मुंबई विद्यापीठातील ‘विधी’च्या विद्यार्थ्यांना अर्ज भरण्यात अडचणी

विद्यापीठाकडून विधी अभ्यासक्रमाच्या पाचव्या आणि सहाव्या सत्राची परीक्षा घेतली जाते. त्यासाठी परीक्षेपूर्वी विद्यापीठाकडे अर्ज दाखल करणे आवश्यक असते. मात्र, काही महाविद्यालयांतील विद्यार्थ्यांना ऑनलाइन अर्ज दाखल करण्यात अडचण येत आहे. परीक्षेचे अर्ज अजून भरून झालेले नाहीत. त्यामुळे प्रवेशपत्र मिळण्याबाबत गोंधळ आहे, असे विधी अभ्यासक्रमाच्या एका विद्यार्थ्याने नाव न छापण्याच्या अटीवर सांगितले.

Engineering Course Books: अभियांत्रिकी अभ्यासक्रमांची पुस्तके भारतीय भाषांमध्ये

असे प्रकार वारंवार घडत आहेत. तसेच यामुळे विद्यार्थ्यांना त्रासाला सामोरे जावे लागत आहे. विद्यापीठाने यावर तोडगा काढावा. अन्यथा विद्यार्थ्यांना आंदोलनाशिवाय पर्याय राहणार नाही, असा इशारा अखिल भारतीय विद्यार्थी परिषदेचे प्रदेशमंत्री अमित ढोमसे यांनी दिला. दरम्यान, याबाबत विद्यापीठ प्रशासनाकडे विचारणा केली असता, अर्ज भरण्याची प्रक्रिया सुरू आहे.

विद्यार्थ्यांना २५ आणि २६ नोव्हेंबरला प्रवेशपत्र दिले जाईल. विद्यापीठाकडून कोणतीही तांत्रिक अडचण नाही. जी काही तांत्रिक अडचण आहे, ती महाविद्यालयांकडून आहे. विद्यार्थ्यांनी महाविद्यालयांकडे जावे. महाविद्यालय त्यांच्या तांत्रिक अडचणी दूर करतील. त्यानंतर विद्यार्थ्यांना प्रवेशपत्र मिळतील, असे विद्यापीठाने सांगितले आहे.

Scholarship: पाचवी, आठवीच्या विद्यार्थ्यांची शिष्यवृत्ती परीक्षा १२ फेब्रुवारीला