Gujarat sologamy marriage : अबब! नवरी, मंडप व सप्तपदी सर्व असेल पण ‘नवराच’ नसणार, 24 वर्षांची क्षमा बिंदू करणार स्वत:शीच लग्न आणि हनिमूनसाठी जाणार गोव्याला, कारण…!

Gujarat Vadodara sologamy marriage : मंडप असेल, नववधूच्या रुपात नवरीही असेल, सात वचनं असतील, मंगलाष्टका असतील मात्र नवरदेव कुणीच नसणार आहे, कारण ही तरुणी स्वत:शीच लग्न करणार आहे. गुजरातमधून एक धक्कादायक बातमी समोर आली आहे. भारतातील ही कदाचित पहिलीच असमान्य घटना असेल, ज्यामध्ये एक मुलगी स्वत:च स्वत:शी लग्नगाठ बांधणार आहे, कारण या लग्नात कोणाही वराचा सहभाग असणार नाहीये. वाास्तविक, 24 वर्षांच्या क्षमा बिंदू (kshama bindu sologamy marriage) नावाच्या मुलीचा विवाह 11 जून रोजी एका मंदिरात पार पडणार आहे.

एवढेच नाही तर लग्नानंतर ती हनीमूनलाही जाणार असल्याचे सांगितले जात आहे, त्यासाठी तिने गोव्यात 2 आठवडे घालवण्याचा प्लॅन आधीच केला आहे. क्षमानं आपल्या लग्नासाठी लेहंगा, सोने खरेदी केले आहे, पार्लर देखील बुक केले आहे आणि आता ती नवरी होण्यासाठी सज्ज झाली आहे. गुजरातमध्ये पहिल्यांदाच असा आत्मविवाह होत आहे. क्षमाच्या या निर्णयाची सोशल मीडियासोबत सर्वत्रच जोरदार चर्चा सुरू आहे.

ही आहे खरी कहाणी

या निर्णयाबाबत बोलताना क्षमा बिंदूने सांगितलं की, मला कधीच लग्न करायचं नव्हतं. मात्र मला नवरी बनायचं होतं. त्यामुळं मी स्वत:शीच लग्न करायचा निर्णय घेतला. तिनं यासाठी परदेशात याआधी असं लग्न कुणी केलंय का? याचा शोध देखील घेतला. मात्र तिला तसं कुणीच आढळून आलं नाही. तिनं म्हटलं की, कदाचित मी आपल्या देशातील पहिली व्यक्ती आहे जिनं आत्म प्रेमाचं एक वेगळं उदाहरणच जगासमोर घालून दिलं आहे.

(वाचा :- माझी कहाणी : मी 29 वर्षांची तरूणी असून कोणीच माझ्याशी लग्न करण्यास तयार नाही, ज्याचे कारण खूपच लज्जास्पद आहे..!)

लग्नास आई-वडीलांचा देखील पाठिंबा

जर तुम्हाला असे वाटत असेल की अशा लग्नासाठी क्षमाला तिच्या पालकांनी फटकारले असेल किंवा तिला कठोर विरोधाचा सामना करावा लागला असेल तर तुम्ही चुकीचे आहात. उलट या निर्णयाबाबत या मुलीला तिच्या पालकांचा पूर्ण पाठिंबा मिळाला आहे. आता खुद्द तिच्याच आई-वडीलांना काही हरकत नाही तिथे इतर लोकांचा विरोध ग्राह्यच धरला जाऊ शकत नाही.

(वाचा :- ‘या’ 5 गोष्टींमुळे चांगला बॉयफ्रेंड सुद्धा बनतो गर्लफ्रेंडच्या नजरेत वाईट, मुलांनो वेळीच सावरा नाहीतर राहाल सिंगल..!)

स्वत:वर प्रेम करते म्हणून स्वत:सोबतच लग्न

क्षमा एका खाजगी कंपनीत नोकरी करते. तिनं म्हटलं की स्व-विवाह विनाशर्त स्वत:वर प्रेम करण्याचं एक मानक असेल. हे आत्म-स्वीकृतीचं एक मोठं उदाहरण आहे. सामान्यत: लोकं अशाच व्यक्तिसोबत लग्न करतात जिच्यावर ते प्रेम करतात, जिच्यासोबत ते आपलं आयुष्य सुखा-समाधानाने व्यतीत करतात किंवा करू इच्छितात. मी सुद्धा स्वत:वर प्रचंड प्रेम करते आणि म्हणूनच मी स्वत:सोबत लग्न करण्याचा निर्णय घेतला आहे.

(वाचा :- माझी कहाणी : माझ्या गर्लफ्रेंडचे आई-वडिल आमच्या लग्नाला कडाडून विरोध करतायत, कारण ऐकून म्हणाल…!)

अशा प्रकारच्या नात्याला काय नाव आहे?

अशा संबंधांना सोलोगामी (sologamy) म्हणतात. ही संज्ञा काही नवीन नाही, केवळ गुजरातच्या क्षमामुळे ती आता अधिक ठळक होताना दिसत आहे. हा एक प्रकारचा विवाह आहे, ज्यामध्ये विवाहाशी संबंधित सर्व प्रथा अगदी चोख पार पाडल्या जातात. मात्र फरक एवढाच असतो की ती व्यक्ती दुसऱ्या कोणा ऐवजी स्वतःशी लग्न करते. त्यामुळेच याला सोप्या भाषेत स्व-विवाह किंवा सेल्फ मॅरेज (self marriage) असेही म्हणतात. (फोटो साभार : pexels)

(वाचा :- पुरूषांनो, तुमच्यासोबत असताना महिलांना ‘या’ 4 गोष्टींची असते कायम भीती, ज्याबद्दल त्या कोणाला थांगपत्ताही लागू देत नाहीत..!)

ट्रेंड वाढतोय

सोलोगामी हा प्रकार आता अधिक लोकप्रिय होत आहे. विशेषत: 21 व्या शतकातील मुलींमध्ये त्याचा ट्रेंड इतका वाढला आहे की काही भागांमध्ये तो सामान्य मानला जाऊ लागला आहे. जगातील बर्‍याच देशांमध्ये, काही ट्रॅव्हल एजन्सी सोलोगामी पॅकेजेस देखील देतात, जे विशेषतः डिझाइन केलेले आणि नियोजित असतात. (फोटो साभार : pexels)

(वाचा :- short tempered partner : फायर हूं मैं ! सतत रागात असणाऱ्या तुमच्या जोडीदाराला या ५ प्रकारे करा शांत)

क्षमा मंदिरात करणार लग्न

क्षमानं आपल्या लग्नासाठी गोत्रीमधील एक खास मंदिर निवडलं आहे. या मंदिरात ती स्वत:सोबतच लग्न करेल. लग्नात घेण्यासाठी तिनं स्वत:साठी पाच शपथा लिहिल्या आहेत. विशेष बाब अशी की, लग्नानंतर क्षमा हनिमूनला देखील जाणार आहे. ती गोव्याला हनिमूनला जाणार आहे, जिथं ती दोन आठवडे राहणार आहे.

(वाचा :- Singer KK Love Story: सात जन्माची साथ सोडून ज्योतीला अलविदा करून गेले केके, मात्र जाता जाता ठरले आदर्श पती)