सलमानच्या कार वेगचा किती? पळून जाऊ लागला तर? बिश्नोई गँगनं आखला होता हत्येचा फूलप्रूफ प्लॅन

मुंबई– सिद्धू मूसेवाला हत्येप्रकरणी नुकतीच पंजाब पोलिसांनी एक पत्रकार परिषद घेतली. यात त्यांनी अनेक खुलासे केले. लॉरेन्स बिश्नोई टोळी सलमान खानवर दुसऱ्यांदा हल्ला करणार होती असं त्यांनी पत्रकार परिषदेत सांगितलं. धक्कादायक बाब म्हणजे मूसेवालाची हत्या करण्यापूर्वीच त्यांचा हा प्लॅन बी तयार होता. याचा अर्थ मूसेवाला आणि सलमान यांच्या हत्येचं प्लॅनिंग ते एकत्रच करत होते.

सलमानला फार्महाउसवर मारण्याचं केलेलं प्लॅनिंग, बिश्नोईच्या प्लॅन बीचा खुलासा

या प्लॅनची मुख्य जबाबदारी गोल्डी ब्रार या कुख्यात गुंडाने घेतली होती. गोल्डीसोबत कपिल पंडितही (लॉरेन्स बिश्नोई टोळीचा शूटर) होता. कपिलला नुकतीच भारत-नेपाळ सीमेवरून अटक करण्यात आली होती. अटक करण्यात आलेल्यांपैकी कपिल पंडित, संतोष जाधव, दीपक मुंडी आणि अन्य दोन नेमबाज मुंबईतील वाजे परिसरात पनवेल येथे भाड्याच्या घरात राहण्यासाठी गेले होते. तिथे राहूनच ते पनवेल येथील सलमानच्या फार्महाउसची माहिती गोळा करत होते.

काय गोळा केली माहिती-

हे तर साऱ्यांनाच माहीत आहे की, सलमानसोबत त्याचा अंगरक्षक शेरा सावलीसारखा असतो. सलमान कुठेही गेला आणि तिथे शेरा नसेल असं कधीच होत नाही. पण फार कमी लोकांना माहीत आहे की, जेव्हापासून हिट अँड रन प्रकरणात सलमानचे नाव आले तेव्हपासून सलमानची गाडी नेहमीच कमी स्पीडमध्ये चालते. नेमकी ही गोष्ट शूटर्सना माहीत होती. याशिवाय सलमानच्या फार्महाउसकडे जाणाऱ्या रस्त्याचीही त्यांनी पाहणी करून ठेवली होती.

प्रियांकाने का दिला शशांकशी लग्नाला होकार? मान्य केलेली प्रत्येक मुलीला आवडेल अशी अट

जर त्या रस्त्यावर खूप खड्डे असतील तर फार्म हाऊसपर्यंत सलमानच्या गाडीचा वेग ताशी २५ किलोमीटर इतकाच असेल, असा अंदाज त्यांनी व्यक्त केला होता. लॉरेन्स बिश्नोईचे शूटर पनवेल येथील ज्या घरात राहत होते तिथे त्यांच्यासोबत सलमानवर हल्ला करण्यासाठी वापरण्यात येणारी छोटी शस्त्रं, पिस्तुलं आणि काडतुसंही होती.

शूटर्सना सलमानच्या हालचालींची जास्तीत जास्त माहिती हवी होती, यासाठीच त्यांनी पनवेल फार्महाउसची निवड केली. सलमान त्याच्या फावल्या वेळेत इतर कुठेही न जाता फार्महाउसवर वेळ घालवणं पसतं करतो हे तर साऱ्यांनाच माहीत आहे. नेमकी हीच गोष्ट बिश्नोई टोळीने हेरली होती. या रेकीदरम्यान दोनदा सलमान फार्महाऊसवर गेलाही होता, पण लॉरेन्स बिश्नोईच्या नेमबाजांचा हल्ला चुकला होता. यानंतर काही दिवसांनी पंजाबी गायक सिद्धू मूसेवालाची हत्या करण्यात आली. या हत्येची जबाबदारी नंतर याच टोळीने स्वीकारली होती.