ITI Admission: ‘आयटीआय’ प्रवेशासाठी चार फेऱ्या

म. टा. प्रतिनिधी, औरंगाबाद

औद्योगिक प्रशिक्षण संस्थांमधील (Industrial Training Institute, ITI) अभ्यासक्रमांसाठीच्या प्रवेश प्रक्रियेत प्रवेश फेऱ्यांचे वेळापत्रक मंगळवारी व्यवसाय शिक्षण व प्रशिक्षण संचालनालयाने जाहीर केले. ऑनलाइन अर्ज, दुरूस्ती, अर्ज निश्चितीसाठी २३ जुलैपर्यंत मुदत देण्यात आली आहे. यंदा प्रवेशाच्या चार फेरी असणार आहेत. २८ जुलैला गुणवत्ता यादी जाहीर होईल व पहिल्या प्रवेश फेरीला २९ जुलैपासून सुरुवात होणार असून हा टप्पा पाच सप्टेंबरपर्यंत चालणार आहे.

संचालनालयातर्फे राज्यातील शासकीय, खासगी आयटीआयमधील विविध अभ्यासक्रमांच्या प्रवेशासाठीची प्रक्रिया सुरू आहे. १७ जूनपासून ऑनलाइन नोंदणीसह कागदपत्र छाननी, अर्जातील दुरूस्ती, अर्ज निश्चितीची प्रक्रिया सुरू आहे. दहावी बोर्डाचा निकाल जाहीर होऊन महिना होत आला तरी पुढील प्रवेशाचे वेळापत्रक जाहीर झालेल नव्हते. या प्रक्रियेच्या वेळापत्रकाकडे विद्यार्थी, पालकांचे लक्ष होते. संचालनालयाने सविस्तर वेळापत्रक जाहीर केले.

आयटीआयमधील विविध अभ्यासक्रमाला विद्यार्थ्यांचा कल अधिक असतो. करोनामुळे मागील दोन वर्षे प्रक्रिया लांबली, यंदा प्रक्रिया दहावीच्या निकालाच्या दिवशी सुरू झाली, परंतु प्रवेश फेऱ्यांचे वेळापत्रक महिनाभर लांबले होते. अखेर पुढील वेळापत्रक जाहीर झाल्याने प्रक्रियेला गती येईल असे सांगण्यात येते. प्रवेश प्रक्रियेत २३ जुलै विद्यार्थ्यांना ऑनलाइन अर्ज भरता येणार आहेत.

अर्ज निश्चितीनंतर प्रथम फेरीसाठी व्यवसाय व संस्थानिहाय विकल्प व प्राधान्य २२ ते २३ जुलै दरम्यान ऑनलाइन नोंदवावे लागतील. त्यानंतर प्रथम गुणवत्ता यादी प्रसिद्ध होणार आहे. विद्यार्थ्यांना दोन दिवस तात्पुरत्या गुणवत्ता यादीतील हरकती नोंदविण्यासाठी देण्यात आले आहेत. २८ जुलैला अंतिम गुणवत्ता यादी प्रसिद्ध करण्यात येणार आहे. त्यानंतर निवड यादी व प्रत्यक्ष प्रवेश फेरीला २९ जुलैपासून सुरुवात होणार आहे. प्रवेशाच्या चार फेरीनंतर संस्थास्तरावरील समुपदेशन फेरी होणार आहे. प्रवेशाची संपूर्ण प्रक्रिया सप्टेंबरच्या पहिल्या आठवड्यापर्यंत चालणार आहे.

असे आहे वेळापत्रक
ऑनलाइन अर्ज नोंदणी, निश्चिती २३ जुलैपर्यंत पहिल्या फेरीसाठी विकल्प, प्राधान्य २४ जुलैपर्यंत
तात्पुरती गुणवत्ता यादी २५ जुलै, सकाळी ११ वा. यादीवरील आक्षेप, हरकती २५ व २६ जुलै अंतिम गुणवत्ता यादी २८ जुलै सायं. ५ वा.
पहिली प्रवेशफेरी निवड यादी २९ जुलै सायं. ५ वा.
निवड यादीतील प्रत्यक्ष प्रवेश ३० जुलै ते ३ ऑगस्ट
दुसरी प्रवेश फेरी विकल्प व प्राधान्य ३० जुलै ते ३ ऑगस्ट दुसऱ्या फेरीची निवड यादी ६ ऑगस्ट सायं. ५ वा. दुसऱ्या फेरीतील पात्र विद्यार्थ्यांना प्रवेश ८ ते १२ ऑगस्ट तिसऱ्या फेरीसाठी विकल्प व प्राधान्य ८ ते १२ ऑगस्ट तिसऱ्या फेरीची निवड यादी जाहीर १६ ऑगस्ट सायं. ५ वा.
तिसरी फेरी पात्र विद्यार्थ्यांना प्रवेश १७ ते २० ऑगस्ट चौथ्या फेरीसाठी विकल्प व प्राधान्य सादर करणे १७ ते २० ऑगस्ट
चौथी फेरी निवड यादी २३ ऑगस्ट सायं. ५ वा.
नव्याने ऑनलाइन अर्ज करणे १ ऑगस्ट ते २७ ऑगस्ट संस्थास्तरीय समुपदेशन फेरीची सुरुवात २९ ऑगस्टपासून
प्रवेश प्रक्रियेचे सविस्तर वेळापत्रक जाहीर करण्यात आले.

पुणे महापालिकेत ४४८ जागांसाठी नोकरभरती; कधी व कसा करता येणार अर्ज, जाणून घ्या
UGCकडून बनावट विद्यापीठांची यादी जाहीर, विद्यार्थ्यांनी प्रवेश घेण्याआधी नक्की पाहा
यंदाही प्रवेशाच्यासाठी चार फेऱ्या आहेत. त्यानंतर समुपदेशन फेरी आहे. काही कारनाने ऑनलाइन नोंदणी केली नसेल, तर अशांना नवीन नोंदणीची संधीही देण्यात येते. करोनानंतर यंदा कागदपत्रांची पडताळणी, अर्ज निश्चितीची प्रक्रिया आयटीआय संस्थेमध्ये होत असल्याने प्रक्रियेतील त्रुटी कमी होतील अशी प्रतिक्रिया औरंगाबाद विभागाचे प्रवेश प्रक्रिया समन्वयक, निरीक्षक देविदास राठोड यांनी दिली.

MHT CET 2022: प्रवेश परीक्षांची हॉल तिकिटे २३ जुलैपासून