दहावी, बारावीच्या पुरवणी परीक्षांसदर्भात महत्वाची अपडेट

SSC HSC supplementary Exam: महाराष्ट्र शिक्षण बोर्डाकडून जुलै-ऑगस्ट २०२२ माध्यमिक शालान्त प्रमाणपत्र म्हणजेच इयत्ता दहावी आणि उच्च माध्यमिक प्रमाणपत्र म्हणजेच इयत्ता बारावीच्या पुरवणी परीक्षा वेळापत्रकाबाबत महत्वाचे अपडेट देण्यात आले आहे. जुलै- ऑगस्ट २०२२ मध्ये महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळामार्फत घेण्यात येणाऱ्या दहावी आणि बारावी परीक्षेची लेखी परीक्षेचे वेळापत्रक जाहीर करण्यात आले आहे.

इयत्ता बारावी सर्वसाधारण आणि व्दिलक्षी विषयांची लेखी परीक्षा २१ जुलै ते १२ ऑगस्ट या कालावधीत होणार आहे. तर बारावी व्यवसाय अभ्यासक्रमांची परीक्षा २१ जुलै ते ८ ऑगस्ट या कालावधीत होणार आहे.

दहावीची पुरवणी परीक्षा २७ जुलै ते १२ ऑगस्ट या कालावधीत होणार आहे.

SSC Result 2022: दहावीत मिळालेल्या गुणांवर नाखूश आहात? टेन्शन नका घेऊ, पुढे काय करायचं ते आत्ताच जाणून घ्या
दहावीची प्रात्यक्षिक, श्रेणी, तोंडी आणि अंतर्गत मूल्यमापन परीक्षा २६ जुलै २०२२ ते ८ ऑगस्ट २०२२ या कालावधीत होणार आहे.

बारावीची प्रात्यक्षिक, श्रेणी, तोंडी व अंतर्गत मूल्यमापन परीक्षा २० जुलै, २०२२ ते ८ ऑगस्ट २०२२ या कालावधीत आयोजित करण्यात येणार आहे.

MH SSC Result 2022: दहावीच्या विद्यार्थ्यांना गुणपत्रिका कधी मिळणार? जाणून घ्या तपशील
या कालावधीमध्ये होणाऱ्या परीक्षांचे सविस्तर वेळापत्रक मंडळाची अधिकृत वेबसाइट www.mahahsscboard.in वर जाहीर करण्यात आले आहे.
ही वेळापत्रकाची सुविधा केवळ माहितीसाठी आहे. परीक्षेपूर्वी माध्यमिक शाळा / उच्च माध्यमिक शाळा / कनिष्ठ महाविद्यालयांत छापील स्वरूपात अंतिम वेळापत्रक मिळणार आहे. त्या छापील वेळापत्रकावरून परीक्षेच्या तारखांची खात्री करून घ्यावी आणि परीक्षेस बसावे असे आवाहन बोर्डाकडून करण्यात आले आहे. अन्य वेबसाइटवरील किंवा अन्य यंत्रणेने छपाई केलेले तसेच व्हॉट्सअॅप किंवा तत्सम माध्यमातून व्हायरल झालेल्या वेळापत्रकावर विश्वास ठेवू नये असे आवाहन करण्यात आले आहे.

Career after SSC: दहावीनंतर ‘हे’ डिप्लोमा करा, मिळेल चांगल्या पगाराची नोकरी