त दिले होते की, बाउचर एसए२० लीगमध्ये एमआय केपटाऊन येथे मुख्य प्रशिक्षक म्हणून कार्यभार स्वीकारतील, परंतु नवीन अपडेटनुसार सायमन कॅटिच हे पद स्वीकारतील.

टी-२० वर्ल्डकपमधला भारताचा सर्वात मोठा गेमचेंजर कोण? मुंबई इंडियन्सच्या खेळाडूंमध्येच चुरस

गुरुवारी प्रसारमाध्यमांच्या निवेदनात, मुंबई इंडियन्स गटाने कॅटिचच्या नियुक्तीची पुष्टी केली आणि म्हटले की त्याला फलंदाजी प्रशिक्षक म्हणून हाशिम आमला मदत करतील, तर रॉबिन पीटरसन संघाचे महाव्यवस्थापक असतील. जेम्स पॅमेंट क्षेत्ररक्षण प्रशिक्षक म्हणून कायम राहतील.

कॅटिच हा टी-२० फ्रँचायझी सर्किटवर सर्वात जास्त मागणी असलेल्या प्रशिक्षकांपैकी एक आहे. त्याने अनेक आयपीएल फ्रँचायझींमध्ये प्रशिक्षक म्हणून काम केले आहे: कोलकाता नाईट रायडर्समध्ये जॅक कॅलिसचा सहाय्यक होण्यापासून ते रॉयल चॅलेंजर्स बंगळुरूचे मुख्य प्रशिक्षक, तसेच सनरायझर्स हैदराबाद येथे सहाय्यक प्रशिक्षक म्हणून दोन महिने काम केले आहे, या वर्षाच्या सुरुवातीला त्याने अचानक पद सोडले. अगदी अलीकडे, मॅन्चेस्टर ओरिजिनल्स पुरुषांच्या हंड्रेडमध्ये अंतिम फेरीत पोहोचले, तेव्हा कॅटिच मुख्य प्रशिक्षक होता.

हा सुधारणार नाही! आशिया कपनंतर पाक खेळाडूनं पुन्हा केली मारामारी, VIDEO व्हायरल

रिलायन्स जिओ इन्फोकॉमचे अध्यक्ष आकाश अंबानी म्हणाले, “एमआय केप टाउन कोचिंग टीममध्ये सायमन आणि हाशिम यांचे स्वागत करताना मला आनंद होत आहे. जेम्स आणि रॉबिन सोबत, आम्ही दक्षिण आफ्रिकेत क्रिकेटचा एमआय ब्रँड वाढवू आणि या क्रिकेटप्रेमी देशात एमआयची मूल्ये आणि नैतिकता रुजवू.”

ऑगस्टमध्ये, एमआय केप टाउन हा पहिला एसए२० मधील संघ आहे, ज्यांनी लिलावापूर्वी त्यांच्या पाच थेट निवडलेल्या खेळाडूंची घोषणा केली: राशिद खान, लियाम लिव्हिंगस्टोन, सॅम कुरन, कागिसो रबाडा आणि डेवाल्ड ब्रेव्हिस, जे आयपीएलमध्ये फ्रँचायझीसाठी देखील खेळतात. एसए२० खेळाडूंचा लिलाव १९ सप्टेंबर रोजी केपटाऊनमध्ये होणार आहे.