MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
School Attendance Allowance: आदिवासी क्षेत्राबाहेरील आर्थिक दुर्बल घटकांतील, तसेच अनुसूचित जाती-जमाती, भटक्या जमातींमधील पहिली ते चौथीमध्ये शिकणाऱ्या मुलींची पटसंख्या वाढावी, मुलींचे शाळांतील गळतीचे प्रमाण कमी व्हावे, या उद्देशांनी पहिली ते चौथीत शिकणाऱ्या मुलींना प्रोत्साहनपर उपस्थिती भत्ता देण्याचा निर्णय घेतला होता. प्रतिविद्यार्थिनी, प्रतिदिन एक रुपया भत्ता निश्चित करण्यात आला. वर्षातील एकूण उपस्थितीचे २२० दिवस ग्राह्य धरून भत्ता दिला जातो, असे मुंडे यांनी सांगितले.
राज्यात आर्थिक दुर्बल घटक, आदिवासी क्षेत्राबाहेरील अनुसूचित जाती जमाती, भटक्या जमाती अशा प्रवर्गातील सावित्रीच्या लेकींना नियमित शाळेत येण्याची आवड निर्माण व्हावी, यासाठी तीन दशकांपासून राज्य सरकारतर्फे प्रतिदिन एक रुपयाचे प्रोत्साहनपर अनुदान दिले जाते. त्या अनुदानात वाढ करून ते किमान २० रुपये करावे, अशी मागणी राष्ट्रवादी काँग्रेसचे माजी मंत्री धनंजय मुंडे यांनी शालेय शिक्षणमंत्री दीपक केसरकर यांच्याकडे केली.
सन १९९२मध्ये तत्कालीन राज्य सरकारने क्रांतिज्योती सावित्रीबाई फुले जयंतीचे औचित्य साधून व त्यांनी दाखवलेला स्त्री शिक्षण, महिला सक्षमीकरणाचा आदर्श डोळ्यासमोर ठेऊन आदिवासी क्षेत्राबाहेरील आर्थिक दुर्बल घटकांतील, तसेच अनुसूचित जाती-जमाती, भटक्या जमातींमधील पहिली ते चौथीमध्ये शिकणाऱ्या मुलींची पटसंख्या वाढावी, मुलींचे शाळांतील गळतीचे प्रमाण कमी व्हावे, या उद्देशांनी पहिली ते चौथीत शिकणाऱ्या मुलींना प्रोत्साहनपर उपस्थिती भत्ता देण्याचा निर्णय घेतला होता.
प्रतिविद्यार्थिनी, प्रतिदिन एक रुपया भत्ता निश्चित करण्यात आला. वर्षातील एकूण उपस्थितीचे २२० दिवस ग्राह्य धरून भत्ता दिला जातो, असे मुंडे यांनी सांगितले.
‘या योजनेतील लाभार्थींना भत्ता देण्यासाठी शैक्षणिक वर्ष २०२२-२३मध्ये अद्याप निधी उपलब्ध करून देण्यात आला नाही. ३० वर्षांपासून योजनेत काहीच बदल करण्यात आले नाहीत. देशाचा स्वातंत्र्याचा सुवर्ण महोत्सव साजरा करत असताना महागाई आकाशाला गवसणी घालत आहे. अशा परिस्थितीत सावित्रीमाईंच्या नावाने दिल्या जाणाऱ्या भत्त्याची एक रुपया रक्कम ही शालेय मुलींची चेष्टा करणारी आहे,’ असे मुंडे यांनी शिक्षणमंत्र्यांना पाठवलेल्या पत्रात म्हटले आहे.
मुलींसाठी पहिली भारतीय शाळा उघडली, समाजव्यवस्थेविरुद्ध आवाज उठविला; सावित्रीबाई फुलेंचे आपल्यावर अनंत उपकार
